Forfattararkiv for

Stavganggruppa i Surnadal Pensjonistlag inviterer torsdag 8. juni klokka 11:00 til stavgang til Svorka i Bæverdalen.

Vanlegvis går Fjellgruppa i Surnadal Pensjonistlag sine fjellturar på tysdagar, men denne gongen inviterer Fjellgruppa til tur til Bølia fredag 9. juni. Oppmøte på parkeringsplassen nedanfor Øye kyrkje klokka 10:00.

Surnadal Frivilligsentral inviterer til onsdagskafe i Frivilligsentralen sine lokalar på Skei onsdag 7. juni frå klokka 15:00 – 18:00. – Dess fleire me er saman, dess trivlegare blir det! – Ta med deg naboen, vener, nokre slektningar og elles andre du finn på vegen!, er oppfordringa frå Frivilligsentralen. 

Fredag 9. juni, mellom klokka 12:00 – 17:00,  inviterer Lia gard til ope bakeriutsal. Så da blir det mogleg å sikre seg både grovbakst og noko til kaffekosen til helga. Har du problem med å rekke innom i opningstida, er det berre å ta kontakt med Lia gard for å avtale henting av varer. 

Tysdag 6. juni spelar Søya/Todalen sitt G 11-lag heimekamp på Bordholmen stadion klokka 18:00. Da skal heimelaget spele mot Kvass/Ulvungen, våre gode naboar på andre sida av fjorden, så dette blir med andre ord eit «klassisk» lokaloppgjer!

Før jul, fekk styret i Todalen Idrettslag eit brev frå Jakob Ranes, ein ivrig fotballspelar, med spørsmål om idrettslaget kunne kjøpe ein rebounder, Ein rebounder er ei metallrame med eit nett. Når ein skyt fotballen på nettet, kjem ballen att, så dette er ein fin måte å lære seg å skyte ballen kontrollert og å ta imot ballen att etterpå. Styret i idrettslaget var sjølvsagt positive til eit slikt initiativ frå eit ungt medlem. 

Todalsdagen 2023 går av stabelen 1. juli, og planlegginga av årets utgåve er godt igang. I år er det 30 år sidan den første utgåva av Todalsdagen vart arrangert i 1993. I år, som alle år, blir det TodalsCup i fotball for aldersgruppa 6 – 12 år. Invitasjon er sendt ut til laga, og påmeldingsfristen er fredag 23. juni. 

Ungdomsrommet i reiskapshuset på Bordholmen stadion tek form. I går kveld vart taket ferdig grunna, så no er både tak og veggar klare for å få siste «finish» før innreiinga av rommet kan ta til. 

Surnadal bibliotek har sidan 2019 arrangert «Litterært pusterom» på biblioteket på Skei. Som ein del av prosjektet «Ut av bibliotekrommet» vil biblioteket no tilby dette i andre delar av kommunen.

På grunn av sjukdom og dårleg ver, blir kveldens planlagde «Hjertemarsj» i Kavlvegen på Eidet avlyst. Dette melder arrangøren Surnadal demensforening og helselag i ein e-post til redaksjonen. 

I går gjekk Fjellgruppa i Surnadal Pensjonistlag sin tur til austre Tussan. – Vi, 21 spreke pensjonistar, starta turen frå Haugaskaret og gjekk den svært så bratte lia opp til Austre Tussan, fortel Anne V. Einum i Fjellgruppa.

– Årets Kleivaprisvinnar har føtene godt planta i lokalt kulturliv og har i ei årrekkje vore med på det meste som rører seg innan scenekunst, revyar og konsertar. Alltid med tryggheit, kunnskap og engasjement, heiter det i juryen si grunngjeving.for utdelinga av årets Kleivapris.