Vi fann 2521 artiklar i dette arkivet.
Regjeringa har, etter anbefaling frå FHI, beslutta at alle som er fødde i årskulla 2004 og 2005 skal få tilbod om koronavaksine, når no snart alle over 18 år er vaksinerte. Denne nyheita har mange ungdommar venta på.
Måndag 23.august er det skulestart for elevane i grunnskulen i Surnadal kommune. At skuleåret 2021/22 tek til så seint, heng saman med at skuleruta i grunnskulen, følgjer skuleruta for den vidaregåande skulen i Møre og Romsdal, og at dei og har ein sein skulestart i år. Alle skulane startar på grønt nivå, med tanke på […]
Risiko for alvorleg sjukdom blant gravide som blir smitta med koronavirus er låg, samtidig viser internasjonale studier at gravide har noko auka risiko for alvorleg forløp av koronasjukdom, og at denne risikoen aukar utover i svangerskapet.
Det er mange sesongar sidan sist Søya stilte med eige seniorlag (utan skråstrek) i fotball. Men i år er det påmeldt eit senior fotballag i 6.divisjon. Tysdag kveld var gjengen samla for å skrive kontrakt og planlegge sesongen. Dei fleste av spelarane på årets Søya-lag er rutinerte karar med, ei allereie, lang karriere attom seg.
Denne veka starta Todalen Idrettslag utsendinga av faktura for medlemsskap for 2021. Dei som er registrert med e-postadresse får fakturaen som PDF-fil vedlagt i e-posten, medan dei som ikkje er registrert med e-post enno, får fakturaen som vanleg papirfaktura i postkassen sin. Kontingenter for 2021 er kr. 150,- per medlem.
I går gjekk Fjellgruppa i Surnadal Pensjonistlag sin tur til Svarthammaren oppi Knykja. – Hadde eg visst kor langt det var, ha eg ikkje vorte med!, sa ei av turdeltakarane etter turen i går. Utsagnet kom da turgåarane var komne til bilane att og turen var over, men ho angra ikkje på at ho vart med.
Onsdag 18.august klokka 17:30 blir det friidrett på Bordholmen stadion. Det er Barne- og ungdomsgruppa i Todalen Idrettslag som står som arrangør. Det blir lengde med tilløp, stille lengde, kast med liten ball, 60-meter, 400-meter og bogeskyting.
Søndag 22.august, mellom klokka 12:00 – 16:00 inviterer Slettneset steinovnsbakeri til open kafe og bakeriutsal. Denne gongen kan dei freiste med nystekte kanelsnurrar, pistasjfletter og vaniljeknutar. Det er og mogleg å kjøpe grovbrød og surdeigsbrød, for å ta med heim og kose seg med seinare.
I ei pressemelding frå Surnadal kommune no i ettermiddag, får vi siste nytt om koronavaksineringa. Neste veke vil mange fleire bli vaksinerte med dose 2 enn tidlegare estimert. 200 kommunar får no to ulike mRNA-vaksiner til disposisjon for å fullvaksinere flest muleg raskast muleg.
Førstkommande fredag, mellom klokka 12:00 – 17:00, inviterer Lia gard til sommarens siste bakeriutsal. Denne gongen, kan dei i tillegg til det vanlege bakevarene, freiste med ferske sjokoladekaker,
På grunn av tekniske problem, som følge av stor vassføring i Bjøråa, er det innført kokepåbod av drikkevatnet frå Bjøråa vassverk. Dette blir abonnentane informert om i ei tekstmelding frå Surnadal kommune.
Frå 1.september, går renovasjonsordninga i Surnadal kommune over frå to til fire dunkar, noko som inneber meir sortering av avfallet vårt, og som ein direkte konsekvens av dette, endring i hentedato for dei ulike typane avfall. Denne ordninga er tidlegare innført i mange av kommunane der Remidt har ansvaret for avfallshandteringa.