Vi fann 1024 artiklar i dette arkivet.
Det blir fotpleie i Todalen sanitetshus før jul. Fotterapeut Pan Promchart Hoset kjem onsdag 18. desember. Ho har ledige timar. Påmelding til Marit Sanden Søyset på telefon 980 36 391. Marit og Pan set pris på at folk melder seg på så snart som råd, det gjer arbeidet med timeoppsett og planlegging enklare.
Årsskrift nr. 13, år 2019, frå Stangvik historielag har eit godt og interessant innhald. Her er det artiklar som dekkjer eit stort omland, det meste av gamle Stangvik kommune som Ålvundfjorden, Lykkjebygda, Hamnes, Årnes og Stangvik.
Forfattarane Torbjørn Polden, Lars Steinar Ansnes og Erling Myrbostad har gjennom 12 år samarbeidd om å gi ut bøker med utgangspunkt i lokal historie knytt til Eidet og Lykkjebygda der karane voks opp. I alt har det vorte fem bøker. Torsdag kveld var det bokslepp for «Under Skarfjellet» – bind 3. Da har dei produktive forfattarane gjeve ut 3 bøker i løpet av det siste året! «Men det blir ikkje tre nye bøker neste år,» slo Lars Steinar Ansnes fast.
Todalen sanitetsforening inviterte eldre sambygdingar til middag i sanitetshuset tysdag 12. november; eit kjærkome tilbod for mange! Det er godt å samlast til felles måltid og prat.
Kalenderen viser at det framleis er nokre dagar til midten av november, siste haustmånaden; men da Kløverturgjengen starta ut på trimtur i dag, viste gradstokken minus 10 grader! Iskaldt, men fint: Låg sol og rim på marka! Retteleg fint og stjerte før!
Måndag 11. november blir det siste Kløverturen denne hausten. Oppmøte ved Hals/Matkroken kl. 11:00. Denne dagen går turen frå butikken og innover skogsvegen i Kvennsetlia.
Det vart riktig godt oppmøte på sesongens siste Fredrikkekaffe, blide damer og god stemning. Ei riktig så triveleg stund med handarbeid, kaffe, kaker og livleg prat!
Sunndal Mållag feirar i år 100 år og ønskjer å markere dette med å gje nordmøringane ei litterær og musikalsk førjulsoppleving. Edvard Hoem og dottera Ine kjem til Sunndal kulturhus den 17. desember kl. 19:00 og held ein heilt spesiell julekonsert.
Todalen sanitetsforening inviterer til Fredrikkekaffe i Sanitetshuset laurdag 9. desember i tidsrommet 13:00 – 16:00. Alle er velkomne!
Omsorgsberedskapsgruppa i Todalen sanitetsforening melder at det blir middag for folk i bygda igjen. Middagen blir i Sanitetshuset tysdag 12. november kl. 14.00.
Låg sol og høge fjell gjer at det no blir mindre og mindre sol nede i bygda. Kløverturgjengen la dermed trimturen første måndagen i november til Hjellnes. Solstrålane vart utnytta til fulle; – da kaffepausen var over, gjekk sola ned bak fjella.
Måndag 4. november går Kløverturen til Hjellnes. Oppmøte ved Hals/Matkroken. Samkjøring derifrå kl. 11.00 utpå Kammen. Så blir det tur oppover til Hjellnes og kanskje litt innover skogsvegen. Turen nedatt går om Flata.