I dag var det første skuledag for dei samanslåtte skulane Todalen og Stangvik, som frå i dag av er lokalisert på Evenshaugen. I tillegg var det første dag med samlokalisering av Todalen og Evenshaugen barnehagar. Frå i dag av består Todalen og Stangvik oppvekstsenter av ein barnehage med 32 ungar og ein skule, for 1. – 7. årstrinn, med tilsaman 78 elevar. Samstundes var dette første skuledag for 7 spente elevar, som starta skulegangen på 1. årstrinn.
Velkomne til eit nytt skuleår! Foto: TOSTOP
Elevtalet på dei 7 årstrinna fordeler seg slik:
- 1. årstrinn, 7 elevar
- 2. årstrinn, 8 elevar
- 3. årstrinn, 14 elevar
- 4. årstrinn, 12 elevar
- 5. årstrinn, 11 elevar
- 6. årstrinn, 10 elevar
- 7. årstrinn, 16 elevar
Bortimot alle tilsette ved Todalen Oppvekstsenter, skulen og barnehagen, har no fått oppmøtestad og arbeidsplassen sin på Evenshaugen.
Laila Buskenes Aune ønskjer velkommen til nytt skuleår. Foto: TOSTOP
Elevane har gjennom det siste skuleår hatt fleire felles skuledagar, og kjenner i tillegg kvarandre frå fotball og andre fritidsaktivitetar.
Dei første tre vekene vil det å bli enda betre kjent vere prioritert både i undervisninga og friminutta.
Nedanfor finn du bilete av kvart årstrinn:
