Vi fann 9155 artiklar i dette arkivet.
Flott start for ny Stikk UT!-sesong; nydeleg ver og stor aktivitet i trimrundane! Flest besøk i Surnadal kommune har det i løpet av dagen vore på den nye trimposten på Roparen i nedre Surnadal, men det var mange som var ute på trimtur både på Storhaugen og i Svinvikrunden.
I mai er det mange ekstra raudagar på kalenderen. For Matkroken Todalen medfører det avvik i opningstida – nokre dagar er det koiskope og andre er butikken heilt stengt. Denne helga er det kioskope både søndag og måndag (1. mai) frå kl 16 til kl 18. neste raudag er 17. mai – da er butikken stengt.
Søndag var det konfirmasjonsgudsteneste i Todalen kyrkje, der Torbjørn Brøske var liturg og stod for dei kyrkjelege handlingane. Det er i år ein kyrkjeleg konfirmant i Todalen, så Kristian Hauglann Talgø fekk all oppmerksomhet åleine, men det klarte han godt. Men dagens gudsteneste hadde også ei dåpshandling på programmet, da Emil Johansen Mossing var båren til dåpen.
I dag starta vi sommarsesongen på Hagland, og det gjer vi med trailersalg over 3 dagar med fokus på hagamøbler. Vi har hatt skikkeleg trøkk i dag, og det reknar vi med at det blir heile helga. Men no er alle sommarvarene på plass i butikken, og i år er utvalet av hagemøblar større enn det har vore nokon gong, seier May Britt Dyrli som er dagleg leiar for butikkdivisjonen i Talgø.
Terje Nordvik har vore nytta finvêret i dag til ein luftetur til skihytta. Han gikk den klassiske turvarianten, med start i Øyalia og oppover til Langmyra og passerte elva på vintervadet. Han rapporterer om bra med snø og kjempefint skiføre i høgda.
Fredag og laurdag er Saniteten på plass på butikken for å selge maiblomsten til bygdefolket og andre som stikk innom Matkroken. Og det er ikkje noko dei har begynt med no, for maiblomsten har vore i sal heilt sia 1909, fortel Dordi Jorunn Halle og Marit Sandens Søyset som satt der i dag.
Surnadal Arbeiderparti inviterer til tradisjonell markering av 1. mai i Surnadal Kulturhus. kulturhuset på Skei, 1. mai fra kl 17.00 og utover. På programmet er tale for dagen, der Tove Lise torve fra Sunndal er hovedtaler. Videre får vi kulturelle innslag fra Surnadal Hornmusikk og sangkoret Tormod, og elles bys det på kaffe og kaker og loddsalg…
I dag innleia Surnadal pensjonistlags stavganggruppe den nye sesongen med tur til Haltbakkan, og med 42 deltakarar vart det vel nærast rekorddeltaking. Det var oppmøte ved Sjøleet, der vegen tek av utover til Haltbakkan.
Nordvik grendelag hadde årsmøte onsdag 26. april med godt oppmøte. Grendalaget arbeider for trivsel og samhald i gamle Nordvik skulekrins, og alle som bur i grenda og er fylt 16 år, er automatisk medlemer i laget.
Heile bygda er kanskje å dra det langt, men det var iallfall nærare tretti munnar som vart metta med lapskaus i Sanitetshuset i dag. Det var beredskapsgruppa i Todalen Sanitetsforening som hadde invitert på middag og som vart traktert, først med lapskaus og så med sviskegraut med fløyte og kaffe og kaker til slutt.
Etter ein vinterleg innspurt med snøbyger, nattfrøst og snøslaps på vegane, ser det ut som våren endeleg er på veg. I slutten av veka blir det finvêr, og i neste veke blir det etter meldingane 2-sifra varmegrader, skal vi tru yr.no i sitt langtidsvarsel.
Etter ein lang påskeferie er det klart for ny Kløvertur måndag 24. april. Turen går frå Nordvik og utover Haltbakkvegen, fin grusveg og ikkje bratt. Som vanleg er det oppmøte ved Matkroken kl. 11.00.