Forside Arkiv

Gruppespel og innleiande konkurransar i sjakkturnering har pågått heile etterjulsvinteren – til saman har 17 personar delteke, og kjempa om finaleplassane. No går turneringa mot slutten, og kvar av dei to gruppene har sine finalistar klare til den store gullfinalen som går i Todalen ungdomshus laurdag 22. april kl 17

Todalen Idrettslag inviterer til Kjerringdilten 2017 på Skihytta. Det skjer langfredag og rennet startar kl 13.00, melder hyttekomiteen. Kjerringdilten har ein lang påsketradisjon, men det såg lenge ut som snøen kom til å forsvinne før påske, men no er no skiføret berga iallfall dei næraste dagane.

No blir det tursti langs elva – samanhengane sti frå Halsabrua og oppover på nordsida til Trøbakkan. Det står att litt rydding, men i kveld har motorsaga gått jamt og trutt, og det har gått hardt utover småskogen. Prosjektet fortsett i morgon ettermiddag, så har du lyst har du lov….

Før påske, fram til og med onsdag er det vanleg opningstid 9.00 – 18.00. I påska er butikken open på påskeaftan 9.30 – 15.00.  Skjærtorsdag og 2. påskedag er det kioskope 16.00 – 18.00, medan langfredag og 1. påskedag er butikken stengt.  HalsOil drivstoff selges på kortautomaten heile døgnet heile påska. Ta påskehandelen lokalt!

Todalen sokneråd arrangerer to gudstenester i påska. Det er vanleg gudsteneste i Todalen kyrkje langfredag 14. april kl 19.30. 2. påskedag – måndag 17. april blir det friluftsgudsteneste med dåpshandling på Haugligardane kl 12.

Nordvik grendelag har lange tradisjonar for å arrangere seterrenn på Nordviksetra. Snø er imidlertid mangelvare, så det må bli alternative aktivitetar og barmarksøvingar, seier Ola Magne Nordvik som er leiar i grendelaget. Aktivitetar blir natursti med aktuelle spørsmål og konkurranse etter laginndeling. Starten er skjærtorsdag kl 12, og det er lagt opp til traktorskyss frå forsamlingshuset kl 11.

Fredag kveld var det premiere for boka om Nordmøre Husmorskule i Stornaustet på Halsanaustan.  Det er Halsa heimbygdlag som har teke initiativ til å samle historia til husmorskulen i bokform. Ein komité har samla stoff og bilde, og Einar Oterholm har ført boka i pennen – til saman 157 sider med rikt illustrert historie.

Forleden laga vi nyheitssak på at Kårvatn Fjellustyr skulle arrangere tradisjonelt påskesal i butikken på låven. Fredag tok vi turen oppover for å sjå og høre kva dei hadde å by på. Laila og Fredrik var i full gang med sortering av varer, tegning av plakatar og rydding – for å ha alt klart til laurdag morgon når påskesalet startar i butikken.

Friluftsrådet Nordmøre og Romsdal melder at no er Stikk UT!-turmåla for sommarsesongen 2017 klare. Det er opplegg for Stikk UT!-turar i 16 kommunar i på Nordmøre og i Romsdal.

Vi veit ikkje om Arne Holten og Jonas Aasbø var årets første turistar, men like fullt var dei innom Kaffekroken på butikken for å ta ein pause og ein kaffekopp – og for å treffe kjentfolk….

Gikk du på Nordmøre Husmorskule i perioden 1921 og fram til 1977 vil du nok ha stor interesse av å skaffe deg boka om Nordmøre Husmorskule som no er komen. Det er Einar Oterholm som er forfattar av boka som omhandlar historia fram til skulen vart vidaregåande skule i 1978. Fredag kveld (7.4.) blir boka presentert under eit arrangement i Halsa heimbygdlags regi der forfattaren viser lysbilde og fortel om husmorskulen og Bernt Bøe fortel om boka som no er komen i sal.