Ukategorisert Arkiv

Tysdag 27. juni går Fjellgruppa i Surnadal Pensjonistlag vårsesongens sin siste tur til Steinløa attom Svarrafjellet. Oppmøte på parkeringsplassen nedanfor Øye kyrkje klokka 10:30. 

I går inviterte Stavganggruppa i Surnadal Pensjonistlag til Skjennå.  Atten stavgangarar møtte opp på turen frå Åsen og oppover i retning Skjennå. 

I går gjekk Fjellgruppa i Surnadal Pensjonistlag sin tur til Bollknubben ovanfor Nordvik, og igjen vart det ein skikkeleg finvêrstur for fjellvandrarane.   

Stavganggruppa i Surnadal Pensjonistlag inviterer til stavgang til Skjennå torsdag 22. juni klokka 11:00. Oppmøte og parkering ved Surnadal bygdemuseum på Åsen. 

Fredag 23. juni, mellom klokka 12:00 – 17:00,  inviterer Lia gard til siste bakeriutsal før sommaren. Så da blir det mogleg å sikre seg både grovbakst og noko til kaffekosen til St. Hans feiringa. Har du problem med å rekke innom i opningstida, er det berre å ta kontakt med Lia gard for å avtale henting av varer. 

I helga har det vore monteringsarbeid i klubbhuset på Bordholmen stadion. Nils Ove Bruset, Magne Søyset og Lars Stensby har nemleg montert det nyinnkjøpte kjølehjørnet Todalen Idrettslag har kjøpt for å ha i Klubbhuset på Bordholmen. 

Søndag 18. juni arrangerte Surnadal Golfklubb runde 5 av den regionale juniorturneringa Narvesen Tour, der dei beste golfspelarane i juniorklassen frå Midt-Norge var med. Turneringa vart spela på Surnadal Golfpark på Mo, og det samla spelarar frå Volda GK, Ålesund GK, Smøla GK, Surnadal GK, Trondheim GK og Stjørdal GK.

Stavganggruppa i Surnadal Pensjonistlag tok i dag turen både ut av kommunen og fylket. Dagens stavgangtur gjekk nemleg til Igeltjønna i Rindal, og ein kan trygt seie dei fekk finvêr på dagens tur. 

Tysdag 20. juni inviterer Fjellgruppa i Surnadal Pensjonistlag til fjelltur til Bollknubben på Nordvik. Oppmøte og parkering på parkeringsplassen nedanfor Øye kyrkje klokka 10:00 for samkøyring til Nordvik. 

Treffast Surnadal fekk for rundt to år sidan avtale med ein grunneigar om å disponere ei hytte ved vegen opp til Syltnebbå. Sidan avtalen vart gjort, har Treffast hatt dugnadar, der gjengen har vist stor «stå-på vilje» og måla hytta, både innvendig og utvendig. Dei har også fått bygd ein utkikks-plass ved hytta. 

Surnadal frivilligsentral og Surnadal ungdomsklubb har saman laga eit gratis aktivitetstilbod for ungdommar i starten av skuleferien. Aktivitetane vil foregå i tidsrommet måndag 26. juni til og med torsdag 29. juni, altså første veka av skuleferien.

I går gjekk Fjellgruppa i Surnadal Pensjonistlag sin tur til Skarven i Bøverdalen. – Vi var 25 pensjonistar som fekk ein overlag fin fjelltur i det heilt perfekte turveret!, fortel Anne V. Einum i Fjellgruppa. – Skikkeleg sommarver med over 20 grader, men heldigvis ein lett bris og litt dis!, legg ho til.