Vi fann 9237 artiklar i dette arkivet.
Måndag var borna i skulen og barnehagen ute og rydda rundt vegkantane og i skuleområdet, slik at det skulle bli strøkent til 17. mai og folketoget. Alle elevane var med og det var mange små og ivrige hender som saumfor vegkantane etter vinterens etterlatenskapet.
I veka som gikk var elevane i 7. klasse i Surnadal kommune på tradisjonelt leirskuleopphald på Bjørnsund. Det var ei stor oppleving for elevane og det var både mykje å lære og mykje å prøve. Frå Britt Mossing ved Todalen skule, som var ein av lærarane som deltok i opplegget, har vi fått mange fine bilder og litt informasjon om opphaldet på Bjørnsund.
Søndag arrangerte trimgruppa i Todalen idrettslag fellestur til Storhaugen. Dette for å markere at det har vorte ein ny «Stikk UT-tur» i bygda, nemleg Storhaugrunden. Tjuefire personar i alderen åtte til åtti år var med på turen, alle spreke både i motbakkar og unnabakkar. Leiar i trimgruppa, Jorunn Nordvik, var tursjef. Ho gjekk attast og passa på at alle vart med heilt ned att.
Perikom var søndag med og markerte sesongopninga med sin intimkonsert i svinviks arborets hage. Mellom hovudhuset og fjøset var det rigga til konsertpaviljong for Perikom, det vil seie Håkon Fredriksen og Karstein Mauseth, der dei heldt årets første friluftskonsert. Det var sjølvsagt knytta litt spenning til vêret denne dagen, for meldingane var ikkje av det aller beste slaget. Men vêrgudane stod arrangøren bi, og heldt nedbøren unna, sjølv om det vart litt kald vind på slutten – men såpass må vi da tåle.
Trimgruppa minner om fellesturen rundt Storhaugrunden, med start kl 14 frå vedhuset på Haugligardane, via Storhaugen – og grilling med pølse, saft og kaffe ved Fosstrøin på returen. Alle er velkomne til å bli med på ein triveleg rundtur. Det er berre å StikkUT!
Da Kårvatn Fjellutstyr søkte etter ”ein dugandes medarbeidar” tidlegare i vår, tente det ein gnist hos Lars Inge Harang. Han sette seg ned for å skrive søknad – og etter litt diskusjon både heime med familien og hos Kårvatn Fjellutstyr så var valet gjort. No er han på plass ”attafor disken” på Kårvatn.
Fredag fekk ungane i barnehagen uventa besøk av to blide og greie russejenter, Kristine Svinvik og Karina Kosjanenko. Dei var ute etter å samle knutar til russelua si, og i barnehagen vart det to knutar i ein og same slengen! – Først delte dei ut is til ungane, lollipop og vaniljestong, det var kjøle populært! For det får dei lolipopknute i russelua, det må seiast å vere ein sympatisk og snill russeknute. Ungane fekk også russekort. Fin avslutning før helga.
Torsdag 7. mai la Stavganggruppa turen til elva Søya i Lykkjebygda. Vi parkerte bilane ved brua nedafor Lia, og vart imponerte over det store flaumsikringsarbeidet som var gjort her. Etter at vi hadde fordøyd inntrykka av dette enorme arbeidet, la vi turen nedover mot den prektige Haugafossen før alle 33 returnerte attende til bilane. Vi avslutta som vanleg turen med ein kaffepause.
Den siste vårpussen vart onsdag kveld unnagjort i Svinsviks arboret, med god hjelp frå Surnadal hagelag som tradisjonelt brukar å være med på klargjeringa til opninga. No er alt klart og dei første rododendronane er alt i full blomst og klare til å ta i mot publikum. Blir tek nok litt tid enno før blomstringa kjem på topp, men med litt varme og sol så vil det nok skje ting gange fort. Det var bra oppmøte på dugnaden onsdag kveld, og vi fekk gjort unna mykje av ryddearbeidet, fortel vaktmester Ola Bruset ved arboretet.
Torsdag 7. mai blir vpårens siste innendørs trimøkt for dametrimmen. Det skjer som vanleg i gymsalen, og startar kl 20.00. Dametrimmen kjem muligens til å arrangere nokre fotturar utover mot sommaren – før dei tek ein velfortjent ferie, melder Turid Hals Sæther i dametrimmen.
Programmet for feiringa av nasjonaldagen er no klart. Det meste foregår på tradisjonelt vis, med biltog frå Matkroken kl 9.30 – og fortsett med stor felles frukost på Borholmen etterpå. etter ein liten pause blir det folketog frå skulen til kyrkja og gudstenesta der. Etter gudstenesta blir det kransnedlegging ved bauten, før toget fortsett til skulen. Frå kyrkja til skulen får folketoget følge av 17.-orkesteret som sørgjer for musikk til marsjen. I skulen blir det mat, allsong og leikar for borna – og sjølvsagt tale for dagen med Sondre Ormset.
Måndag var første kurskvelden for ein gjeng interesserte i Skultstuå. Første kurskvelden var ein slags innføringskveld, for å sjå om dette er interessant. Seinare blir det høve til å fortsette med påbygging av fleire kurs, slik at ein får kunnskap til å starte med eigne bikubar for honningproduskjon. Kurset går i regi av Nordmøre Birøktarlag, og kursleiar er Anders Talgø.