Forside Arkiv

I alt raskaoset har det rukket å bli ny månad, og her kjem ei forsinka avstemning for å kåre månadens bilete for juli. Vi er glade for at vi fortsatt får inn mange fine bilete vi kan legge ut som dagens bilete, så vi håpar at dykk fortsett med det sjølv med lange arbeidsdagar med båtskyss og mørkare dagar. Kanskje dukkar det opp eit fint motiv på vegen?

Surnadal kommune har fått melding frå Statens vegvesen om at Fjord 1 må justere sine rutetider for MF Førdefjord for å kunne opprettholde antall turer mellom Todalen og Kvanne. Dette pga. den lange kjøringa frå/til Halsa morgon og kveld, og regelverk i forhold til maksimal arbeidstid for mannskapet.

Ivar Hol i Statens Vegvesen orienterer i ei pressemelding i dag at om at vegvesenet jobbar mot det mål å få ferdig kjørbar veg forbi rasstaden så snart som råd. Han understrekar i pressemeldinga dei ikkje kjenner seg att i Ordførarens sitat om at dette kan komme til å ta oppimot 2 månader. Han anslår at kjørbar veg vil kunne stå klar om 3-4 veker etter at sikringsarbeidet er ferdig, om veret tillet det.

Etter at Maursund avslutta trafikken til Svinvika har det vorte litt rot med parkeringa i området. Lensmannskontoret presiserer at det er forbud mot parkering på vegen ned fra Svinvikkrysset ved fylkesveg 671 og helt ned til kaiområdet. Det er også parkeingsforbud på riksveg 671, som er vegen inn mot Todalen, da det no vil bli ein del tungtrafikk inn til rasområdet. Parkering skal skje på parkeringsplassen til arboretet og på parkeingsplass/lunningsplass ovafor fylkesveg 671.

Rutetider for buss og båt til vidaregåande skule og ungdomsskulen ligg no ute på Surnadal kommune si nettside. Kommunen opplyser at skuleskyssen skjer via skyssbåten Tollesund og ikkje bilferga Førdefjord. Vi gjengir tidene i sin heilheit her. Det første klokkeslettet gjeld avgang for dei som skal ta bussen til Surnadal Vidaregåande skule, medan den andre gjeld elevane som skal til Stangvik Oppvekstsenter eller Surnadal Ungdomsskule.

Bil, buss, båt, litt spasering og så bil. Dette er kortversjonen av ein ordinær morgon for dei som har starta opp att med arbeid etter ferien i Todalen. Ein styrer ikkje sjølv heilt sin eigen kvardag, men gjer det beste ut av det. Men for å få dette til å gå opp, er stort sett alle nødt til å ta hurtigbåten MS Tollesund.

Skogkompaniet rydder no ffor å klargjere for sikringsarbeid ved rasstaden. Dei skal rydde unna skog i 50 meter i kileform mot rasstaden på begge sider av rasstaden. Dette er for å rydde plass for dei som skal starte sikringsarbeidet for ryddemannskapa og montering av ubåtnett. Seinare skal Skogkompaniet delta i utkjøringa av trevirket som ligg att rundt rasstaden, fortel driftsledar Palmer Vikan hos Skog-kompaniet.

Etter at dei to siste turane frå Todalen til Svinvika var gjort unna, stakk Maursund til havs og på heimveg til Harstad. Oppdraget var fullført, og nå er det fokus på neste oppdrag som er brønnboring på Svalbard. Det var mesta vemodig å ta avskjed med det trivelege mannskapet på 5, som har stått på for å frakte todalingar og andre sia dei kom hit natt til måndag 5. august. I skrivande stund, tysdag kl 18.50, er dei på veg forbi Brekstad på Ørlandet på stø kurs mot Harstad.

Torsdag 15. august kl 24 er det definitivt slutt på laksefisket i Toåa for i år. Denne sesongen går nok over i historia som ein av dei svakaste sesongane på lenge. Kor mange laks og sjøaure som er resultatet av årets sesong veit vi ikkje enno, men det har vore lite fisk og lita vassforing i elva. Det gir til saman ein dårleg kombinasjon. Etter regnveret det siste døgnet er vassføringa i skrivende stund i overkant stor. Men etter som nedbørmenga no tek av, vil nok vassføringa dei neste dagane bli perfekt for det tradisjonelle aurefisket i august.

Statsråd Ola Borten Moe besøkte tysdag Todalen. Han var i området i forbindelse med valgkampstarten, men under besøket i Todalen var han meir interessert i korleis involverte partar hadde handtert problema som raset har medført for Todalingane, kommunen, Svorka energ og Vegvesenet. Og han var imponert over den handlekrafta som har vore vist i denne samanhengen.

Leder i Todalen Idrettslag, Karin Halle har i samråd med leder i Ulvungen Idrettslag Dag Nikolai Gjersvoll
beslutta at årets planlagte Trollheimsmars ikkje blir gjennomført. Dei to idrettslaga tek avgjørelsen på bakgrunn av raset og dei utfordringane som har kome i etterkant av dette med tanke på frakting av deltakarar mellom Todalen og Ålvundeindet.

Tirsdag var den årlege Løftaturen arrangert i regi av Saniteten. Dårleg ver og dårleg oppmøte la ikkje nokon dempar for dei få som møtte opp. Dei tok ruta rundt om Myrmo og opp den fine stien til trimboka på Løfta. Derifrå gjekk turen nedatt forbi grustaket, på hovudvegen før dei enda i Myrjarvegen og Sanitetshuset. […]