Vi fann 119 artiklar i dette arkivet.
Vi på Todalen.no held på tradisjonen med å ta bilde av alle deltakarlaga under Todalscupen. Vi tykkjer alle dei flinke deltakarane fortener det – som står på frå tidleg morgon til langt på ettermiddag. Dei spelar fleire kampar gjennom dagen, og har i tillegg overskot til å delta på RætaOPP junior og drive med landhockey og trøbilkjøring i pausane. Det må være godt å koma heim og kanskje leggje seg tidleg etter ein slik dag?
Todalsdagen er eit stor løft for bygda som berre har 320 innbyggjarar. Alle må være med og ta eit tak for at ting skal kunne realiserast. Todalsdagen engasjerte eit hundretal av sambygdingane og andre for å få det til å gå i rundt.
Laurdagens konsert med Glittertind vart ein musikalsk safari, der bandet serverte alt frå opprocka folkemusikk til tungrock til vel 150 publikummarar i Todalen ungdomshus. Eit begeistra publikum sette pris på musikken, sjølv om det til tiden var såpass mange decibel at ørene flagra.
Heile 121 solgte startnummer til årets Ræta opp må seiast nok ein gong å vera ein suksess. Ansvarleg Ingvild Kårvatn melder i etterkant om at heile 10450 kroner kom inn under dagens mosjonsløp, pluss at Surnadal Sparebank har sponsa deltakarbevis for alle.
Presis kl 9.30 satte speaker Magne Hansen igang dei 5 første kampane i TodalsCupen på Bordholmen i Todalen. 34 lag deltek i fotballcupen i år, og med blå himmel og god utetemperatur ser dette ut til å bli en drømmedag på Bordholmen.
Snart er det klart for startskotet for Todalsdagen 2014. Fredag kveld var det hektisk aktivitet for å få alle førebuingane unnagjort og det var dugnad både på Bordholmen og i Ungdomshuset for å få alt klart til starten laurdag morgon. Mange var innom redskapshuset på Bordholmen med mange fine lopper, og det er enno ikkje for seint å levere. Rekk du det ikkje i kveld, så har du mulegheit i morgon tidleg. Loppemarknaden opnar kl 10.00.
Todalen idrettslag er i full gang med nedteljinga til Todalsdagen, der det er fullt program bokstaveleg talt frå morgon til langt på kveld. Det blir mykje fotball, loppemarknad, mosjonsløpet «Ræta Opp», trekning i SuperLotteriet, fotballfinalar og rundar av med konsert og dans med Glittertind i Todalen ungdomshus laurdag kveld. Lokalt er iet fargerikt og flott programhefte på 20 sider putta i postkassen…..
Tysdag kveld var det slåttadugnad på Bordholmen. Tradisjonelt er det finpuss av anlegget før Todalsdagen, og det «surra» i kantkløpparar frå alle kantar da dugnaden stod på sitt høgste. Inne i klubbhuset var det også arbeid med rigging av kiosken og grillutstyret slik at ein kan utnytte full kapasitet på både produksjon og salg av mat og drikke utover laurdagen, når over 400 spealar med tilhørande støtteapparat og supportere må ha påfyll av energi.
Går du med planer om å rydde kjellar, loft og garasje så passar det godt no! Neste laurdag (28. juni) er det nemleg loppemarknad på Borholmen, som ein del av Todalsdagen 2014. Og da tek vi mot lopper av alle slag, fortel Borghild Talgø som er ledar for loppemarknaden. Når vi skriv lopper av alle slag, så er det unnateke klær! Det er det nemleg Saniteten som tek seg av, med innsamling til Estland kvart år. Men koppar, kar, gamle bøker og andre ting du ikkje brukar lenger tek vi mot, seier Borghild.
Førehandssalet av billettar til Glittertindkonserten er kome i gang på Matkroken L. Hals, fortel stemnegeneral for Todalsdagen Knut Bergli. Han fortel at det har vore stor interesse for konserten, og han reknar med «stinn brakke» når Glittertind dreg i gang konserten i Todalen ungdomshus laurdag 28. juni kl 21.00.
Bror og Sindre hadde laurdag formiddag plassert seg midt i kundestraumen utafor Matkroken L. Hals. Dei er i gang med salg av lodd i SuperLotteriet, der trekninga skjer under Todalsdagen 28. juni. Dei var tydeleg på at lodda kosta 20 kroner, og at du kunne få 5 lodd for ein hundrelapp.
Glittertind kommer til Todalsdagen den 28. juni, og dermed er vi et skritt videre med å utvikle Todalsdagen til også å bli kveldsarrangement, forteller Knut Bergli som er leder for fotballgruppa i Todalen I.L. og stemnegeneral for Todalsdagen. På dagtid er det Todalscupen i fotball som står i høysetet, men Bergli minner også om mosjonløpet RætaOpp som det siste årene har samlet over hundre deltakere. I år satser han på at det skal bli enda flere som blir med på løpet. Når det gjelder fotballen er det alt kommet mange deltakere, og flere er i vente, så det vil ende opp med rundt 40 deltakerlag, tror Bergli.