Forfattararkiv for

Leiar i Ski- og friidrettsgruppa, Jorid Haugen Ansnes oppfordrar alle til å komme på Bordholmen onsdag kveld kl 18 for å vere med på Lagseriestevne. Det vil da bli høve til å prøve seg på å ta idrettsmerket. Her blir det moglegheiter til å få sjekka vårformen innan både 60 meter, liten ball og stille lengde for å nemne noko. Nokre få har så smått byrja, men Jorid ønsker at fleire hyvar seg med.

I kveld, tirsdag kl 18.30 er det fotballkamp på Bordholmen. Der møtes G10 laget Søya/Todalen Surnadal til dyst melder leiar i fotballgruppa, Bjørn Hauglann. Også torsdag kveld er det kamp der i følge aktivitetskalenderen vår.Førs ein J10 kamp klokka 18, så ein G14 kamp klokka 19. Kiosken er naturlegvis open melder Bjørn.

Laurdag og søndag var fleire lag frå Søya/Todalen på Halsa og spela cup. Todalen stilte kun med eit reint Todalslag i klassen knøtt, men hadde ellers med spelarar i klasssane G10, J10 , G12 og J12. Laurdag var sett av til dei minste spelarane, der det var full rulle på fire banar til ei kvar tid. Søndag var det kampar på tre banar for dei litt eldre spelarane, G12 og J12.

Da er Kleivakvelden 2011 unnagjort, med Dordi Skuggevik Tande som vinnar av årets Kleivapris, og Odd Nordstoga som hovedattraksjon. Men det var slettes ikkje alt; dei frammøtte fekk vera med på ein allsidig kulturkeveld på heimplassen til Hans Hyldbakk. Standarden vart i grunnen satt då Henning Sommaro og John Pål Inderberg ønska velkomne med «E slåttatæja». Jenny Elisabeth Klinge var kveldens konfransier og losa publikumet gjennom arrangementet i lag med Henning som kunstnerisk leiar.

Husby og Halle Vasslag hadde i går dugnad på det felles vassanlegget sitt ved Lauvåa. Her er det no oppgraderingar på gang då det har vore ei stund sia noko har vore gjort. Dei to vasslaga er inne i ein muleg overgang til å slå seg saman til eitt vasslag, men dette vil antageleg ikkje bli avgjort før på eit ekstraordinært årsmøte sist i juni. Og om det då blir eitt, skal det bestemmast om det skal bli eit privat eit, eller om ein skal kople seg på det kommunale.

På Trollheimsporten har dei lagt ut eit bilde frå sist på 40-talet, då Rindal IL tok turen inn til Todalen for å spela fotballkamp. Trollheimsporten har så å seie alle navna på rindalingane, men ser ut som dei treng hjelp med todalingane. Og med alle dei gamle fotballbilda som heng på L.Hals så må det vel vera inkvan som kan hjelpa dei.

Det heile starta fint og pynteleg, då dagens lagseriestevne byrja på Bordholmen i ettermiddag. Ungane hoppa lengde både med og utan tilfart før dei fortsette med liten ball og 60 meteren. Det var ikkje på det aller meste med ungar som møtte, men dei som kom fikk i allefall litt lett underhaldning.

Ski- og friidrettsgruppa minner om at det er lagseriestevne i morgon på Bordholmen for alle i absolutt alle aldrar. Og med basaren friskt i minnet, så hugsar vi at vi vart oppfordra/utfordra av Åshild Halle til å ta idrettsmerket, alle som ein! Oppstart kl 18.00 på Bordholmen

Åshild Halle vart i går hedra med diplom og merke for å ha gjennomført sitt førtiande idrettsmerke. Det skjedde under den årlege trim basaren, der også ski og friidrettsgruppa delte ut sine utmerkelsar for eit aktivt år. Som om det ikkje var nok, så fekk ho også Gullstatuetten for skimerket, medan ektemann Trygve fekk Skikruset.Ellers oppfordra Åshild fleire til å vera med å ta idrettsmerket, for den einaste som tok det attåt ho i fjor var Emil Haugen Ansnes. Han tok bronsemerket.

Surnadal Brannvesen hadde i dag brannøving på Bøvra i Surnadal. Der hadde dei «fått» seg eit gamalt hus av Olav Øye til å kjøyre ein øvelse på. Dette innebar at vårt lokale brannmannskap her i Todalen også deltok i lag med brannmannskapet frå Kvanne og Halsa Brannvesen, pluss ambulansepersonell. I tillegg vart Omsorgsberedskapsgruppa i Todalen Sanitetsforening inviterte til å oververa øvinga, samt å organisere bevertninga for dei innvolverte brannmennene.

Trimgruppa og Ski- og friidrettsgruppa arrangerer felles basar også i år. Der har dei satt datoen til førstkommande søndag den 29. mai. Staden er i Ungdomshuset og det heile startar klokka 15. Der vil bli utdeling av fjorårets trimpostar, deltaking på barn i løypa og utdeling av skimerket alt dette for 2010.

I går kveld arrangerte IL Søya ei miniturnering i anledning UEFA’s breddefotballdag. Idrettslaget inviterte dei nerliggande klubbane Todalen IL og Kvass/Ulvungen IL for å markerer dette. Veret var nok ikkje det aller beste, men det forhindra ikkje at ballen rulla på fleire banar samtidig.