Vi fann 468 artiklar i dette arkivet.
10. juli 1966 var det konfirmasjon for 1951-årgangen i Todalen kyrkje. Laurdag kveld var det tid for å feire 50-årsjubileum i Todalen ungdomshus – med Todalen sokneråd som vertskap. Det vart ein triveleg kveld med mange artig historier og mang ein god latter.
Kristen Bruset som til dagleg har sitt liv og virke i Veidekke var i full aktivitet med slåttaarbeid på kyrkjegarden i føremiddag, og i ein spøkefull tone lurte vi på om han hadde skaffa seg sommarjobb for å spe på levebrødet. Men det hadde seg ikkje slik, fortalte han. Kristen er valt inn i både soknerådet og fellesrådet, og det var bunnskråpa kasse som gjorde at han no var i gang med dugnadsslått på kyrkjegarden i Todalen.
Denne veka har det vore stor aktivitet med reparasjon av kyrkjegardsmuren. Det har foregått i regi av soknerådet, og er finasiert med midlar som er kome inn som øremerka gåver til formålet. I dag vart prosjektet ferdigstillt og da var det feiring med blautkake og kaffe – ved kyrkjegardsmuren.
I dag starta arbeidet med reparasjon av kyrkjemuren rundt Todalen kyrkjegard. Som vi har omtala tidlegare er det teleskade på muren og skade på grunn press frå røter på store tre som står ved muren. Dette er tungarbeid, og det meste av arbeidet må gjerast med handmakt. Tadeusz Przespolewski (Ted) som har teke på seg dette […]
Førstkommande måndag startar Todalen sokneråd med omfattande restaurering av deler av kyrkjemuren rundt Todalen kyrkje. I kveld var ein gjeng frivillige oppi Teljehaugen og pukka fram stein til bruk i arbeidet. Hoveddelen av restaureringa er det Tadeusz Przespolewski (også kalla Ted på Sandmo) som skal utføre, og han vil ha med seg to stabile handlangarar i Eivind Grønmyr og Gudmund K Kvendset.
Ensemblet «Billuca» frå Trondheim gjestar Todalen kyrkje fredag 20. mai kl. 20. Det blir ein sommarkonsert utanom det vanlege. For kva skjer når spansk kunstmusikk møter ein norsk bånsull? Når ein kryssar Purcell med rytmer frå Balkan? Eller når Brahms gyngar i shanty-takt? Det oppstår noko nytt av det velkjente når Billuca Ensemble framfører sitt nye vår- og sommarprogram.
Det vart ei fin konfirmasjonsgudsteneste i Todalenen kyrkje søndag, da dei to konfirmantane Kevin Anders Brusethaug og Marit Ingeborg Ansnes tok steget inn i dei vaksnes rekkjer. I si preken til konfirmantane sa sokneprest Bernt Venås at livet kan samanliknas med ei reise. På livets reise veit ein ikkje kvar reisa går, men no er tida inne for at dere sjølve må ta styringa på vegen vidare.
Dugnad på kyrkjegarden og brannvesenets spyling av plassen mellom Matkroken og Talgø er to sikre vårtegn. Måndag kveld var det nærare 40 personar som deltok i kyrkjegardsdugnaden, og med slikt mannskap var dugnadsarbeidet unnagjort i løpet av eit par timar og kyrkjegarden er «strøken» til konfirmasjonen komande søndag 8. mai.
Måndag 2. mai frå kl 18.00 og utover blir det kyrkjegardsdugnad ved Todalen kyrkjegard, melder soknerådet. Det oppfordrar folk til å bli med og rydde opp etter vinteren. Ta med høveleg redskap som trillebåre, rive, spett og spade. Sjølvsagt blir det kaffepause og dugnadskaffe.
Friluftsgudsteneste på Haugligardane har vore tradisjon dei siste 16 åra. Ein gong har vi flytta gudstenesta til kyrkja på alle desse åra, fortel Bernt Bøe, som har vore organist heile denne perioden. Den gongen flytta vi innomhus på grunn av dårleg vêrmelding, men vêret vart betre enn meldt og vi kunne faktisk ha arrangert ute denne dagen og. – Den sikraste måten å få godvêr på er å arrangere friluftsgudsteneste i Todalen gliste han
Skjærtorsdag er det både gudsteneste kl 11 og stor påskekonsert i Todalen kyrkje kl 19.30. Vi gjer oppmerksom på at tidspunktet for gudstenesta er endra siste veka. Under er ei pressemelding frå Bernt Idar Bøe som omhandlar dei tradisjonelle påskekonsertane i regi av KKKK- akademiet Høgtid med harpe og strykekvartett er agenda for årets […]
Tema for fasteaksjonen i år var «I kriser er vatn viktig!» Konfirmantane er ryggrada i Kirkens Nødhjelp sin fasteaksjon, og tysdag kveld tok dei runden rundt bygda saman med medlemane i soknerådet. Knappe 10.000 kroner vart resultatet av aksjonen, og det er vi veldig godt nøgd med, seier KN-kontakt Ildri Øyen som fortel at innsamlingsgjengen vart godt mottekne i alle heimar rundt bygda.