Forfattararkiv for

Nordvik grendalag inviterer torsdag 14. april, i tradisonen tru, til Seterrenn på Nordviksetra. Ola J. Nordvik køyrer traktor med hengar frå Øygarden klokka 11:00. Dersom det er behov, køyrer han fleire turar. 

I fjor fekk Todalen sanitetsforening tildelt 300.000 kroner frå Stiftelsen Dam til prosjektet «Inn på tunet». På fredag kom nok ei «gladmelding», nemleg at Stiftelsen Dam løyver ytterlegare 300.000 kroner, til vidareføring av prosjektet. «Inn på tunet» er eit tilbod om helgaopphald for pårørande og personar med dement kognitiv svikt, som blir drive av Helga Bele, i Bæverfjord og Solveig Haglund, i Surnadal 

Langfredag, no på fredag 15. april, inviterer «Skihyttegjengen» til den tradisjonelle «Kjerringdilten» på Skihytta. Som vanleg har «Kjerringdilten» start ca. klokka 13:00 og her blir det berre konkurrert på idealtid. Vandrepokal til vinnaren, og elles mange «fine premiar» til dei som deltek.

Også i år har Statkraft, gjennom Rossåa settefiskanlegg, planta øyerogn. Dette gjorde gjengen ved settefiskanlegget fredag 18. mars, og øyerogna vart planta ovanfor Brusetbrua og oppover mot Fosstrøin, og nedstrøms ved Øyabrua. Nytt av året, er at øyerogna er fargemerka. På biletet under kan ein sjå fargeforskjellane før og denne fargemerkinga. 

Fredag 22. april frå klokka 19:00, har IL Søya gleda av å invitere til fotballquiz i Bondehuset. Quizmastere for kvelden er NRKs Tete Lidbom og Sven Bisgaard Sundet. Duoen, som er mest kjent frå fotball-podcasten Heia Fotball, skal straks i gang med Norgesturné med heilt nytt show, men før turneen kjem dei altså på besøk til Bondehuset i Stangvik. Heia Fotball er ein av Norges mest høyrte fotballpodcaster, og  bakgrunnen for at Tete og Sven kjem til Bondehuset, er at det under fjorårets TV-aksjon var mogleg å by på ein kveld med underhaldning frå desse to. Sidan vinnarbodet kom frå «Søyaland» blir idrettslaget med som arrangør for å få til ein trivelig kveld, som flest mogleg får gleda av.

I ei pressemelding frå Svinviks arboret akkurat no, har vi fått beskjed om at dei dessverre må avslyse morgondagens planlagte podeverksted. Avlysinga skjer på bakgrunn av vêrmeldingane som gjeld for morgondagen, som seier at det skal bli ein del nedbør med temperaturar ned mot null grader.  

Surnadal Taxi, og dei andre taxieigarane, som er tilslutta Nordvest Taxi, har frå 1. juni i år mista all køyring for Pasientreiser i Helse Midt-Norge. Denne køyringa utgjer i dag omlag 75 – 80% av verksemda til Surnadal Taxi. Dette gjer at det er særs utfordrande å halde på, og å få tak i nok sjåførar. Dette gjer at Surnadal Taxi ser seg nøydt til å redusere opningstidene sine. 

Torsdag kveld var det årsmøte i Todalen Grendalag. Etter årsmøtet heiter Grandalaget no altså Todalen bøgdalag. Det var ikkje akkurat fullt hus og stromande jubel, men dei frammøtte fekk eit innblikk i kva Grendalaget hadde dreve med det siste året. Rekneskapen for 2021 viste eit overskott på i overkant av 10.000 kroner, og laget hadde ved årsskiftet aktiva for knappe 60.000 kroner. 

Neste veke er det påskeferie, og på Surnadal kulturhus inneber dette nokre endringar i opningstida. Frå måndag 11. april til og med måndag 18. april er opningstida redusert både på kulturhuset og biblioteket. 

Tysdag ettermiddag gjennomførte sokneråda i Surnadal kommune, med hjelp frå årets konfirmantar, fasteaksjonen 2022 – «En dråpe vann». Gjevargleda var stor ved årets fasteaksjon i Surnadal kommune, og det vart samla inn i overkant av 119.000 i kommunen vår, noko som er eit særs godt resultat for sokna våre. Kyrkja nyttar difor høvet til å takke alle konfirmanter, foreldre og frivillige som deltok under årets innsamlinga den 05. april. 

Todalen Idrettslag rettar ein stor takk for minnegåva idrettslaget fekk i samband med Nils Helge Ness si gravferd i Røbekk kirke fredag 1. april. Deler av minnegåva er øyremerka diskgolfbanen på Bordholmen stadion og vil bli brukt der. 

Todalen.no minner om årsmøtet sitt i Todalen ungdomshus onsdag 6. april klokka 20:00. Vanlege årsmøtesaker, som årsmelding, rekneskap og val står på saklista til årsmøtet. Det blir servert kaffe og kveldsmat.