Vi fann 2407 artiklar i dette arkivet.
Kyrkja i Surnadal inviterer til «Felles middag» på kyrkjelydshuset onsdag 22. mars klokka 16:30. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.
Da er dei digitale årsmøtedokumenta til Todalen Idrettslag sitt årsmøte klare og kan lesast i PDF-versjon her på Todalen.no. Todalen Idrettslag sitt årsmøte blir gjennomført i Todalen ungdomshus i kveld klokka 19:00.
Måndag 11. september, same dag som det er kommune- og fylkestingsval, er det også val av nytt sokneråd. Det noverande soknerådet er valnemnd, og dei er alt i gang med å finne gode kandidatar til det «nye» soknerådet.
Korleis kan Surnadal kommunenæ kommunisere betre med deg? Det er spørsmålet ei tverrfagleg prosjektgruppe spør om i ei innbyggarundersøking kommunen håper innbyggarane vil vere med å gje dei tilbakemelding på. Alle med folkeregistrert adresse i kommunen skal ha fått ein e-post med oppmoding om å delta i undersøkinga.
Tysdag 14. mars klokka 17:30 inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra, og altså ikkje «Elg i løypa», slik biletet over viser! Det blir servering av saft etterpå.
Nordmørsmusea søkjer etter medarbeidarar til årets sesong i Svinviks arboret. Arbeidsoppgåvene er i hovudsak knytt til kafedrift og publikumsretta arbeid, men andre oppgåver kan også bli lagt til stillingane.
Fredag 17. mars, mellom klokka 12:00 – 17:00, inviterer Lia gard til bakeriutsal. Så da blir det mogleg å sikre seg både grovbakst og noko til kaffekosen til helga.
Torsdags kveld var det opning av utstillinga «Lines Made By Walking» på Galleri Format i Oslo. Utstillinga er første visning av eit pågående samarbeidsprosjekt, der Siri Skjerve arbeider i hud og Toril Redalen i leire. I utstillingsteksten skriv kunstnarane: – På en måte representerer de to materialene føtter og grunn, beina og stien. Skinn, hud og jord. Mennesket i landskapet. Materialene erfares som noe eget og er samtidig en usynlig del av omgivelser og kropp. En del av oss.
Svorka har behov for heile 10 nye medarbeidarar. – Det er 10 nye stolar som treng nokon til å fylle dei. Kanskje er den stolen du har litt vond? Kanskje er du berre litt lei av den? kanskje har du sølt kaffe i den eller kanskje har du berre lyst til å prøve ein ny stol? Og tenk om vi har drømmestolen din her hos oss? Dette seier Svorka i utlysinga av dei 10 stillingane frå dei søker folk til!
Tysdag 28. mars kjem årets konfirmantar og andre frivillige bøsseberarar frå sokna i Surnadal rundt til heimane for å samle inn pengar til Fasteaksjonen 2023. I Todalen er det Todalen sokneråd som organiserer Fasteaksjonen.
Onsdag 15. mars klokka 17:30 inviterer Surnadal bibliotek, som er medlem av Litteraturhus i Møre og Romsdal, spesielt barn i alderen fire til åtte år, til eit møte med det mest fantastiske frå dyreverda i kionosalen på Surnadal kulturhus.
Todalen hjorteviltområde og Todalen ungdomshus inviterer onsdag 12. april klokka 19:00 til «viltkveld» med Rolv Langvatn i Todalen ungdomshus. Langevatn har valt å kalle foredraget sitt «Et halvt århundre i norsk hjorteforskning og forvaltning – noen trekk fra utviklingen».