Forside Arkiv

I dag orienterte Talgø om si satsing i Todalen og Surnadal dei tre-fire neste åra.  Eit fulltallig pressekorps var invitert til pressekonferanse der Talgø og Innovasjon Norge fortalte om investering på til saman 120 mill. dei komande åra.  Dersom alt går etter planane skal det gje rundt 50 nye arbeidsplassar til saman i Todalen og Surnadal. Dette er den største satsinga vi nokon gong har gjort i Talgøs 118-årige historie, sa Terje Talgø.

Kløverturen måndag 27. mars blir ute i Gammelvegen – deler av Svinvikrunden.

Med temperaturar på over 10 varmegrader har det gått hard ut over snøen i løypetraseen i lysløypa på Tjønnmyra. Barn i løype som skulle arrangerast frå kl 14.00 er derfor avlyst, melder Tove T. Brøndbo i Ski- og friidrettsgruppa.

Denne helga har det vore dugnad på Skihytta. Det har i lang tid vore planlagt å arrangere dugnad for å få på plass ny bordkledning. Fredag ettermiddag starta dugnadsgjengen på 6 mann frå Øyalia, med kurs for skihytta. Eigentleg var det to dugnadsgjengar – ein ut og ein inne. Utegjengen fikk nok føle at vindkasta kan være utruleg sterke på Ørsalmyrane…

I natt er det tid for å stille klokka til sommartid. Det skjer ved at vi kl 02.00 stiller klokka fram ein time til kl 03.00. Dermed blir natta ein time kortare enn vanleg, og det er ein time vi ikkje får att før til hausten, når klokka blir stilt attende til normaltid igjen. – Ein regel som er lett å hugse er at vi alltid stiller klokka mot sommaren – fram ein time om våren og attende ein time om hausten.

Måndag presenterte leiinga for SuSu-programmet veldig positive tal fra SSB-statistikken for Indre Nordmøre. I Sunndal og Surnadal samla er det ein auke på 156 nye arbeidsplassar for dei to kommunane, – ein auke på 2,4 % i perioden 2013 – 2016.

Årsmøtet var unnagjort på knappe halvtimen, da Todalen historielag samla eit 40-tals medlemar i Todalen ungdomshus. Leiar John Moe klubba gjennom dei godt førebudde årsmøtesakene, med årsmelding, rekneskap og val i tur og orden.

Todalen historielag minner om at dei har årsmøte torsdag 23. mars.

Sjå plakat her:

Også i år arrangerer Surnadal Normisjon misjonsmesse på våren. Velkomen til ein hyggeleg dag med sosialt samver og misjon på Eidet
bedehus laurdag 25. mars. et blir loddsal og sal av varer og kaffe/mat frå kl 13. Møte med program og trekning av hovedlotteri, daglotteri og kakelotteri frå kl 16.

Endeleg har dagen teke igjen natta! I dag er det vårjamndøgn, og da er natta og dagen like lang over heile verda. I dag er det også soloppgang på Nordpolen, og det markerer sjølvsagt at ein startar på sommarhalvåret, og godt er no det!

Det stod ikke på innsatsen da dei minste var samla til barni løypa og skileik på Tjønnmyra i dag. Aktivitetane var samla rundt den nye og flotte gapahuken, der bakelspressa gikk på spreng under arrangementet.  Det var Todalen ILs ski og friidrettsgruppe som stod som arrangør, og kombinerte aktivitetar både for store og små utover […]

Kom og kjøp lodd, oppfordra Nathalie Astrid og Fredrik. Dei to starta innspurten på førehandsalet til TILs ski og friidrettsgruppe på butikken i dag. Det er nemleg siste dag med førehandssal, for søndag ettermiddag er det tillyst stor aktivitetsdag på Tjønnmyra der trekking av lotteriet er ein av aktivitetane.