Todalen sanitetsforening Arkiv

Tirsdag ettermiddag arrangerer Todalen Sanitetsforening sin årlege Løfta tur. Det blir oppstart i Sanitetshuset kl 18, og turen går som før runden om trimposten Løfta og ned om Sissigrenda på yttersida. I fjor la dei inn natursti på turen, og etter suksessen med den, drar dei til att med det i år òg. Etterpå blir […]

Laurdag 17. september blir det igjen oppstart av strikkekaffe. Det er Todalen Sanitetsforening som har regien på denne, men dei melder om at ein hverken treng vera medlem i foreninga eller ha med seg handarbeid for å delta. Derfor har dei like så godt døypt den om til å kallast «Fredrikkekaffen» etter grunnleggaren til NKS; Frderikke Marie Qvam. Litt av bakgrunnen for namneendringa er at det ikkje skal væra noko krav om handarbeide eller liknande kunstferdige sysslar, men det skal vera gleda over å treffast og trivast i lag som skal vera drivkrafta.

Då melder Todalen Sanitetsforening om at det vil bli moglegheiter for å bestille time for fotterapi med fotterapeut Olaug Aspill igjen. Ho tek turen til Sanitetshuset 6., 8. og 9. september. For bestilling av time er det berre å ta kontakt med Marit Sanden Søyset på mobilnummer 980 36 391.

Todalen Sanitetsforening ligg i startgropa for ny sesong, og går no ut for å få med fleire til å delta i foreininga. Dei er i dag omlag 20 aktive medlemar, men vil gjerne bli fleire. Saniteten har laga ein foldar som dei har putta i postkassane over heile bygda. Der informerer dei om arbeidet dei driv, og ønskjer deg velkomen som medlem i eit godt og sosialt miljø.

«Kom til Sanitetshuset så snart du har anledning». Det var telefonbeskjed medlemane i beredskapgruppa i Todalen Sanitetsforening fikk da ledaren i beredskapsgruppa Kari Kvendset starta ringerunden laurdag formiddag kl 10.42. Temmeleg nøyaktig 5 minutt etterpå stod Åse Redalen i døra på Sanitetshuset som den første, og i minutta etterpå kom medleman i gruppa i tur og orden. Sjølvsagt er det ferietid og tilsaman 4-5 personar var bortreist på ferie eller anna ærend. Men i løpet av eit kvarters tid var 8 personar møtt opp og klare til å gjere ein innsats.

Surnadal Brannvesen hadde i dag brannøving på Bøvra i Surnadal. Der hadde dei «fått» seg eit gamalt hus av Olav Øye til å kjøyre ein øvelse på. Dette innebar at vårt lokale brannmannskap her i Todalen også deltok i lag med brannmannskapet frå Kvanne og Halsa Brannvesen, pluss ambulansepersonell. I tillegg vart Omsorgsberedskapsgruppa i Todalen Sanitetsforening inviterte til å oververa øvinga, samt å organisere bevertninga for dei innvolverte brannmennene.

Torsdag kveld hadde Omsorgsberedskaps gruppa i Todalen Sanitetsforening kursing i sorg og sorgreaksjonar ved krisesituasjonar. I den anledning hadde leiar i Omsorgsberedskapsgruppa Kari Kvendset invitert psykolog Grete Bøe Snoen til å halde foredrag. Bøe Snoen har lang erfaring inna dette området i si stilling i PP-tenesta i Surnadal kommune. Ho tok for seg ulike reaksjonar ved sorg og traumesituasjonar, både for den berørte og for dei som skal fungere som omsorgspersonell.

Også i år var det stor oppslutning rundt Todalen Sanitetsforening sin innsamling til Estland. Folk set tydeleg pris på å kunne gi bort klede og anna utstyr til folk som kanskje treng det meir enn oss her til lands. Frå Kvanne kom det til og med ein fullasta drosje. Her var det Anna Svorken som hadde ordna skyss innover til seg og «ryddelasset». Og drosjesjåfør Dag Arne Nordvik bar behjelpeleg inn. Det skal også nemnast at same Anna strikka 50 ullsokkar som Todalen Sanitetsforening fekk for å lage julegåver som og skulle sendast til Estland.

Todalen Sanitetsforening vil også i år arrangere klesinnsaamling til Estland. Datoen for dette har no vorte satt til laurdag 9. april frå klokka 10 og utover. I år er det 4. året saniteten arrangerer dette, og vil som før gå i samarbeid med Estlandsforeninga.

I helga har det vore fastelavn, ei feiring så mange kanskje ikkje held så hardt som før. Sler ein opp i wikipedia, får ein grundig forklart korleis dette heng saman:

Fastelavn kjem av det middelnedertyske ordet vastel-avent, og vart tidligere bruka om aftenen før fasta. Fasta vart innleia oskeonsdag som er onsdagen 6,5 uker før påskedag.

Seinere vart søndagen fleskesøndag

Sist i februar blir det høve til å utvida kokkekunstene sine. Då arranger Todalen Sanitetsforening kurs i asiatisk matlaging på nybegynnarnivå. Kurset er i første omgang mynta på damer, men ved behov er det visstnok ikkje noko i vegen for at karar kan ha sitt eige kurs. Kurshaldar blir Mali Nognut Brusethaug, så her er det berre å gle seg!

I høve innsamlingsaksjonen for å skaffe til veie hjartestartar til Todalen, ynskjer Todalen Sanitetsforening i etterkant av årsmøtet å takke alle som støtta oppunder prosjektet. Hjartestartaren, som har vorte kalla Hjartine fekk inn 61000 kr. Etter alt utstyr som følgde er betalt står fortsatt over 25000 kr på bok som høyrer Hjartine til. Dette er midlar som vil følgje hjartestartaren, til for eksempel opplæringsmateriell, nye batteri eller anna høvelege utstyr.