Vi fann 9101 artiklar i dette arkivet.
Dei som har bruka gammelvegen i Åsbøhauan som sanr veg til ferja saknar denne mulegheita etter flaumnatta i Søya tidlegare i haust. Da vart vegen grave ut mellom dei to bruene over Søya. Hittil har det vore så stor vassføring at det har vore umuleg å reparere skaden, seier Jon Reidar Husby som er grunneigarane i […]
Dato og tidspunkt for solsnu, eller solkverv, varierer frå år til år. Det kjem av at året er ca 365,25 døgn, og dermed får vi ei lita forskyving. I år skjer det altså komande onsdag kl 10.44, og det er det nok mange som er glade for. Det går mot lysare og varmare tider, sjølv om det går sakte i starten – fram mot nyttår aukar daglengda med ca 10 minutt.
I ettermiddag markerte Todalskoret og Åsskard kyrkjekor 4. søndag i advent med ein flott julekonsert og eit forsterka felleskor. Dei kunne også by på ekstra solistar til songen, kammerkor og Tor Strand som pianist, så vi fikk litt av ei oppleving i kyrkja i dag.
Arbeidet på rasstaden i Falla er så smått kome i gang. Per Gjeldnes Maskin jobbar no med gravemaskin og lastebil for å få ut leire og lausmasse, og fyller så på med stein for å prøve å få eit skikkeleg fundament i vegen. På ein bit av vegen er det meste av vegbanen borte, så det er betydeleg med masse som skal til for å fylle opp igjen.
Har du venta på den tradisjonelle julekonserten i kyrkja, så har du ikkje venta forgjeves. Komande søndag blir det konsertar – først i Todalen kyrkje kl 14 og så i Åsskard kyrkje kl 19. Med fersk CD i lomma, med solistar og orkester inviterer Todalskoret og Åsskard kyrkekor til julekonsertar i dei to kyrkjene og gler seg til å møte publikum.
Det blir revy 3. juledag i år, og, – revygjengen er i full gang med intense øvingar i Ungdomshuset. Revygjengen tel i år 11 personar, ein godt innarbeidd gjeng med godt humør.
Det vart ei triveleg førjulssamling i ungdomshuset søndag. Krafttak for kratt var dagens tema, og jammen vart det eit krafttak. Rundt 25.000 blanke kroner kom inn til aksjonen som skal settast i gang når det lir til vårs. Da skal krattskogen til pers. Kjøkkengjengen fikk salg på 80-90 porsjonar med saltkjøtt og kårabistappe, og det var god stemning og praten gikk lett rundt borda…..
Stakk innom ungdomshuset for å sjekke stemninga på kjøkenet. På spørsmål om dei trudde det vart nok mat, så bekrefta kokkelauget som består av Elinor og Åse at det blir iallfall nok til 120 personar, så det tok dei rutinerte kokkane heilt med ro….
For eit par veker sia skrev vi om Ragnhild Maria Dietichson som gorde forsøk på å kome vidare til finalen i ein lattergalla-konkurranse på Sørlandet. No er ho kome til finalen, og det står mellom Ragnhild Maria og ei anna dame frå Arendal. Avstemminga går fram til 15. desember og Ragnhild maria ligg bra an…… […]
På tampen av dagen tok vi ein liten flaumrunde – etter at det har regna både torsdag og fredag var det mykje vatn i Storfossen fredag ettermiddag. Vassmålaren til NVE ved Storfossen tippa såvidt over 60 m3/sek før han bevega seg under 60-talet ei stund.
Juletre og juleblomster er forlengst på plass i Hageland Surnadal. Du får ein «kick» med julestemning når du kjem inn døra, og jammen er det koseleg når du får auge på eit hav med juleblomster i grønt og rødt. Søndagane før jul er butikken på Hageland open 12-17.
I føremiddag var det samling rundt kaffebordet i Pestu-fjøset, og tilhørande marsipankake til 10-kaffen. – Det måtte markerast at det var presis 1 år sia dei første kyrne vart flytta fra fellesfjøset i Ørsalbukta og til det nye mjølkefjøset i Pestua, som stod klart med to mjølkerobotar.