Vi fann 2368 artiklar i dette arkivet.
Styret i Surnadal Senterparti minner om partiet sitt årsmøte i den «gamle» kommunestyresalen på Surnadal kommunehus, tysdag 8. februar klokka 19:00! På grunn av koronasituasjonen blir det høve til å delta på årsmøtet digitalt, via Teams!
Torsdag 10. februar klokka 11:00 inviterer Surnadal Pensjonistlag igjen til trim i Meierisalen på Landbrukshuset. Surnadal Pensjonistlag har fått med seg Oda fysioterapeut som instruktør for trimmen.
Søndag 6.februar klokka 14:00 inviterer Trimgruppa i Todalen Idrettslag til «OL-Kaffe» i gapahuken i Båthølen. Det blir sal av kaffe med tilbehør. Så her blir det ei god muligheit for å komme seg ut å ta ein kopp kaffe i sosialt lag, etter at søndagens OL-program er ferdig, og før søndagsmiddagen.
2022 er «Frivillighetens år». friluftsrådet Nordmøre og Romsdal og Sunnmøre friluftsråd ønsker i samband med dette å få enda fleire til å bli med på sine «Stikk UT!-turar. Dei har difor valt å satse på «Stikk UT !-SAMMEN», og har no lansert ein film om dette.
I si tilråding til formannskapsmøtet i morgon, fredag 4. februar, foreslår kommunedirektør Knut Haugen å invitere til ei idemyldring for å finne ut kva som skal skje med bygningsmassen, som fram til hausetn 2021, husa Todalen skule. Kommunen gjekk i oktober ut med oppfordring til eventuelle interesentar om å melde si interesse, men dette har, så langt, ikkje resultert i konkrete forslag. Difor vil kommunedirektøren no invitere bygdefolket til idemyldring før endeleg avgjer om framtidig bruk av bygningane/arealet blir vedteke.
Regjeringa presenterte i går, tysdag 1. februar, endringane som er gjort i covid-19 tiltaka. Mange av dei smitteverntiltaka vart med det borte eller lempa på. Dette inneber ein meir «normal» kvardag, sjølv om det framleis er nokre viktige smitteverntiltak som framleis gjeld.
I går kom regjeringa med omfattande endringar i smitteverntiltaka, endringar som gjev tilnærma «normale» tilstandar i samfunnet. Men nokre smitteverntiltak gjeld framleis, og for Hett & Svett vil dei nye smitteverntiltaka ikkje innebære endringar, i denne omgang, i høve til det som har vore gjeldande i dei siste vekene.
I kveld hadde Surnadal formannskap eit ekstra formannskapsmøte for å diskutere eventuell forlenging av den lokale forskrifta for smitteverntiltak. Kommunedirektør Knut Haugen la på møtet fram innstilling om å flytte barnehagar, grunnskulane og vaksenopplæringa over frå gult til grønt nivå.
Tysdag 1. februar, frå klokka 17:30, inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra. Barne- og ungdomsgruppa oppfordrar til å ta med ski og å vere med å gå på ski den tida «Barn i løypa» går føre seg. Det blir på grunn av smitteverntiltaka som gjeld, ikkje servert drikke, så dette må kvar enkelt ta med seg sjølv.
Torsdag 3. februar klokka 11:00 inviterer Surnadal Pensjonistlag igjen til trim i Meierisalen på Landbrukshuset. Surnadal Pensjonistlag har fått med seg Oda fysioterapeut som instruktør for trimmen.
I ei pressemelding no i dag, får vi presentert sluttrapporten frå SuSu-KOF samarbeidet, som har vore eit samarbeidsprosjekt mellom Sunndal og Surnadal kommunar sidan 2013. Målsettinga for SuSu samarbeidet var i si tid å skape nye arbeidsplassar, sikre dei arbeidsplassane som allereie var her, samt fokus på «bo- og blilyst».
Det er i perioden 2013 – 2021 fordelt 13,2 millionar i SuSu-midlar til 123 bedrifter og tiltak så langt. Det er mange firma og bedrifter som gjennom hjelpa frå SuSu har fått realisert sine prosjekt og planer knytta til kompetanseheving, vekst og utvikling.
Fredag 4. februar, mellom klokka 12.00 – 17.00, inviterer Lia gard til ope bakeriutsal. Hyllene vil bli fylt opp med både ferske kaffebrød og grovbakst. Også denne gongen kan dei by på ei nyheit, nemleg landbrød.