Forside Arkiv

Rådmann Geir Vikan foreslår no å flytte alle elevane ved Todalen og Stangvik oppvekstsenter til Todalen skuleåret 2012/13. Dette fordi Stangvik skule skal renoverast for omlag 15 millionar, og kommunen har begynnt arbeidet med å finne den beste løysinga for gjennomføringa av det neste skuleåret.

Bygdemobiliseringsprosjektet SPLEIS i Bøfjorden inviterer alle til ei uforglømmeleg helg i Grendahuset 20. og 21.januar 2012. Humørbonden Geir Styve held eit inspirasjonsforedrag fredag kveld med tema: Godt bygdeliv, begeistring og korleis møte utfordringar og motstand. Her melder Olaug Kvendset at det vil bli samkjøyring frå Todalen om det er nokon som vil vere med. Så langt har vi ein full bil, men der hadde vore artigt om fleire vart med herifrå. Møt opp på Hals klokka 18 i morgon kveld for samkjøyring, seier ho.

Då kan vi endeleg kunngjera at den nye betalingsløysinga på ICA Nær Todalen er installert. Todalen har sia september vore utan muligheit til å betala for bensin og diesel med kort i kortautomaten ute, men no er det berre å fylle bensin og diesel utanom ordinær åpningstid att, for dei som har behov for det. -Sett […]

Leiar i Ski- og friidrettsgruppa Jorid Haugen Ansnes melder om årets første barn i løypa i morgonkveld i lysløypa borti Ørsalbukta. Da er det berre å håpe at vermeldingane held mål og vi får litt kaldare temperatur som lova. Ta med deg ein venn og møt opp!

Fotballsesongen er så smått kome i gang igjen på nyåret, men nokre har egentleg ikkje hatt nokon nevneverdig pause. I helga har Brage Hauglann Talgø frå Todalen og Ørjan Haugen frå Kvanne delteke på Slatlem cup i Kristiansund. Slatlem Cup er ein elitecup for dei beste G16 laga i heile fylket, pluss nokre frå trøndelag og arrangerast av CFK i Kristiansund. Hovudpremien var på heile 10000 kroner, og den fekk Ørjan og Brage vere med å vinne i si aller første turnering som sunndalsspelarar. Dei slo her motstandarar som Molde, Kristiansund og Verdal for å nemne nokre.

Då var det klart for å avsløra det siste månadens bilete for 2011. Vinnaren i desember vart Bjørn Halle med biletet «Vinterlys i Todalen». Dette betyr at vi snart setter i gang stemminga på Årets Bilete for 2011.

På søndagens lagkonkurranse i randonee stilte 6 lag til start. Konkurransen var lagt opp som jaktstart, der lag 1 (Torstein Johannnesen og Håkon Johanessen) startet først. Lag 3 (Björn Gund og Jan Johansson) og lag 4 (Bård Smestad og Thomas Øyberg) fikk 10 minutter tillegg, før lag 5 (Robert Sørlie og Lars Erik Skjerven) og lag 6 (Olav Tronvoll og Rune Johansen) startet med 14 minutter tillegg. Siste lag ut, men likevel favoritter var lag 7 (Ola Berger og Ola Hovdenak) med 20 minutter i tillegg.

Ola Hovdenak frå Romsdal Randoneeklubb var førstemann i mål under laurdagens randonee i NorgesCup/Lifesystems cup på Kårvatn, og fekk tida 1.31.58 og 14 sekund framfor svensken André Johnson. På tredjeplass kom klubbkameraten Björn Gund, 3 minutt og 22 sekund etter. I dameklassen var det Oddrun Brakstad Orset frå Romdal randoeeklubb som gikk til topps med tida 2.14,28, framfor Caroline Tollstadius på 2.35,47. I Herre junior, var det Eirik Haukøy som trekte det lengste strået, med tida 1.42, 58 framfor Torstein K. Johannesen som kom inn på 1.51,07.

I kveld går fristen ut for å stemme på månadens bilete for desember. Gå hit for å avgi din stemme. Vi oppfordrar fortsatt til innsending av nye bilete vi kan bruke for dagens bilete, og vi ser har sett at bilete som blir lagt opp som ei gåte har vore populære. Sjølvsagt er det ikkje […]

Neste søndag (22.1. kl 15.00) er det klart for visning av filmen «Finnguten» i Todalen Ungdomshus. Det er Todalen Historielag som arrangerer ettermiddagskaffe denne søndags ettermiddagen, og som har fått Eistein Bæverfjord til å kome for å vise oss filmen. Finngutfilmen er resultatet av ein tur i Bæverdalsfjella saman med Tor Holten og Odd Trodal, i grenseland mot Hemne og Rindal, der det levde samar sist på 1800-talet. Diktet Finnguten av Jørgen Gravvold er sentralt i filmen, og det blir lufta fleire ubesvarte spørsmål i historia om den sjuke finnguten, som kom ned i Bæverdalen for meir enn hundre år sidan.

Torsdag arrangerte Surnadal Sparebank årets næringslivsdag med konferanse i Surnadal kulturhus. Der nytta banksjef Allan Troelsen høvet til å dele ut Surnadal Sparebanks utviklingspris på kr 25.000. Den gikk i år til Surnadal Bygdeungdomslag, for framifrå marknadsføring av heimbygda. Han framheva spesielt arbeidet med landsstemnet i 2006 og fylkesstemnet i 2011, der Surnadal Bygdeungdomslag stod som arrangør. Karin Åsbø og Britt M. Rørseth tok i mot prisen på vegne av Surnadal Bygdeungdomslag.

Denne helga står i skisportens tegn på Kårvatn, med Norgescup Randonee og Fjelltelemark individuelt laurdag og randonee for lag søndag. Det er allereie eit 50-tal påmeldte til laurdagens konkurransar fortel Kristen Bruset frå arrangøren Todalen Idrettslag Det er framleis muleg å melde seg på når rennkontoret opnar kl 08.30 laurdag, og fram til kl 09.00. Det er også trimklasse som startar i lag med proffane, så har du lyst til å prøve deg så er det berre stille opp. Meir info om rennet finn du ved å klikke her.