Todalen sanitetsforening Arkiv

Todalen Sanitetsforening melder om at nytt årslotteri er på plass. Denne gongen er det valgt nok ein lokal bidragsytar som er velkjent for fine bilder, i alskens variantar; Kristine Saksen Ulvund.

Todalen Sanitetsforening startar førstkommande laurdag den 14. januar kl 13 opp att med strikkekaffe i Sanitetshuset. Her blir det fortsatt høve for ein sosial treffstad med strikketøy eller anna handarbeid for den som ønsker det. Eller utan om  du berre vil komme for eit triveleg selskap utan noko mellom hendene. Dei øvrige datoane for strikkekaffeen før påske er: […]

Todalen Sanitetsforening er ikkje kjent for å liggje på latsida, og har allereie starta planlegging av sine aktivitetar for 2017. Mykje skal på plass for den allsidige foreninga som driv både med utleige av leiligheter i Sanitetshuset og frivillig arbeid retta mot kvinners helse og livsvilkår.

Todalen Sanitetsforening er i gang med oppussing av 2 av dei 4 leilighetene i Sanitetshuset. Dei to leilighetene som no får ei oppgradering har ikkje vore oppussa sia huset vart bygd i 1981, så no trongs det ei eit lite løft. Vi trefte Ragnhild A. Moe og Elinor Bolme som var der på dugnad i samband med oppussingsprosjektet.

Det vart ei triveleg førjulssamling i ungdomshuset søndag. Krafttak for kratt var dagens tema, og jammen vart det eit krafttak. Rundt 25.000 blanke kroner kom inn til aksjonen som skal settast i gang når det lir til vårs. Da skal krattskogen til pers. Kjøkkengjengen fikk salg på 80-90 porsjonar med saltkjøtt og kårabistappe, og det var god stemning og praten gikk lett rundt borda…..

Fotterapaut Pan Hoset kjem mandag den 12. desember på nok ein runde med fotpleie i Sanitetshuset. Det er fortsatt Marit Sanden Søyset som tek i mot bestilling på time. Ho er å treffe på telefon 980 36 391.

Sanitetskvinnene – det vil seie dei 7 sanitetsforeningane i Rindal, Halsa og Surnadal har teke initiativet til gratis vaksinering av avgangselevane ved Surnadal vidaregåande Skole. Dei har fått med seg næringslivet som sponsorar og blar opp 45.000 til gratis vaksinering mot smittsam hjernehinnebetennelse. I år er det 111 elevar som kan bli vaksinert, dersom dei tek i mot tilbodet.

Todalen Sanitetsforening dreg i gang julegaveinnsamling til Estlandsforeninga i år som tidlegare år. Dette er av same art som klesinnsamlinga, då julegavane bli sendt ned til Estland med Estlandsforeninga som har sine kontaktar i Rindal.

Todalen sanitetsforening arrangerer ein instruksjonskveld av trenings-/styrkeapparata i Hett og Svett. Dette er for alle interesserte i alle aldrar i bygda. Instruktør er Ola Einar Øyen. Dagen er måndag 31. oktober kl. 18.

Med uante millimetrar med nedbør i dag var det ikkje sjølvsagt at det vart noko stort oppmøte på strikkekaffeen i Sanitetshuset. Men oppmøtet var upåklageleg og damene kosa seg innomhus med strikking, kaffe og ikkje minst sosialt samvær. Her er det alltid kjekt å sjå kva for handarbeid dei andre driv med, og ikkje minst bli inspirert av erfarne strikkarar.

Dei to siste åra har det etter initiasjon frå Todalen sanitetsforening, vore samarbeid mellom fleire lag i bygda om eit arrangement kalla Førejulstreff eller Internasjonal-kaffe i Ungdomshuset. Intensjonen har vore at alle todalingar og spesielt dei nyinnflytta skulle inkluderast under eit uformelt kaffelag med smakar frå forskjellige land, litt underhaldning og så bortetter. Evalueringane viser at dette ikkje har vore dei aller sveraste arrangementa i historia, så no tenkjer lag og foreningar i bygda nytt.

Trekning av barnebordet viser seg stort sett å vere dagens høgdepunkt under den tradisjonelle basaren til Todalen Sanitetsforening. Og det var ikkje noko unntak i går, med mange spendte små som sirkla rundt det velfylte bordet. Maria Kvendset Bergli var ikkje tung å be om eit bilde etter at ho fekk sikra seg rekordmange fine gevinstar etter trekninga. Til og med ein tyggisautomat og ei kombinert drikkeflaske som ho faktisk hadde sett seg ut tidleg.