Vi fann 9103 artiklar i dette arkivet.
Det blir tradisjonelle opningstider for Matkroken, fortel handelsmann Nordvik i ei pressemelding. Måndag til onsdag før påske er butikken open som normalt frå 9-18. Skjærtorsdag er det kioskope frå 16-18, medan det er stengt langfredag. Påskeaften er opningstida 9-15, medan 1. påskedag er stengt. 2. påskedag er det igjen kioskope 16-18. HalsOil-stasjonen er open for kortsal heile påska
Onsdag kveld (23. mars) inviterer Pakkhuset Kro på Todalsøra til open pub og påskequiz. Puben er open frå klokka 20 og utover, og påskequizen startar kl 21 og utover. Stikk innom og treff gamle kjente i triveleg lag, oppfordrar Pakkhuset Kro.
Vi gratulerer Kristine Saksen Ulvund med vinnarbilete av månadens bilete for februar. Premien vil bli overbragt ved første anledning. Redaksjonen takker for alle bileter vi får, og har alltids behov for nye blinkskudd.
Det arbeides jamnt og trutt med kommunerefora. I media kan vi lese referat frå møter og forhandlingar om intensjonsavtalar og forskjellige alternativ som blir lansert og debattert. No er tida komen for å informere «grasrota» om det arbeidet som er gjort og kva som skal skje vidare – mellom anna folkeavstemming. Surnadal kommune inviterer difor til 5 folkemøter rundt i kretsane – dei startar i Bæverfjorden tysdag 29. mars og rundar av i Øvre Surnadal tysdag 5. april. I Todalen blir det folkemøte onsdag 30. mars kl 19.30 i Todalen oppvekstsenter.
Kårvatn Fjellutstyr fristar med påskesal no fram mot påske. Det går mot tampen av sesongen, og vi skal etterkvart på plass varer for sommarsesongen, seier dagleg leiar på Kårvatn Fjellutstyr Laila Kvendset Bergli. Laila nemner både skredsøkarar frå 1900 kr, utvalde ski – 60%, Sir Joseph vinterjakkar 15/16-modellar -40%, utvalde dunposar frå Sir Joseph – 40%, […]
Tema for fasteaksjonen i år var «I kriser er vatn viktig!» Konfirmantane er ryggrada i Kirkens Nødhjelp sin fasteaksjon, og tysdag kveld tok dei runden rundt bygda saman med medlemane i soknerådet. Knappe 10.000 kroner vart resultatet av aksjonen, og det er vi veldig godt nøgd med, seier KN-kontakt Ildri Øyen som fortel at innsamlingsgjengen vart godt mottekne i alle heimar rundt bygda.
Arbeidet med første bindet av bygdaboka for strekninga Åsbøen til Kårvatn er snart i mål. Det foregår no stor aktivitet og innspurt på korrekturarbeidet, og bygdebokkontoret fortel i ein e-post til Todalen.no at det i disse dagar blir sendt ut korrektur enten som e-post eller post. Dei gjer mersame på at det er kort frist på korrekturen – du må respondere innan ei veke! Bla vidare for å lese meir…
Tema for fasteaksjonen i år er «I kriser er vatn viktig!» Konfirmantane er ryggrada i Kirkens Nødhjelp sin fasteaksjon. Innsatsen dei gjer er med på å redde liv. Saman med medlemmer frå soknerådet startar dei innsamlingsaksjonen tysdag kl.17.00.
Tysdag 8. mars er det tid for årsmøte i Todalen.no. Det skjer i Todalen ungdomshus kl 19.30, og det blir denne veka sendt ut innkalling til medlemane eller «eigarane», som er lag og organisasjonar og bedrifter i nærområdet. Velkomne til årsmøtet er også våre støttemedlemar. Todalen.no er framleis i framgang når det gjeld lesartal – i 2015 hadde vi 422.000 besøk på nettsida og har auka lesartala jamt og trutt sia starten i august 2009, og ser ut til å halde fram også i 2016.
Har du hugsa og meldt deg på? Det blir nok reine feittysdagen når omsogsgruppa i Todalen Sanitetsforening inviterer «eldre» todalingar til middag tysdag 8. mars kl 13. Og menyen er slett inga hemmelegheit for det startar med ertersuppe til forrett og fortsett med saltkjøtt og kålrabistappe og rundar av med kaffe og kake, fortel Karen Johanne Talgø og Jorunn Ørsal som står i bresjen for tiltaket.
Vi sluttar oss til orda til rektor Mons Otnes, da han takka russen for ein feiande flott revypremieere i Surnadal kulturhus i kveld. Vi er etter kvart vant til at russerevyane har eit høgt kvalitetsnivå, og årets revy er ikkje noko unntak. Stor fart, mange artig innslag og mykje flott song og musikk gjennom knappe to timar.
Onsdag andre mars inviterte Todalen historielag til filmkveld i Ungdomshuset. Filmen som stod på programmet, var svært så lokal. Hovedpersonen i filmen er Gudmund Halle frå Kårvatn, intervjuar er Olav Kvendset og filmskapar er Svein Åge Saksen. Filmen vart teken opp i 1994 da Gudmund var 81 år, og tema for filmen var kraftverk og kraftutbygging. Gudmund […]