Forside Arkiv

Tavla med informasjon om Ethelbert Lorth Phillips og «Phillipsbrua» i Ramsøydalan har fått ny plass og nytt stativ. Infotavla er no flytta fra Ramsøydalan til Hafallmelen, og står no på parkeringsplassen som fiskarane brukar der. Der er ho både lettare tilgjengeleg og betre synleg for dei som ferdast etter vegen. Det er Gunnar Nordvik som […]

I oktober er det få aktivitetar som er komne inn på aktivitetskalenderen som ligg på Todalen.no. Aktivitetskalenderen er eit godt supplement til oppslagstavla på ICA, og dei andre oppslagstavlene rundt bygda. Her kan vi legge inn alle typar aktivtetar og få med kvar det skjer og når det skjer. Ikkje minst er dette nyttig for å «okkupere» datoar for ditt arrangement, slik at andre lag og organisasjonar kjem med aktivitetar som kolliderer.

Stavganggruppa i Surnadal pensjonistlag køyrde torsdag 6. oktober til Hamnes og gjekk derifrå innover langs Hamnesfjorden. Som vanleg på turane snudde alle etter å ha gått om lag 45 minutt før vi returnerte til Hamnes. Her fekk alle koma inn og eta nista si i det oppvarma, flotte fjøset som Torstein Hamnes hadde gjort om til eit koseleg selskapslokale med god plass til alle 35 turgåarane. Stor takk til dei på Hamnes for at vi fekk koma inn i ”fjøset”.

Det er no stor vassføring i Toåa og sideelvane etter regnvêret i dag. Det er meldt mykje regn vidare utover kvelden, men avtakande nedbørsmengde utover natta. Fram til i morgon tidleg spår yr.no tilsaman rundt 25 mm nedbør. Bildet av fyrhushølen vart teke ca kl 18.00, og i bakgrunnen skimtar du såvidt at Storfossen viser musklar.

I morgon fyller Surnadal Velværesenter 5 år, og det feirar dei med open dag for alle som har lyst til å kome i form, sjølv om du ikkje er medlem. Da blir det høve til å prøve utstyret dei har, og til å ta del i gruppetimar. I tillegg blir det servert kaffe og kaker. Du kan lese meir om dette på heimesida til Surnadal Velværesenter.

Vi har fått melding frå Martinus Torvik i Eldremiddagen pr e-post i dag: «Førstkomande onsdag byr Eldremiddagen i Sanitetshuset på bakalao, koka på skinn- og beinfri torsk frå Tustna og med potet frå Kjell og Johan. Har du lyst til å dela bordsete med oss, ta kontakt med ei av kokkene Brit, Bodil, Grete eller Karen […]

No er det tid for ein ny kåring av månadens bilete da september ferdig, og vi har for alvor begynt å sagt farvel til årets sommar. Liene er gule og nysnøen byrjar å vise seg på toppane.

Ved Todalen oppvekstsenter er det funne eit armbåndsur like ved ballbingen. Dersom du kjenner ho att og er eigar, så er det berre å ta kontakt med betjeninga i Todalen barnehage så ordnar det seg med «gjenforening».

Programposten «Gøy på landet» på TV Norge kjem frå Bindal denne veka. Fire kveldar er det ein timers program, der ein buss med damer kjem på visitt til utvalgte ungkarar i Nordlandskommunen Bindal. Ungkarane skal gjera kva dei kan for å få nokre av damene til å gå av bussen, før den går vidare til Vevelstad. Det vart mellom anna gjort opptak på Bindalsbruket til denne serien. Om det kjem noko derifrå og kva som kjem er uvisst, men det er verdt å følgje med dei tre episodane som er att. Første episode gikk måndag kveld, og dei neste episodane går tysdag-, onsdag- og torsdag kveld kl 19.30 på TV Norge.

I går ettermiddag vart det arrangert Sanitetsbasar i Sanitetshuset. Mykje folk tok turen innom utover ettermiddagen, noko som resulterete i stigande basarsøg som nådde toppen ved trekninga klokka 17. Og med heile 57 gjevinstar på hovudbordet, 32 på barnebordet og 28 på «Dagens bord» var det ikkje mange som gjekk tomhendt derifrå. Komplette trekningslister ligg under.

Forrige helg oppfordra vi til å sende jaktbilde til oss. Sondre tok utfordinga og har sendt oss e-post og bilder frå jakta i helga. Han skriv: » Øya/Bruset/Halset jaktlag møtte som vanleg mannsterkt opp, med både gammalt og ungt personell. Og med god temperatur og fint vær, var det eit godt utgangpunkt for (ei svettfull) jakt i liene på sørsia av bygda. Dagens første fangst vart ei kolle, med slaktvekt på 45 kilo. Rune Moe var skyttaren, og denne blei teke på Skarvøymyra oppi Øyalia. Fleire dyr blei observert utover dagen, utan at det fall noko. Etter at slaktinga tok vi eit ekstra jag nede ved elva i Øya, då det hadde vore observert fleire dyr der dei siste dagane.

Fredag og laurdag har det vore storstila taklegging på Jostusetra på Husbystølen i Romådalen. Lars Kvendset og Gunnar Nordvik starta arbeidet med å riva det gamle taket på Jostusetra fredag. Så vart det skifta sperrer og lagt nye trobord, før det igjen vart lagt på papptak og gjort klart til å legge nytt torvtak til våren.