Forside Arkiv

Denne påska har det vore fint å drive isfiske på Todalsfjorden. Sjøisen er nok solid enno, og i det fine været er det rart at det ikkje er fleire som har latt seg friste til å ta turen ut på isen for å prøve seg på litt isfiske. Langfredag var det nokre isfiskarar ute på fjorden, som såg ut til å kose seg i det fine vêret.

Langfredag nytta Ola G. Kvendset og eit par kompisar den fine dagen til ein tur til Snøfjellet. med start frå innerdalsmerket bart det til fjells via Klevhauan, Talgøsetra, Tristeinan og til Midtryggjen. Derfra forsette dei via kavin og opp ryggen til fremre toppen av Snøfjellet (1130 m.o.h). Turen gikk på ski fram til siste oppstigninga til toppen der dei bruka stegjarn for å vvære på den sikre sia.

Vêrgudane har vist seg frå sitt beste heile påska så langt, og langfredag var slett ikkje noko unntak. Dermed var det klart for den tradisjonsrike Kjerringdilten i regi av Todalen I.L’s hyttekomite og trimgruppa i fellesskap. Sol frå klår og blå himmel og drømmeføre lokka mange todalingar og utabygdes til fjells denne dagen. Arrangementskomiteen sto klar og delte ut startnummer etter kvart som folk dukka opp, og rennsjef Ivar Helge Kvendset håpa på å få delt ut alle 100 startnumra! Startskotet for kjerringdilten gikk, og det var 55 stk som bar startnummer på brystkassen. Det var nok atskillig fleire som hadde teke turen til Skihytta, men ikkje stilte til start på Kjerringsdilten.

På skjærtorsdag hadde værvarslinga meldt snøbyger på formiddag, og opphold med delvis sol på ettermiddag. Det er vel sjelden at de har slik fullklaff med meldingene som denne dagen? Mens snøbygene var nokså tette i morgentimene lysnet det etter hvert, og da traktorskyssen startet kl 11.00 på tur til Nordviksetra var det opplett i skydekket, og håp om noen solstråler. Da langrennet startet tittet solen fram, og hele 44 deltakere stilte til start i kort og lang løype.

Det blir i år to pubkveldar i påska, melder Pakkhuset Kro på Todalsøra. Onsdag kveld er det open pub frå kl 21 og utover.  Påskeaften er det pubkveld med påskequiz, der puben opnar kl 21, medan påskequiz startar frå kl 21.30.  Pakkhuset blir treffplassen for bygdefolk og påskegjestar!

Det fine påskevêret fortsett, og i dag var det ein ny fin dag i fjellet. Jo Inge Ørsal var på tur til Dalalia, og har kosa seg saman med familien. Jo Inge har sendt oss nokre bilde frå turen, som starta frå Kårvatn og gjekk oppover lia. Dette er også eit fint utgangspunkt for turen til Tydalsnebba eller Kvennåbotn, men som familietur kan du gå så langt du vil oppover lia og finne ein fin plass for både soling og skiaktivitetar.

Lars Redalen har ein fast prosedyre kvar mogon. Da rullar han ut vass-slangen frå fjøset i Austigarden til fjøset i Viastua for å kople seg på vassanlegget. Det har han gjort i godt over 2 månader no, heilt sia vatnet fraus i midten av januar. Og framtidsutsikta er nok å fortsette med det, kanskje heilt til 17. mai og kanskje lenger. Det er påvist at telen enkelte plassar går meir enn 2 meter ned, og det er enno titals kuldegrader om natta.

Per E. Gjeldnes som er hovudentreprenør for den nye lysløypa på Tjønnmyra, er snart ferdig med 1. fase av anleggsarbeidet. Det har i vinter vore gode arbeidstilhøve på anlegget, og det meste av masseflyttinga er unnagjort. Det er enno solid tele i marka, og no må det heile få tine, slik at ein kan sjå kvar det er behov for å fylle på meir masse. Det er også naudsynt at mykje av massen som er flytta får tine før ein får gjort jobben med opprydding og finpuss. Deretter blir det mykje dugnadsarbeid med reising av pålar og montering av lysanlegget før det kan takast i bruk til neste skisesong.

Det er travle dagar på Matkroken. Handelsmann Nordvik er godt nøgd med påskehandelen så langt, men reknar med eit ekstra løft dei neste dagane når dei siste tilreisande påsketuristane gjer sitt innrykk. Derfor er butikken open til kl 18 både tysdag og onsdag. HalsOil drivstoff får du kjøpt heile døgnet gjennom heile påska ved bruk av kortautomaten. «Verdens beste drivstoff er tilgjengeleg døgnet rundt», seier Nordvik.

Skal vi først snakke om tradisjon, så kjem vel seterrennet på Nordviksetra i den kategorien! Det er i allfall 85. gongen at det blir arrangert i år, og Nordvik grendalag reknar med skikkeleg innrykk til årets arrangement, fortel Ola Magne Nordvik til Todalen.no. Det er lagt opp til aktivitetar med langrenn på idealtid, hopprenn og det blir kulerenn. Det er bra med snø og fine føretilhøve, så alt ligg til rette for eit vellukka sterrenn. Vêrgudane ser også ut til å være i godlynne.

Dette blir tøft! Dette gleder vi oss til! Tuva Syvertsen med bandet Valkyrien Allstars skal fylle uterommet mellom fjord og fjell i Svinviks Arboret i Surnadal med sin freske, fengende og folkekjære folkemusikkrock! Folkemusikk og natur har en tett kobling historisk sett. Det er et naturlig valg for Norsk Vandrefestival å sette opp en slik konsert lørdagskvelden i festivalen. Tuva har lurt seg inn i folkesjela etter høstens ”Stjernekamp” i NRK TV.

Vi veit ikkje om den er i ekte sølv, men den nye vandrepokalen får i alle fall premiere under årets Kjerringdilt, som blir arrangert på Skihytta langfredag. Vêrmeldinga for langfredag byr i skrivande stund på sol frå blå himmel, og alt ligg til rette for eit vellyukka arrangement. Trimsjef Ivar Helge Kvendset har ordna seg med 100 startnummer, men med både ny vandrepokal og kjempefint påskevêr bør han kanskje utvide serien med startnummer?