Vi fann 9135 artiklar i dette arkivet.
Måndag 27.april kl. 18.00 blir det vårdugnad på kyrkjegarden, melder Todalen sokneråd. Det er mange ulike oppgåver og det trengs folk med rive, trillebår, spett og spade! Ta med høveleg hagereiskap. Det er behov for å rette opp skeive gravstøtter, samt rydding etter vinteren.
Snart er det klart for årets happening for dei som skal konfirmerast, sjølve konfirmasjonsdagen. Konfirmantane har jamnleg hatt undervisning i samband med den kommande seremonien, og er no inne i aller siste fase. Så når det er gudsteneste i Åsskard kyrkje førstkommande søndag kveld, er det med unge aktørar i teneste. Her vil konfirmantane frå Stangvik, Todalen og Åsskard utføre både liturgi og musikk.
Fredag pågår det vasking av Svinvikstunellen – med tilhørande raud blink i varselanlegget – og varsel om stengt tunell. Folk saknar imidlertid informasjon om dei skal vente for å bli slept gjennom puljevis, eller alternativ løysing å kjøre gammelvegen. Alternativet med gammelvegen er nok velkjent for lokalkjente, men tilreisande vi har fått melding frå har ikkje kjent dette […]
Laurdag 18 april blir det balldag med ekte sildball i ungdomshuset, fortel John Moe, som er initiativtakar til arrangementet. Med Åse Redalen som sjefskokke vil gjengen på kjøkkenet servere ekte sildball etter gamle oppskrift og med «fullt» tilbehør. Det blir servering av sildball frå kl 15 og utover så langt det rekk, og «kokkelauget» satsar på at det skal bli […]
I 2009 gjorde kommunestyret vedtak om å revidere alle bygdebøkene i Surnadal kommune. No er den første boka snart klar – den nye bygdeboka for Todalen kjem ut i midten av november 2015. Denne boka dekkjer området Åsbø, Nordvik og Todalen og vil koste 550 kroner.
Elinor Bolme som er leiar i Norske Kvinners Sanitetskvinner i Møre og Romsdal, fann i haust ut at NKS skulle starte ei haldningskampanje retta mot russen av året i heile fylket. Med seg på laget, fekk fylkesstyret Senter mot incest og seksuelle overgrep (SMISO) i Molde. SMISO fekk Amfi Kreativ til å laga boxershortsar med påskrifta “Eg tek ansvar”(gutane) og “Spør meg først” (jentene). Fylket fekk samme produsent til å laga “Goodiebags”, og fylkesstyret oppfordra dei lokale sanitetsforeningane til å fylle desse med høveleg innhald.
… eller påskefugl, som vi kallar det på Myrmo, skriv Line Marie Kvendset i ein epost til Todalen.no. Ho skriv vidare: «Søndag formiddag var ungane ute på trampolina, då dei ropa om at det kom ein påskefugl (eller tiur om du vil!) nede på ekra. Om den hadde vore og vitja Lunde-gaupa er uvisst, men den kom i alle fall spankulerande oppover ekra mot huset…..
Sør-Georgia i Sørishavet er eit eldorado forpingvin, sel og sjøfugl. Men etter at norske kvalfangarar sette ut ti reinsdyr for hundre år sia vart idyllen broten. Dei eksploderte i antal, har mesta øydelagt vegetasjonen på øya og skapa store problem for andre artar. Britane som har «overherredømme» på øya, ba om norsk hjelp for å få teke ut dyra, og i to omganger har norske skarpskyttarar frå Statens Naturoppsyn vore i sving. Tysdag 21. april kl 19.30 kjem Lars Olav Lund til Todalen ungdomshus for å halde lybildeforedrag om denne uvanlege jakta som han deltok i.
Mange lurte på kor gammelvegen ut Stranda gjekk, heile 34 personar møtte opp for å bli med på turen til Todalen historielag søndag. Veret var fint, sol og vindstille. Vi starta frå Rossåa kraftverk, gjekk utom Storløfta før vi begynte på den gamle, bratte stigen i retning Hjellnes. Opprinneleg starta den gamle kløv- vegen/ stien ved enden av Storura litt lenger inne, men der er det no uframkomeleg på grunn av ras.
VOK – eller Sunndal kulturskoles vokalensemble – starta der dei slutta sist dei var i Todalen på konsertturné i 2013. Første post på programmet var «Voggevise» som er ein folketone, arrangert av Øystein Årva. Det var ein klårstemt gjeng som inviterte til konsert i Todalen kyrkje søndag kveld, med sin dirigent og korleiar Lone Eines. Og publikum tok vel i mot dei, sjølv om dei ikkje var så mange – med stort og smått var det eit trettital som hadde benka seg i kyrkja for å nyte korsongen.
Komande søndag går søndagsturen til Halsa. Det er oppmøte på Halsanaustan ved Halsa ferjekai, før «ekspiedisjonen» går vidare derifrå til Åkvikhola med Tore T. Halse som lokalkjent guide.
Da vi var innom og kika på påskesalet hos Kårvatn Fjellustyr i påskeveka, trefte vi Tove Fugelsnes frå NRK der. Ho lova oss å kome med eit hint om når opptaka frå Kårvatn skulle kome på lufta, og i dag «tikka det inn» ei kort melding om at det kjem stoff derifrå både i «Friluftsmagasinet laurdag» og «Naturens verden på søndag».