Vi fann 3445 artiklar i dette arkivet.
Norges vassdrags- og energidirektorat (NVE) varslar, gjennom si varslingsteneste varsom.no, om store nedbørsmengder i form av regn onsdag, torsdag og fredag. Dette gjer at det er sendt ut varsel om fare for flom, snø- og jordras i Surnadal kommune. På onsdag er farenivået for snøras i utsette fjellområde på raudt nivå, medan jordras og flom er sett til oransje nivå, noko som betyr nest høgaste nivå for slike varsel.
I ei pressemelding frå Kristiansund og Nordmøre Turistforening (KNT) no i føremiddag, får vi oversikt over alle fellesturane KNT kan tilby i 2022. Aldri før har turistforeninga hatt så mange fellesturar på programmet, så dette året er det gode moglegheiter for å kunne bli med på tur.
Vi har no lagt inn Remidt sin tømmekalender for hushaldningsavfall for 1. kvartal i aktivitetskalenderen vår. Vi vil i god tid før 2. kvartal tek til, legge inn tømmekalenderen for 2. kvartal. Når det gjeld sortering av hushaldningsavfall, tømmekalender og andre spørsmål knytt til renovasjon, kan du gå inn på remidt.no.
Litt «hustre» vart det nok for deltakarane på «Barn i løypa» da Barne- og ungdomsgruppa i Todalen Idrettslag arrangerte skileik for både småe og store på Tjønnmyran måndag kveld. Men om kvikksølvet kraup nedover til 8-9 minusgrader så var det ingen som gjorde sure miner av det. Det var berre å spenne på seg skiene og ta seg ein tur ut i sporet, så fekk ein opp både steamen og varmen. Rekordarta deltaking var det også, og på bildet vart alle borna med, minus 2 som kjem på neste bilde.
I haust har den nystarta ishockeyklubben Surnadal Blades investert mykje i ishockeyvant og anna utstyr, for å kunne lage ishockeybane på Øye stadion. Øye stadion ligg rett ovanfor den nye barne- og ungdomsskulen på Øye, og plana er at elevane ved skulen kan nytte ishockeybanen på dagtid, i friminutta og gymtimane, medan klubben sjølv disponerer tida på kveldstid.
Driftsleiar for lysløypa på Tjønnmyra, Ståle Ansnes, kan tidleg i ettermiddag melde at det er nypreparerte løyper i lysløypa på Tjønnmyra. Det er gode forhold for å gå på ski i heile traseen i lysløypa kan han fortelje.
Jula er ei høgtid med mange tradisjonar, og at «Søyaposten» kjem i postkassen, rett før jul, har etter kvart også blitt ein av desse tradisjonane. Årets utgåve av «Søyaposten» er på 40 sider og inneheld som vanleg ein oversikt over aktiviteten i Idrettslaget Søya det siste året, men også eit historisk tilbakeblikk frå tidlegare år.
Trimgruppa i Todalen Idrettslag inviterer til koronadempa Romjulsmarsj med ny vri. Gjeve premiar, utlodning og fleire turalternativ til å lufte seg på 3. dag jul mellom 12:00 og 15:00.
Todalen Sokneråd inviterer til julekveldsgudsteneste i Todalen kyrkje fredag 24. desember klokka 16:00. Liturg er Einy Rendal Elgsæther, organist Ronny Kjøsen og solist/forsongar Nina Halset. Takkoffer til kyrkjelydsarbeidet, Vipps til #506908. På grunn av gjeldnande smitteverntiltak er det påmelding til gudstenesta.
I ei pressemelding frå kommuneoverlege Bjørn Buan i Surnadal kommune, får vi no i føremiddag ei statusoppdatering på smittesituasjonen i Surnadal kommune no før julehøgtida tek til. Vi får også praktisk informasjon i høve til tilgang på hurtigtestar og testing i romjula.
Sparebankstiftelsen Surnadal Sparebank møtte i kveld opp for å overrekke ei kjærkomen julegåve til Surnadal alpinsenter, på 15.000,- kroner, der pengane er øremerka til utstyr for skileik. Det var Nils Inge Aasgård, Heid Snekvik og Kathrine Mauset frå Sparebankstiftelsen Surnadal Sparebank, som i kveld møtte opp i Sæterlia og overrekte driftssjef Odd Rune Hoem gåva frå Sparebankstiftelsen til Surnadal alpinsenter.
Frå 1. januar 2022 endrar Svorka Nett AS namn til S-Nett. Svorka Nett er ein del av Svorka-konsernet og driftar og utvikler straumnettet til rundt 10 000 innbyggarar og bedrifter i kommunane Surnadal, Rindal og deler av Heim.