Vi fann 2521 artiklar i dette arkivet.
I dag var Øyvind Svinvik med gravemaskin, og Tore Svinvik med motorsak, på plass på rasstaden i Svinvikrunden og rydda bort tre og massar etter raset. Bengt Svinvik var HMS ansvarleg, og såg til at arbeidet vart forskriftsmessig utført. Så no er det mogleg å gå Svinvikrunden. Surnadal har bidrege økonomisk til arbeidet fortel Tore Svinvik.
Det er akkurat no straumlaust i Todalen og utover mot Stangvik ifølge Svorka Energi. Feilen er no lokaliseet, og Svorka reknar med at feilen er retta om 2 – 3 timar, altsa mellom klokka 23:00 – 24:00. Svorka beklager dette.
Torsdag 9.september tilbyr Surnadal kommune Pfizer-vaksine til alle 16 og 17-åringar som har bustadadresse i Surnadal kommune og/eller er elevar ved Surnadal vidaregåande skule.Vaksineringa foregår mellom kl. 9.00 -13.00 på Surnadal kulturhus.
I dag skulle Fjellgruppa i Surnadal Pensjonistlag eigentleg ha teke turen til Åsbøsnyta. Men vêrgudane var ikkje på Fjellgruppa si side i dag, så i staden for Åsbøsnyta vart det ein alternativ tur i Svinvikrunden med besøk på Hjellnes, for tur må det vere uansett vêr! Oppmøtet var naturleg nok litt lågare enn vanleg, og det er fullt forståeleg i det «haustvêret» som var i dag.
I anledning med at Norges Jeger og Fiskerforbund (NJFF) feirar 150-årsjubileum i år (1871 – 2021), har NJFF laga filmen «Jakt- og fiskelandet» som ei jubileumsgåve til seg sjølv, fylkeslaga og lokalforeiningane i NJFF. Filmen er ein episk film om det unike jakt- og fiskelandet Norge. Filmen kan du sjå på Surnadal kino torsdag 26.august klokka 19:00.
Frå og med onsdag 26.august vil Hett og Svett vere tilbake, i tilnærma, normal drift. Det vil framleis vere restriksjonar om at det er maksimalt tre personar som kan vere tilstades og trene samtidig, og onsdagar mellom klokka 12:00 – 18:00 vil Hett & Svett vere stengt for reinhald. I tillegg må kvar enkelt som brukaar Hett & Svett ta ansvar for reingjering av utstyr, etter bruk og rydding, som vanleg.
I går kveld var rundt femten medlemmer frå Vårsøg 4H frå Surnadal på Todalsbesøk, for å besøke Start 4H. Dei to klubbane sine medlemmer vart oppdelt i sju lag, som konkurrerte i ei lokal utgåve av Mesternes Mester.
I dag var det første skuledag for dei samanslåtte skulane Todalen og Stangvik, som frå i dag av er lokalisert på Evenshaugen. I tillegg var det første dag med samlokalisering av Todalen og Evenshaugen barnehagar. Frå i dag av består Todalen og Stangvik oppvekstsenter av ein barnehage med 32 ungar og ein skule, for 1. – 7. årstrinn, med tilsaman 78 elevar. Samstundes var dette første skuledag for 7 spente elevar, som starta skulegangen på 1. årstrinn.
Den tidlegare annonserte kyrkjegardsdugnaden tysdag 24.august klokka 17:00, blir flytta til torsdag 26.august klokka 17:00. Grunnen til dette er dårlege vêrmeldingar tysdag med mykje nedbør. Som tidlegare annonsert så er det denne gongen dugnad for å slå graset på kyrkjegarden og fli den opp til konfirmasjonsgudstenesta laurdag og til hausten som står på programmet. Ta difor med kantkløppar eller anna høveleg reiskap.
Laurdag og søndag arrangerte Surnadal Golfklubb klubbmesterskap på Surnadal golfpark på Mo. Her gjekk Tove Hilstad Garte og Stian Kooyman til topps i kvar sin klasse. Det var totalt 28 deltakarar på helgas klubbmesterskap, som gjekk over 2 x 18 hol. Kooylman sette ny banerekord med 142 slag totalt på båe dagane. Garte spela heim sitt femtande klubbmesterskap.
Onsdag 25.august klokka 18:00, arrangerer Trimgruppa i Todalen Idrettslag sykkeltrim. Oppmøte og start frå Bordholmen stadion. Ruta for sykkeltrimmen blir bestemt ved oppmøtet på Bordholmen. Det blir open kiosk. Trimgruppa ønskjer alle velkomne på Sykkeltrim!
Laurdag 28.august klokka 13:00 er det konfirmasjonsgudsteneste i Todalen kyrkje. Todalen sokneråd opplyser at det er begrensa med plassar i kyrkja denne dagen, slik at dei som ønskjer å vere med på konfirmasjonsgudstenesta, må melde seg på. Påmelding skjer til Frode Grønmyr på telefon 480 68 543. Påmeldinga gjeld ikkje for dei som er invitert av konfirmantane, dei er allereie registrert,