Todalen Idrettslag Arkiv

Ski- og friidrettsgruppa minner om at det er lagseriestevne i morgon på Bordholmen for alle i absolutt alle aldrar. Og med basaren friskt i minnet, så hugsar vi at vi vart oppfordra/utfordra av Åshild Halle til å ta idrettsmerket, alle som ein! Oppstart kl 18.00 på Bordholmen

Åshild Halle vart i går hedra med diplom og merke for å ha gjennomført sitt førtiande idrettsmerke. Det skjedde under den årlege trim basaren, der også ski og friidrettsgruppa delte ut sine utmerkelsar for eit aktivt år. Som om det ikkje var nok, så fekk ho også Gullstatuetten for skimerket, medan ektemann Trygve fekk Skikruset.Ellers oppfordra Åshild fleire til å vera med å ta idrettsmerket, for den einaste som tok det attåt ho i fjor var Emil Haugen Ansnes. Han tok bronsemerket.

Trimgruppa og Ski- og friidrettsgruppa arrangerer felles basar også i år. Der har dei satt datoen til førstkommande søndag den 29. mai. Staden er i Ungdomshuset og det heile startar klokka 15. Der vil bli utdeling av fjorårets trimpostar, deltaking på barn i løypa og utdeling av skimerket alt dette for 2010.

Feiringa av nasjonaldagen starta presis kl 9.30 med bilkortesje fra ICA Todalen. Turen gikk oppover bygda på nordsia, til Gammelfabrikken i Brusetmarka. Her var det ein kort pause, før turen fortsette nedover til Ungdomshuset. Det var over 50 ekvipasjar med i biltoget, som enda opp ved Ungdomshsuet der fotballgruppa i Todalen Idrettslag inviterte heile gjengen til frukost.

Onsdag er første kveld med lagseriestemne i år. Det skjer på Bordholmen, og pågår i tidsrommet 18.00 – 19.00. Ingen aldersgrense for å delta. Det blir ein eigen kveld med idrettsmerkeprøvar – onsdag 15. juni, men prøvar kan sjølvsagt takast på dei ordinære lagseriestemna i tillegg. Det blir lagseriestemne følgjande onsdagar før ferien: 18.5., 1.6., […]

Feiringa av nasjonaldagen 17. mai startar med biltog frå ICA Todalen kl 9.30. Køyreruta er som vanleg oppover bygda til Gammelfabrikken, før ein fortsett nedover bygda igjan til Bordholmen. På Bordholmen serveres det frokost til alle. (Ungdomshuset dersom det er dårleg vêr). Sjå heile programmet her. SISTE: Frokosten blir i Ungdomshuset på grunn av værsituasjonen!

Onsdag arrangerte TIL’s trimgruppe den første sykkeltrimmen, der Bordholmen var eit sentralt samlingspunkt og arena for deltakarane. Første kvelden var det 46 som meldte seg for å ta del i sykkelaktivitetane, men det var nok mange fleir som var der og deltok i det sosiale livet omkring arrangementet, seier ledar i trimgruppa Jostein Bruset. Alle er velkomne til til å ta del i sykkeltrimmen. Sjølv om du ikkje vil sykle, så kan du ta med barnevogna, trehjulsykkel, eller du kan berre kom som du er og ta del i det sosiale.

På Nordvik har det lenge vært arrangert sykkeltrim kvar søndag kveld, og no startar Todalen Idrettslag opp sykkeltrim også i Todalen. Det er trimgruppa i Todalen IL som er ansvarlege for dette, og håpar mange møter opp for å vera med. Den vil foregå annakvar veke framover, med ein pause i fellesferien.

På trimpostane er det no plassert ut heilårsbøker. Det vil seie at bøkene blir skifta ut på seinhausten og ligg eit heilt år i kassen på trimpostane. Trimgruppa melder at det no er bart til fleire av postane, og det er berre å sette igang med trimaktivtetar til fots. Det ligg bøker på Løfta, Gammelsetra, Haukarsteinen, Dalasetra, Talgøsetra, Storhaugen, Tårnet, Fauskhjellen og Ansnessetra. Søndag er det utsikter til fint turvær, så det er bare å spenne på fejllsko og sette i gang.

Kvar tysdag blir det ball-leik for dei minste på Bordholmen. Start tysdag 3. mai kl 18.00, og opplegget er for born som er født i 2003, 2004 og 2005. Alle som blir med får utdelt ein utstyrspose med fotball, drikkeflaske, fotballstrømper, shorts og T-skjorte. Etter kvart skal alle få eiga fotballdrakt. Dette opplegget skal være leik og moro, og målet er å stille eige lag under Todalsdagen 2. juli. Trenarar er Knut Bergli og Ivar Helge Kvendset.

Fotballsesongen har starta, og G14-laget til STKU åpna mot Batnfjord/Reinsfjell 27. april. På heimesidene til IL Søya finn vi fyldig referat av kampen frå Bjørn Hauglann. Kampen endte med 2-3 tap, men guttene viste mye positivt. For å lese heile referatet, besøk IL Søyas heimesider. Neste kamp er på Søyabanen 4. mai.

Dagens Kjerringdilt gjekk av stabelen på Skihytta i strålande påskesol i dag. Vel 50 mann møtte opp på dette årlege arrangementet til skihytte komiteèn og Trimgruppa. Folk kom både utafrå, innafrå og nedafrå for å prøve å hente heim den gjeve pokalen. Ingen kunne skylde på veret, men føret var kanskje litt kleinare, i allefall i nedoverbakk.