Forside Arkiv

Ein dau kronhjort var laurdag funne heilt yttert på Holmen, der Lauvåa og Toåa renn saman. Den store kronhjorten hadde vikla seg inn i plast og fleire uheldige omstender gjorde at han ikkje kom laus igjen, seier leder i Surnadal viltnemd Raganar Halle til Todalen.no. Det er sannsynleg at det er plastrestar som stammar frå storflaumen så langt attende som til 2003, da rundballar i hundretal reiste til fjords.

Med stort og smått vart det rundt 20 personar som deltok på Start 4H’s tur til Nordviksetrene i dag. Heile turen gjekk i nysnø oppover skogsvegen frå forsamliungshuset på Nordvik, med vekslande nedbør. Etter ein og ein halv time var det difor godt å komma fram til seterstølen der det raskt vart opptent i ei av setrene og ei nærliggande hytte.

Jaktlaget på sørsida av Todalen (Bruset/Øya/Ørsal/Halset) fekk storhjorten på post i dag. Bjørn Kvendset var den heldige jeger som fikk 14-takkeren på posten. Bjørn satt på post oppå Svarthamrå i Ørsal-lia, da hjorten kom saman med 2 koller. Med eit par velretta skot felte Bjørn 14-takkeren og ei av kollene.

Energiregion Møre i samarbeid med Svorka inviterte i fjor 11 bedrifter i Surnadal, Rindal og Halsa til motivasjonsmøte for å komme i gang med eit pilotprosjekt for energiøkonomisering. Talgø Møbelfabrikk, T-Komponent og MøreTre er tre av i alt 9 nordmørsbedrifter som vart med på første del, som gikk ut på å gjennomføre ei enkel energianalyse av bedrifta, fortel rådgjevar Einar Oterholm i Energiregion Møre.

Laurdag 23. oktober kl 13 opnar ho utstillinga «Parkett» i Kunstsentret i Molde. Denne veka har Toril Redalen og Narve Talgø vore i full sjau med monteringa i Kunstsentrets prosjektgalleri. På Kunstsentrets nettside finn du meir omtale om Toril og utstillinga i Molde.

Da er ladning nr to med koppar ankomme Hals, klare for salg. Vi såg at dei med hank var mest populære, så dei har vi teke inn att rikeleg av, håpar vi.

Todalen.no har fått tilsendt bileter frå den første utforkjøringa ( som i allefall er dokumentert) på den første snøen som kom litt brått på noken av oss. Ein ålvundfjording, bosatt i Surnadal freista i går morgon å komme seg til Kårvatn på sommardekk. Det gjekk ikkje så bra, og turen endte i grøfta ved Falla.

Todalen sokneråd minner om familiegudstenesta søndag 24. oktober kl 11. Det blir da både utdeling av 4- og 6-årsbøker, konfirmantpresentasjon, dåp. Etter gudstenesta blir det kyrkjekaffe, med saft og bollar til dei minste. Her finn du plakaten som PDF-dokument. Soknerådet ønsker alle velkomne!

Måndag kveld var dei valgde foreldrekontaktane ved Todalen Oppvekstsenter samla for å sette det nye styret. Nyvalgt leiar vart Turid Sæther, nestleiar Laila Kvendset og skrivar Ola Einar Øyen. Dei resterande medlammane er Ann Kristin Kallset, Anne Hjørdis Telstad, Line Kvendset Anton Brusethaug og Ragna Kvendset

I kveld var det baking på gang oppi Todalsskulen. Årets matgruppe laga diverse kaker og godt som no blir fryse ned, som skal serverast til haustfesten. Her finn du også ei oversikt over kva som skal skje vidare i 4H før haustfesten.

Vinteren kryp innpå oss, og dersom yr.no treffer på med værmeldinga det næraste døgeret er det nok kvitt på marka i morgon. Det er og meldt meir snø utover onsdagen og ein kald vêrtype heile veka til endes. Det er på høg tid å skifte over til vinterdekk og klargjere bilen til vinters.

Laurdag den 23.oktober arrangerer Start 4H tur til Nordviksetra. Det er oppmøte på forsamlingshuset på Nordvik kl.11.00, så går vi opp saman. Turen er open for alle, så det er berre å ta med slekt og venner!