Forside Arkiv

… eller påskefugl, som vi kallar det på Myrmo, skriv Line Marie Kvendset i ein epost til Todalen.no. Ho skriv vidare: «Søndag formiddag var ungane ute på trampolina, då dei ropa om at det kom ein påskefugl (eller tiur om du vil!) nede på ekra. Om den hadde vore og vitja Lunde-gaupa er uvisst, men den kom i alle fall spankulerande oppover ekra mot huset…..

Sør-Georgia i Sørishavet er eit eldorado forpingvin, sel og sjøfugl. Men etter at norske kvalfangarar sette ut ti reinsdyr for hundre år sia vart idyllen broten. Dei eksploderte i antal, har mesta øydelagt vegetasjonen på øya og skapa store problem for andre artar. Britane som har «overherredømme» på øya, ba om norsk hjelp for å få teke ut dyra, og i to omganger har norske skarpskyttarar frå Statens Naturoppsyn vore i sving. Tysdag 21. april kl 19.30 kjem Lars Olav Lund til Todalen ungdomshus for å halde lybildeforedrag om denne uvanlege jakta som han deltok i.

Mange lurte på kor gammelvegen ut Stranda gjekk, heile 34 personar møtte opp for å bli med på turen til Todalen historielag søndag. Veret var fint, sol og vindstille. Vi starta frå Rossåa kraftverk, gjekk utom Storløfta før vi begynte på den gamle, bratte stigen i retning Hjellnes. Opprinneleg starta den gamle kløv- vegen/ stien ved enden av Storura litt lenger inne, men der er det no uframkomeleg på grunn av ras.

VOK – eller Sunndal kulturskoles vokalensemble – starta der dei slutta sist dei var i Todalen på konsertturné i 2013. Første post på programmet var «Voggevise» som er ein folketone, arrangert av Øystein Årva. Det var ein klårstemt gjeng som inviterte til konsert i Todalen kyrkje søndag kveld, med sin dirigent og korleiar Lone Eines. Og publikum tok vel i mot dei, sjølv om dei ikkje var så mange – med stort og smått var det eit trettital som hadde benka seg i kyrkja for å nyte korsongen.

Komande søndag går søndagsturen til Halsa. Det er oppmøte på Halsanaustan ved Halsa ferjekai, før «ekspiedisjonen» går vidare derifrå til Åkvikhola med Tore T. Halse som lokalkjent guide.

Da vi var innom og kika på påskesalet hos Kårvatn Fjellustyr i påskeveka, trefte vi Tove Fugelsnes frå NRK der. Ho lova oss å kome med eit hint om når opptaka frå Kårvatn skulle kome på lufta, og i dag «tikka det inn» ei kort melding om at det kjem stoff derifrå både i «Friluftsmagasinet laurdag» og «Naturens verden på søndag».

I dag var det Eistein Bæverfjord og Olina Halle som var aktørar på onsdagstreffet i Surnadal kulturhus. Kammerset var fullsett av interesserte og fornøgde tilhøyrarar! Bæverfjord viste klipp frå filmen han lagar om krigsminne frå Surnadal. Bæverfjord er komen langt i innsamlingsarbeidet, men Stangvika og Røgrenda er enno ikkje besøkt. Klippa han viste var interessante, så det er berre å gle seg stort til det blir filmpremiere i september! Bæverfjord opna for innspel frå salen, og han fekk ein del gode tips han kan ta med seg i det vidare arbeidet.

I Oppistua på Hjellnes er det ein stor flokk med utangarsau som no er klare for lamming – 4-5 sauer har alt lamma, og til no er det kome 7-8 nye og svarte lam.  Nils Erik som går siste året i barnehagen i Todalen, har mesta ikkje tid til å være i barnehagen no. Og […]

Vi har på følinga at den politiske aktiviteten aukar dag for dag no, etter kvart som våren kjem og sommaren nærmar seg. Arbeiderpartiet samla sine listekandidatar i Brusetmarka tysdag kveld – først for fotografering hos StudioSaksen, og etterpå til samling på Gammelfabrikken. Der var det temakveld – først med orientering om Talgøkonsernet i fortid, notid og framtid og etterpå ein interessant gjennomgang av interessant fylkesstatistikk

I gamle dagar, før det vart bygd veg utover Stranda til Snøyå og vidare utover, var det ein kløvveg utover lia frå Todalshaugen til Hjellnes. Komande søndag vil Todalen historielag prøve å finne att denne vegen, fortel leiar i historielaget John Moe. Han har fått med seg Gudmund K. Kvendset som kjentmann på turen, og inviterer herved om det er fleire som har lyst til å være med.

Den gamle Dodge’en så var frå 80-talet ein gong, fikk i dag avløysing av ein nyare bil som utstyrs- og uttrykningsbil for brannvernet i Todalen. Om den ikkje akkurat var heilt ny, så er den iallfall nyare.  Det er ein Toyota Hi-Ace som tidlegare har vore i tjeneste i kommunen som no er spesialinnreidd til […]

Temaet for dagens møte i Senioruniversitetet for Indre Nordmøre var «Furukjempene i Trollheimen». Fotograf Morten Gåsvand viste flotte bilete og fortalde om leitinga etter dei store og monumentale furuene i Trollheimen. Han tok oss med på ei reise inn i urskog og naturskog der furukjempene veks, og der du finn furuer som ser ut som troll, skulpturar som viser omsorg, furuer med «lamper» i toppen og andre som lagar tette holer der du kan søke ly i styggver. Innimellom las sambuaren Randi Haugland stemningsfulle dikt og tekster til bileta.