Vi fann 7004 artiklar i dette arkivet.
Torsdag kl. 17 opnar utstillinga i Kallastua, og da får vi sjå resultatet av restaureringsarbeidet som har vore gjort no i sommar. Som mange hugsar var det eit rom på hotellet som dei kalla Kallarommet. Her måla Kalla Skrøvseth i si til maleri rett på veggane. Da den delen av hotellet vare revet for nokre år sia vart denne kunsten teke vare på, og altså no restaurert.
Todalen Elveeigarlag (TEL) melder at den planlagte Ungdomsfiskedagen lørdag 7. august er avlyst. TEL beklager dette, men laget vil satser på å arrangere ny Ungdomsfiskedag i 2022. TEL minner om at ungdom under 16 år kan fiske gratis sammen med en voksen med fiskekort (stangdeling) eller bestille fiskekort gratis ved å kontakte Tove på tlf […]
Søndag 8. august arrangerer Todalen sokneråd friluftsgudsteneste i Svinviks arboret. Gudstenesta startar kl 11.00 og det er Vidar Rygh som er liturg, og organist er Ronny Kjøsen. Dersom det blir dårleg vêr blir gudstenesta flytta til Todalen kyrkje. Det blir i så fall kunngjørt på Todalen.no.
Torsdag 5. august er det klart for ny sesong for Surnadal pensjonistlags stavganggruppe. Første turen går til Ranessetra, og det er oppmøte ved bommen for samkjøring. Starttidspunktet er som vanleg kl 11:00. Alle er velkomne til bli med på tur!
Søndag trefte vi Ole Martin Øyen i Oddøyhølen – han kom nærast «flytande på ei fjøl» forbi, og kom opp av elva for å ta ein liten pause. Han var utstyrt med dykkardrakt, snorkel og dykkarbriller, og var ut på oppdrag for Todalen elveeigarlag – og var spesielt på utkik etter pukkellaks.
Erik Kårvatn er framleis på hugget og klarte i dag å sikre 10.-plassen i sin klasse under det 16 km lange løpet. Dagens løype var korta ned på grunn av sterk vind i den Italienske fjellheimen, og det var kanskje ikkje nokon fordel for Erik, men han viste musklar og hadde ein sterk spurt inn til mål. Dermed var 10.-plassen i sin klasse sikra blant dei 27 deltakarane i yngste klasse.
I dag er det siste dag for fiske etter sjøaure i Toåa. Siste fastsetting av fisketider i direktoratet reduserte fisketida for sjøaure slik at fisket starta 15. juni og sluttar 31. juli kl 23:59. Dette er nytt av året, tidlegare var det same tid for sjøaure og laks – nemleg 15. juni til 15.august. Når […]
Det er no temmeleg nøyaktig 12 år sia Todalen.no såg dagens lys. Det var 24. august 2009 at Ole Petter Talgø la ut den første saka om «Todalen på nett». Ole Petter var arkitekten som sørga for web-design av den første nettsida med adresse www.todalen.no. Nettsida vart til som eit resultat av at Todalen I.L. laga ei eiga jubileumsside til sitt 100-årsjubileum i 2008 – den heitte www.todalenil.net og var operativ i jubileumsåret. I neste omgang vart det jobba med eit permanent opplegg for ei slik side i «Bygdemobiliseringsprosjektet Godt mot». Ei nettside for bygda var eit av fleire prosjekt i denne samanheng – og drog med seg støtte til nettsideprosjektet med knappe kr 30.000.
Erik Kårvatn gjorde innfridde forventningane da han tok ein 7. plass i sin klasse under Skyrunning VM i Fonte Cerreto, L’Aquila i Italia i dag. I dag var det vertikal som stod på programmet, og det var motbakkeløp i ordets rette forstand. Løypa starta på rundt 950 m.o.h. og gjekk 1000 høgdemeter rett opp lia i ei løype på 3,5 km. Dette er ei ny øving for Erik, og det vart ikkje betre av at det var 33 varmegrader i bakkane opp mot målområdet. Trym Dalset Lødøen kom på 3.-plass og vart beste norske deltakar.
Fredag morgon var Svorka på pletten for å skifte ut trafo ved Vestrum/Talgø gård, etter at lyn og torden herja i går kveld. Dette slo ut straumforsyninga til basestasjonen for internett på Talgøsetra/Reiret. Dermed vart også Kårvatn utan internettkontakt i natt.
Erik Kårvatn er i Italia for å representere Norge i motbakkeløp og skyrunning i Italia. Da han og resten av gjengen landa på flyplassen i Roma var det 37 varmegrader, så det er klar at varmen blir ei utfordring. Faren Gudmund som er i lag med den norske delegasjonen seier at dei no førebur seg så godt dei kan med å balansere inntaket av salt og drikke.
Brørne Hallvard og Odd Magne Haugen var i dag i full gang med å lage nytt tak på uthuset i Steinarstua. Nye sperrer og nytt ståltak skal på plass og så skal det monterast solcellepanel på takflata mot sør. Dei to er siste rest av Byggfirma Olav Haugen og dei to einaste tilsette.