Forside Arkiv

Dei som deltek i Trollheimsmarsjen får flotte pins for innsatsen. Det vil seie at dei som deltek første eller tredje gongen blir belønna med ein flott pins. Arrangøren har også pins for 5 års deltaking på klar, men den blir først aktuell neste år. Trollheimsmarsjen blir i år arrangert for fjerde gong, da fjorårets arrangement vart avlyst på grunn av dårleg vær og skodde langt nedover liene. Arrangøren håpar at vêrgudane spelar på lag i år, slik at årets trollheimsmarsj kan gå som planlagt.

NRK Nordland har vore på besøk i hagen til Erna Kari Bruset og ektemannen Steinar Skaar i Bodø. Dei har laga ein fin reportasje på nettsida si, der det og er lagt ut ein video frå hagen deira, der dei fortel om si erfaring med hagearbeid og blomster så langt nord. Det er vel verdt å bruke nokre minutt å ta ein kikk innom NRK Nordland.

Det blir «Kvartett og song» i Todalen kyrkje laurdag 25 august kl 17. Da gjestar TrondheimSolistenes far, fiolinisten Bjarne Fiskum, Todalen kyrkje med sin strykekvartett. Med seg i kvartetten har Fiskum mellom anna Surnadals eigen Anders Larsen. Dei spelar musikk av Haydn og Shostakovich. Sopranen Sigrid Bøe frå Bøfjorden deltek også – med utdrag frå Pergolesis «Stabat mater» og Handels «Julius Cesar».

Første skuldag er nok ein skikkelg milepæl for mange 6-åringar denne veka. Ved Todalen og Sytangvik Oppvekstsenter er det i år fleire førsteklassinga enn det har vore på lange tider. I år er dei nemleg 10 i talet, og det har nok si forklaring i at elevane frå Stangvik Oppvekstsenter skal ha sin skulegang i Todalen i vinter, medan Stangvik Oppvekssenter blir bygd om og renovert. På første skuledag var det sjølvsagt stor stas og fotografering av førsteklassingane.

Todalen Sanitetsforening startar førstkommande tirsdag opp att med sanitetsmøte i Todalen Sanitetshus. Dei er ei aktiv forening som engasjerer seg i det meste innan kvinnehelserelatert arbeide. I tillegg eig dei sitt eige hus, som dei har vedlikehald på.

Astrid Longva Kvendset (17) er i full gang med å pakke kofferten, og ho må tenkje seg god om kva ho skal ha med i kofferten. Ho skal nemleg på langtur, og skal være borte til langt uti juni i 2013. Astrid skal væra utvekslingsstudent i USA i vinter, og tek dermed ein pause frå skulegangen heime i Norge for å kome seg ut i verden for å sjå og lære korleis det er andre plassar. Ho skal i vinter bo hos ein vertsfamilie i Lansing i Michigan, og skal være student der.

Søndag var det sesongslutt på Todalshytta for i år. Da er turistsesongen over for i år, og hytta er ikkje lenger opa for publikum bare for å stikke innom og kjøpe seg ein kaffekopp eller ein is. Men sesongen er langt frå slutt for Åse, for ho har bestillinga for kvar helg til langt ut i september. Ho legg også til at terskelen er ikkje høg for å opne døra igjen, dersom det er nokon som har behov for overnatting eller eit eller anna arrangement.

Laurdag 18. august var 38 stavgangarar i Surnadal pensjonistlag på tur til Vangshaugen og Alfheim. Bussen, med Sverre Kjølstad som sjåfør, starta frå kommunehuset på Skei kl. halv ni. Litt før klokka 11 vart vi ønskte velkomne av den blide vertinna på Vangshaugen, Rannei Rødseth.Vangshaugen og Todalshytta var flotte ”sportsvillaer”, bygd av engelskmannen Ethelbert Lort Phillip, der han tok imot engelske rikfolk til jakt og fiske.

A-laget til Søya/Todalen tok ein velfortjent seier over Dahle 2 på Bordholmen søndag ettermiddag. Første omgan var det ingen av laga som klarte å finne nettmaskene, men i andre omgang fekk Ole Martin Øyen inn det første målet midt i omgangen. Da laustna det, og Dahle 2 utligna straks etter.

Førstkomande søndag (26.8.) er det klart for årets Trollheimsmarsj. Det er den 4. i rekkja, og går etter same trase som tilegare, med start frå Bordholmen stadion , over Vardan og til målgang på Leikvoll Stadion på Ålvundeid. Det er ein flott dagstur, som høver både for vaksne og born i lag med vaksne, der det er lagt inn ein turstikonkurranse på turen over fjellet. Både marsjen og turstikonkurransen er premiert med fine premiar!

Vi minner om at det er open pub på Pakkhuset Kro på Todalsøra  laurdag kveld. Det er ope frå kl 21.00 og utover, og alle er velkomne til ein triveleg pub-kveld!

Søndag kl 15 er det A-lagskamp på Bordholmen igjen. Da møter de lokale menn Dahle 2. Laget har så langt vunne berre to kampar, den siste mot Halsa på torsdag, etter ei scoring av lagkaptein Jan Terje Moen på frispark.  Karane har enda tilgode å hente ein tre-poengar på heimebane skriv IL_Søya på si heimeside.