Forfattararkiv for

Møre og Romsdal fylkeskommunen melder no seint i kveld at eitt felt på Fv 65 fobi Einmo/Ranes og ved Bolme bru, vil bli opna for trafikk. Dette gjer at trafikken nordover til Trondheim og Trøndelag kan kome i gang att. Alle bussavgangar nordover vil likevel vere innstilt fredag har vi fått opplyst. 

I ei pressemelding, vi akkurat har motteke, får vi ei oppdatering på situasjonen i Surnadal kommune i samband med uvêret Gyda. NVE reknar med at flaumtoppen vil bli nådd i løpet av natta, men at rasfaren vil vere størst i morgon. Statens vegvesen reknar med at Fv 65, nordover mot Trondheim, vil kunne opnast i løpet av morgondagen, med dei oppfordrar til å følge med på vegvesen.no for oppdatert informasjon. Dei rundt 350 sauene som lenge stod i fare for å drukne, er no berga og flytta til andre fjøs. Alle skulane i kommunen vil i morgon ha heimeundervisning. 

Uvêret Gyda har ført til flom i Surnadal og Fv 65 er stengt fleire stadar oppover mot Orkland, både i Surnadal og Rindal. Elva Surna har gått over sine bredder og skapt flom. Mellom anna er det ein stor redningsaksjon for å berge flerie hundre sauer som står i far for å drukne. Elevane ved skulane i Surnadal kommune vart ved 13-tida sendt heim, og det er i ettermiddag bestemt at både Stangvik skule på Evenshaugen og ungdomsskulen i Surnadal skal ha heimeskule i morgon. NVE melder at dei forventar at flaumtoppen blir nådd i kveld eller i morgon tidleg. 

I kveld var det «Barn i løypa» i lysløypa på Tjønnmyra. Det var fine forhold for å gå på ski i fint preparerte løyper. Gradestokken viste eit par blå grader, så temperaturmessig var det langt betre i kveld enn førre tysdag, da det var skikkeleg kaldt. Mange hadde møtt opp og tok nokre rundar i dei fine løypene. 

Torsdag 13. januar frå klokka 18:00 inviterer Barne- og ungdomsgruppa i Todalen Idrettslag til Balleik i gymsalen ved Todalen skule. Tilbodet er for alle barn og ungdom frå 6 år og oppover. Det blir allsidig aktivitet etter ønske. 

I ei pressemelding frå kommuneoverlege i Surnadal kommune, Bjørn Buan, no i ettermiddag, får vi informasjon om smittesituasjonen i Surnadal kommune. Vi får også ei statusoppdatering på vaksineringa i kommunen. Smittetrykket er akkurat no lågt, men kan endre seg raskt. Dette fordi det er mange smitta både i Kristiansund og Trondheim. 

Norges vassdrags- og energidirektorat (NVE) varslar, gjennom si varslingsteneste varsom.no, om store nedbørsmengder i form av regn onsdag, torsdag og fredag. Dette gjer at det er sendt ut varsel om fare for flom, snø- og jordras i Surnadal kommune. På onsdag er farenivået for snøras i utsette fjellområde på raudt nivå, medan jordras og flom er sett til oransje nivå, noko som betyr nest høgaste nivå for slike varsel. 

Tysdag 11. januar frå klokka 17:30 inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra. Barne- og ungdomsgruppa oppfordrar til å ta med ski og å vere med å gå på ski den tida «Barn i løypa» går føre seg. Det blir på grunn av smitteverntiltaka som gjeld, ikkje servert drikke, så dette må kvar enkelt ta med seg sjølv. 

Leiar i Trimgruppa i Todalen Idrettslag, Elinor Bolme, melder driftsstyre vinteranlegg i idrettslaget har køyrt opp løyper både for ski og fotturar i Toåa tursti. Det er også køyrt opp skiløyper på Kvennset og oppover bygda, og ho melder om skikkeleg fine forhold for å komme seg ut på tur i løpet av helga. 

I ei pressemelding frå Kristiansund og Nordmøre Turistforening (KNT) no i føremiddag, får vi oversikt over alle fellesturane KNT kan tilby i 2022. Aldri før har turistforeninga hatt så mange fellesturar på programmet, så dette året er det gode moglegheiter for å kunne bli med på tur. 

Vi har no lagt inn Remidt sin tømmekalender for hushaldningsavfall for 1. kvartal i aktivitetskalenderen vår. Vi vil i god tid før 2. kvartal tek til, legge inn tømmekalenderen for 2. kvartal. Når det gjeld sortering av hushaldningsavfall, tømmekalender og andre spørsmål knytt til renovasjon, kan du gå inn på remidt.no. 

Tysdag 4. januar mellom klokka 17:30 – 18:30 inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra. Barne- og ungdomsgruppa oppfordrar til å ta med ski og å vere med å gå på ski den timen «Barn i løypa» foregår. Det blir på grunn av smitteverntiltaka som gjeld, ikkje servert drikke, så dette må kvar enkelt ta med seg sjølv.