Vi fann 3284 artiklar i dette arkivet.
I morogn, søndag 1.august, er det open gard hos Oppistua Torvik i tidsrommet 11:00 – 16:00. Bondepikenes kafe vil vere open under heile arrangementet. Det vil og bli mogleg å få vere med på foring av dyra, klapping av dyr, ri, ta ein tur i «mini-traktor»-parken, bli med på tradisjonelle leikar i tunet samt å teste snekkarkunnskapane sine i snekkarbua.
Neste helg blir Norsk Vandrefestival arrangert i Rindal. Festivalen tek til fredag 6.augst og varer til og med søndag 8.august. Dette er den 11. utgåva av Norsk vandrefestival, og vart sist arrangert i 2019. Årets utgåve går altså føre seg i Rindal, og har eit varierert og innhaldsrikt program. Tema for årets festival er historie, og festivalen vil difor ha eit eige «vikingmarked».
For å kunne kartlegge Norge via flyfoto, vart det på 50- og 60-talet sett opp såkalla trigonomiske punkt-signal (trig.punkt-signal) rundt om i Norge. Desse signala vart sett opp mange plassar, òg langt til fjells. Etter at GPS no heilt og fullt har overteke som hjelpemiddel i slike kartleggingar, har trig.punkt-signala mista funksjonen sin, og Statens kartverk har sett i gang eit prosjekt for å få fjerna dei signala som framleis står.
Galleri Bondehuset er glade for å kunne presentere utstillinga Opera Visuale (Visuelle verk) med stangvikmålarane, Anne Grete Kvendset, Rannveig Brøske og Berit Anne Botten Røkkum. Opninga er i forkant av Operakvelden fredag 30.juli kl 17:00.
Også Surnadal får litt fleire vaksinedosar i vekene som kjem. Dette gjer at alle innbyggjarane i Surnadal kommune vil ha fått første dose ei veke tidlegare enn det som tidlegare har vore estimert. Sjølv om kommunen får fleire soder, så er framleis intervallet mellom første og andre dose 12 veker.
Hausten 2018 gjorde musikalen «stjernestøv», om gullrushet til Klondike stor suksess i Surnadal og Sunndal. No kjem konsertversjonen, med premiere i Bondehuset torsdag 5.august klokka 18:00.
I morgon, søndag 18.juli mellom klokka 12:00 – 16:00 er det ope i Slettneset steinovnsbakeri. Som vanleg kan dei, òg denne gongen, freiste med nystekte kaffebrød og kaffe. Så har du lyst på «søndagskaffe» med noko godt til i morgon, så er det berre å ta turen til Slettneset steinovnsbakeri.
Onsdag 14.juli legg Surnadal valstyre ut manntalet til stortings- og sametingsvalet 2021, til allment ettersyn. Manntalet vil bli lagt ut på Surnadal kommunehus og på Surnadal kulturhus – biblioteket i 2.etasje, og vil vere tilgjengeleg til og med valdagen, måndag den 13.september.
Da er tida inne for å fornye støttemedlemskap sitt i Todalen.no. Faktura for støttemedlemskap vil difor dukke opp i postkassen i løpet av dei to neste vekene. Støttemedlemskapet kostar kr. 200,-, og kan, i tillegg til å betalast som ordinær faktura via bankkonto, betalast via vipps til 107600 (TODALEN.NO støttemedlemskap). Ved betaling via vipps, oppgje da fakturanummeret eller namn i meldingsfeltet.
I morgon, søndag 11.juli mellom klokka 12:00 – 16:00 er det ope i Slettneset steinovnsbakeri. Som vanleg kan dei, òg denne gongen, freiste med nystekte kaffebrød og kaffe. Så har du lyst på «søndagskaffe» med noko godt til i morgon, så er det berre å ta turen til Slettneset steinovnsbakeri.
Sjølv om Stortingsvalet 2021 ikkje er før måndag den 13.september, informerer Surnadal kommune no om førehandsrøystinga, som tek til tysdag 10.august og varer til og med fredag 10.september. Dersom det er heilt umogleg for deg å røyste i perioden med førehandsrøysting, eller på sjølve valdagen, kan du be om tidlegrøysting. Tidlegrøysting må skje etter avtale på kommunehuset i tidsrommet 09:00 – 15:00 og er mogleg å få gjort, frå no, og fram til og med måndag 9.august.
På butikkane på Syltøran – Byggmakker og Hageland – er ryddesalet i full gang. Våronna er ferdig, og da er det mykje både varerog planter som skal ut for å gje plass til nye varer.