Vi fann 1764 artiklar i dette arkivet.
1. oktober er skillet på nytt og gamalt trimår hos Todalen IL. Da tek trimgruppa ned alle trimbøkene dei har utplassert på 10 ulike plassar rundt om i bygda og startar opp att med blanke ark. Dei mest populære postene har det siste året vore Gunnøya og Talgøsetra. Talgøsetra er nok ekstra godt besøkt i år både fordi det er StikkUt-post og bokstavpost hos Surnadal IL på Bjøråskaret.
Bortsett frå ein pause i ferietida har Ski- og friidrettsgruppa arrangert lagseriestemne gjennom heile sommaren. Torsdag kveld var det tid for å avslutte utesesongen og da var det naturleg å samle heile gjengen på Tjønnmyran og satse på litt sosiale aktivitetar og litt kos den siste kvelden. Men først var det terrengløp, og her var det full innsats rundt til lille traseen, med start og målgang ved gapahuken.
Torsdag kveld kl. 18.00 blir det sesongavslutning for lagseriestemna på Tjønnmyran, melder ski- og friidrettsgruppa i Todalen I.L. Det blir terrengløp og klatreaktivitetar for borna, og sjølvsagt litt kos med bakels og saft/kaffe etterpå. Kom og bli med!
No nærmar det seg jul med stormskritt, og like sikkert som pinnekjøtt og ribbe er 3. dagsfest med underholdning i Todalen Ungdomshus. I forbindelse med årets festunderholdning frå scena, blir det ei lita oppstartssamling, der vi summar oss litt rundt årets program.
KBK har dei tre siste sesongene hatt todaling Kevin Anders Brusethaug med i sin spelarstall. Kevin fekk tilbod om å komme til klubben da han skulle på vidaregåande utdanning, og valget for den hardtarbeidande fotballgutten vart derfor lett. No på tredje sesong spelar han fast både på G19-årslaget, og på KBK 2 som ligg på toppen av 4. divisjon.
Nystekte bakels, lunka smørgraut og glovarm kaffe gjorde susen for publikumarane som tok turen til Bordholmen for å få med seg lokaloppgjøret mellom KUST og Surnadal 1 i kveld. KUST-laget tok leiinga frå start og med god hjelp frå ein habil keeper Tor Asbjørn Karlsen vart det så heimelaget leda til pause.
I morgon er det eit spennande lokaloppgjør i klassen gutter 11 år på Bordholmen. Da møter KUST-Surnadal 1 til spennande oppgjør kl 1800. KUST er samarbeid mellom Todalen, Søya og Kvass/Ulvungen.
Søndag 15.september var det avslutning for J/G 7, 8 og 9. I år drog vi til Surnadal for å markere at sesongen var over. Først var det pizza på Napoli for alle spelarar, søsken og foreldre. Totalt 32 var med på sesongavslutninga med høg stemning. Etter at vi var blitt gode og mette tok vi […]
I helga har det vore Nordvestmeisterskap i Taekwon-do i Molde. Her deltok det mange frå Taekwon-do-klubben i Surnadal, og innsatsen og medaljefangsten vart kjøle bra fortel Kjell Gunnar Polden. Dei kom heim både med gull, sølv og bronse og var godt fornøgde med turen.
Dei som pakka sekken og stakk til fjells for å delta i årets Trollheimsmarsj fikk seg ein kjempefin dag på turen over Vardan frå Ålvundeid til Todalen. Sjølv om interessen for Trollheimsmarsjen har dala dei siste åra, så fekk iallfall dei som deltok på dagens tur over fjellet ein kjempefin tur i strålande vêr.
Trollheimsmarsjen 2019 er i gang. Det er i år 10. gong at Trollheimsmarsjen går over Vardan mellom Ålvundeid og Todalen. marsjen vart innstifta i samband med 100.årsjubileet til Todalen I.L. og I.L. Ulvungen. Eigentleg er det 12. gongen at marsjen er tillyst, men 2 gong har det vore avlysing på grunn av vêret.
Erik Kårvatn deltok laurdag under Ungdomsmesterskapet i friidrett på Jessheim. Erik har mange gode løpsresultater å vise til denne sesongen, og han var kvalifisert til å delta 800 meter. Etter ein sterk spurt vann han eit av dei 3 heata på 800 meter for G16.