Vi fann 9222 artiklar i dette arkivet.
Talgø MøreTre sin elementfabrikk fikk ei dobling av omsetninga i 2018. – Det har sjølvsagt vore litt av ei utfording med ei slik auke – mykje jobb, men det det har vore artig. Det er Svein Løvik, Erling Talgø og Arve Ervik som fortel dette til Todalen.no etter at siste rest er fakturer og dei har fått oppsummert året og landa på ei omsetning på rundt 71 millioner – mot 38 mill. i 2017.
Onsdag trefte vi 6 mann med ein felles interesse og hobby. Dei 6 var samla hos ex-Jobus spellmann Jon Bjarne Husby i Jostua, og her høyrte du «Lørdagsvalsen» straks du kom ut av bilen. – Dei har ein felles interesse og hobby, men dei har stor geografisk spredning. To frå Todalen, to frå Lykkjebygda, ein frå Bæverfjord og ein frå Skålvikfjorden.
Prosjekt 17-koret sørga for å føre tradisjonen med julekonsert vidare i Todalskyrkja. Det var ei fantastisk oppleving å høyre korsongen, orgelmusikken og allsongen, og dersom du ikkje kom i julestemning med eit slik program så er du nok eit håplaust tilfelle.
15.-17. februar inviterer Norges skiforbund og Møre og Romsdal skikrets til Trener 1-kurs i Randonee på Kårvatn i Todalen.
Har du epostadresse med «etternavn» svorka.net, så begynner det å haste med å skaffe ny epostadresse og med utsending av informasjon til dine kontakter. 1. januar 2019 er det nemlig slutt med eposttjenesten fra Svorka. Svorka legger nemlig ned denne gratistjenesten fra nyttår på grunn av at det er for krevende å holde denne gratistjenesten operativ, sier Janne Rangnes som er salgs- og markedssjef i Svorka.
Alle er velkomne til juleavslutning på Todalen oppvekstsenter i kveld, tysdag 18. desember kl. 17.30! Julespelet «Albert og julemånen» blir framført frå scena. Det blir kaffe og kaker, gong rundt juletreet og kanskje kjem nissen ned frå Lauvåfjellet. Arrangør er Todalen oppvekstsenter og FAU VEL MØTT!
Onsdag kveld 19. desember kl. 18.00 blir jula «sungen inn» i Todalen kyrkje. Koret P17, organist og pianist Tor Strand, operasopran Sigrid Vetleseter Bøe og fleire deltek. Programmet består av kjent og kjært julestoff – ispedd tonar du neppe har høyrt før. Songar frå eit dusin nasjonar er samla under tittelen «Jul utan grenser».
Måndag kveld var det lansering av nok ei ny bygdebok i Surnadal kommune, band 3 som omfattar området Søyset – Hyllbakkan. Siv Oddrun Snekvik og Norunn Holten, som er tilsette i bygdebokprosjektet i kommunen, kunne fortelje at dei både var spente og stolte da dei skulle presentere den nye boka. Og dei har i alle fall god grunn til å vere stolte – dette er ei flott og interessant bok! Ikkje minst er det svært mange interessante bilete – bilete av utruleg god kvalitet.
Måndag gjekk den siste storfurua i Svinvika overende. Det står nok mange store att enno, men ingen av dette kaliberet. Jon Bojer Godal var kunde og oppkjøpar, og den store furua skulle brukast til ny mast til jekta «Brødrene». «Brødrene» hører til i Melbu, og er ei storjekt med plass til rundt 1100 tønner. Den var bygd på Rognan så seint som i 1987, og er ein tru kopi av den gamle jekta «Brødrene» som var bygd i Mellomverftet i Kristiansund i 1887. Den nye masta må være solid, for jekta «Brødrene» har eit segl som er på rundt 300 m2. Den gamle jekta har ei lang historie i trafikken med tørrfisk langs kysten frå Nord-Norge til Bergen
Tor Erik Vikan frå Franzefoss overraska dei tilsette på Talgø MøreTre i Surnadal med ei kjempestol marsipankake til frokostpausen måndag. Vikan var på kundebesøk for å informere om resultatet av det første året med avtale om avfallshandtering mellom Talgø og Franzefoss. Talgø MøreTre i Surnadal kom best ut med sorteringsarbeidet det første driftsåret, da dei har kildesortert heile 93,4 % av avfallet.
Det blir, naturleg nok, nokre avvik frå normalen på kulturhuset i og rundt høgtida. Sjølve kulturhuset stenger før jul på kvelden fredag 21. desember. Det er ope torsdag 27. og fredag 28. desember (kl. 1130–1930) og kjem i normal drift igjen frå 2. januar.
I dag kom dagen som store og små skientusiastar har venta på – Surnadal Alpinsenter hadde sesongstart, og dro i gang heisen for å køyre folk oppi høgda. Kl. 11 starta heisen og i heile dag har det vore bra tilstrøyming av unge alpinistar. Litt «strul» med tråkkemaskinane laga litt problem, men det var ikkje verre enn at det var brukbare forhold utover dagen.