Vi fann 2741 artiklar i dette arkivet.
Todalen sanitetsforening arrangerer ein instruksjonskveld av trenings-/styrkeapparata i Hett og Svett. Dette er for alle interesserte i alle aldrar i bygda. Instruktør er Ola Einar Øyen. Dagen er måndag 31. oktober kl. 18.
Nesten 30 skumle, søte og nokre ordinære figurar var samla til halloweenparty i gammelskulen i dag. Her var det pynta til fest og dei unge deltakarane kosa seg med både servering og leik i eit par timar.
Surnadal Golfklubb innkaller til ekstraordinært årsmøte og medlemsmøte på Thon Hotel Vårsøg den 21.november klokken 19.
I dag er det Halloweenparty i Gammelskulen. Dette er no ein årvis tradisjon i regi Justyna på Bjørli. Ho inviterer også i år til skummel samling for ungane der dei kan kle seg ut og leike i lag.
I natt skal vi stille klokka tilbake ein time, og med det går vi tilbake normaltid – eller vintertid som det også kallast. Dette gir oss ein lysare start på dagen, samtidig som kvelden blir mørkare.
Med uante millimetrar med nedbør i dag var det ikkje sjølvsagt at det vart noko stort oppmøte på strikkekaffeen i Sanitetshuset. Men oppmøtet var upåklageleg og damene kosa seg innomhus med strikking, kaffe og ikkje minst sosialt samvær. Her er det alltid kjekt å sjå kva for handarbeid dei andre driv med, og ikkje minst bli inspirert av erfarne strikkarar.
Dei to siste åra har det etter initiasjon frå Todalen sanitetsforening, vore samarbeid mellom fleire lag i bygda om eit arrangement kalla Førejulstreff eller Internasjonal-kaffe i Ungdomshuset. Intensjonen har vore at alle todalingar og spesielt dei nyinnflytta skulle inkluderast under eit uformelt kaffelag med smakar frå forskjellige land, litt underhaldning og så bortetter. Evalueringane viser at dette ikkje har vore dei aller sveraste arrangementa i historia, så no tenkjer lag og foreningar i bygda nytt.
Tirsdag kveld var foreldre og tilsette ved Todalen Oppvekstsenter samla for å sjå litt inn i tida med tanke på korleis ein vil at oppvekstsentret skal vere i 2040. Kommunalsjef Astrid Mogstad Høivik kom og held ei innleiing omkring eit prosjekt kommunen no har på gang; «Sammen skaper vi fremtiden».
Søndag 23. oktober kl 15 brakar årets TV-aksjon «Sammen får vi hjelpen helt frem» laus. Mange bøssebærarar skal i aksjon for å samle inn pengar til årets formål. I den anledning inviterer Surnadal Røde Kors og Surnadal kommune til flerkulturell kveld i Surnadal kulturhus. Her blir det allsidig underhaldning frå scena kan ordførar Lilly Gunn Nyheim fortelje.
I går hadde 3. til 7.klasse på Todalen Skule besøk av Ingun Myrstad med «Human Knitting Machine» frå Den Kulturelle Skolesekken. Elevane fekk oppleve strikking på en helt ny måte, og brukte seg sjøv som ei levande strikkemaskin.
Surnadal Pensjonistlag ønsker no å starte nybyrjarkurs i data for eldre. Kurset er åpe for alle eldre, og Pensjonistlaget fortel at dei må ha minst 5 påmeldte for å starte opp. Det er tenkt 2 undervisningstimar per økt, over 5 gongar.
Indre Nordmøre Senioruniversitet har møte på Kulturhuset i Surnadal
onsdag 26.oktober 2016 kl 1100. Denne gongen har dei fått Edvard Hoem til å komme til Storstua og fortelje om den nye utvandrartrilogien sin:
Slåttekar i himmelen – Bror din på prærien – Land ingen har sett.