Forside Arkiv

Merkurprogrammet og handelsdepartementet er initiativtakarar til årets store handledag. Det dreier seg enkelt sagt om å informere om kor viktig nærbutikken er for å skape levande bygder. Merkurprogrammet sørger for behovsprøving av driftsstøtte og investeringsstøtte for nærbutikkar som ligg meir enn 25 km frå næraste konkurrent og som har ein viktig funksjon for å gjera bygdene livskraftige. Laurdag 20. oktober blir det eit skikkeleg kaffeslabberas på Matkroken Todalen, med servering av gratis kaffe og blautkake frå kl 10 og utover så langt det rekk….!

Talgø jaktlag er denne veka i Bindal på elgjakt, og har der opplevd travle dagar i terrenget. Dei har skote ein elg på søndag, to på måndag og heile fire elgar i dag på onsdag, og no er kvota full. Ivar Hyldbakk, som er jaktleiar, har sendt oss eit bilde frå jakta i Bindal, der Ola Talgø poserer med ein 12-takker dersom vi har rekna rett. No håpar dei å få «påfyll» på kvoten frå Plahtes eiendommer, slik at dei kan jakte vidare.

Asfaltarbeidet er i gang på FV670 i Lykkjebygda. Arbeidet har starta frå museet på Åsen, og dei jobbar seg nedover i retning Kvanne. Trafikken forbi anleggsområdet er regulert puljevis – og blir losa forbi med følgebil.

Arne Drøpping frå Drøppingstranda saknar enno nokre sauer og lam. Dei har mellom anna vore observert i området ved Ansnessetra no i haust, og han lurar no på om nokon har sett dei i området frå Rambjøra og innover til Ørsalsetrene – eller andre plassar?

Surnadal Normisjon inviterer til songkveld med dei populære musikarane frå Levanger. Det skjer på Eidet bedehus fredag 19. oktober kl 18.00 – Svein Gjære er musiker og pianist med eigne komposisjonar av nye og eldre songar, til dømes kveldssalmen «Denne dagen er til ende»

Hurra for den som fyller sitt år, ja ho vil vi gratulere! Hipp, hurra for Jenny som fyller 97 år i dag! Sjølv om ho ventar kaffegjester utover dagen, stilte ho på Kløverrusletur og gjekk heile runden om bustadfeltet før det vart pause i solveggen.

Snøsmelting og regnvêret i går kveld laga ein liten flaumtopp i Toåa i 3-tida i natt. Da viste NVEs målestasjon ved Storfossen 78,7 m3/sek og tippa dermed over grensa på 74,3 m3/sek som per definisjon er middelflaum for Toåa. Grensa for 5-årsflum er 86,3 m3/sek og det var eit stykk att dit. For å illustrere kor mykje varn det er tok vi nokre bilder ca kl 8.15 – da var vassføringa komen ned på rund 56 m3/sek.

Todalen sanitetsforening inviterer til KløverRUSLEtur måndag 15. oktober. Denne dagen blir det base ved Sanitetshuset, og så kan ein gå tur i byggefeltet, utover til Småbåthamna eller opp til Løfta.

Det har banka og saga på lekeplassen i Bekkerhagan bustadfelt i fleire dagar. – Vi måtte ta ein tur innom for å sjå kva som foregikk, og trefte to habile snikkarar som nytta haustferien på skulen til å bygge kiosk. Markus og Tor Asbjørn fortalte at det er ei stund sia dei starta på jobben. Men når det var snekkering på eit av husa i bustadfeltet vart det plutselig tilgang på material. På spørsmål kva dei bygger, så var svaret at du ser nå vel at det blir ein kiosk.

Laurdag 17. november blir det arrangert stort julebord i Todalen ungdomshus. Da inviterer Todalen Idrettslag alle sambygdinger til sitt første julebordarrangement. Det trur vi skal gå veldig bra, for vi er vant med store festarrangement og matservering – ikkje minst i samband med hjortfestane som lenge hadde stor oppslutning og gikk for fulle hus, seier leiar i Todalen I.L. Nils Ove Bruset. – Vi trur dette blir artig!

I det fine høstværet tok stavgang gruppe avslutningsturen for i år med utgangspunkt på skisentret på Vang. Mange glade trimere hadde funnet veien i dag også og endel tok veien opp til Haukarberget. Dette var den siste turen for i år. I sesongen har det vært med godt over 300 trimere på turene og det har gjort godt for kropp og sjel.

Skal vi bli passa av velferdsteknologi når vi blir eldre? – Det er mange spørsmål knytta til korleis ein kan nytte velferdsteknologien og korleis den kan fremme mestring aktivitet. Torsdag 18. oktober kl 12-14 held Prosjektleiar Tone Bye i Pensjonistforbundet foredrag om dette emnet i kinosalen i Kulturhuset.