Vi fann 9038 artiklar i dette arkivet.
Under årsmøtet i Sanitetsforeninga tysdag 5. februar vart kunstlotteriet for 2018 avslutta, og biletet vart trekt under nøye oppsikt av årsmøteforsamlinga. Det var seld 545 lodd, og den heldige vinnaren vart Per Reiten, og han var ikkje sein om å møte opp for å ta i mot måleriet. Per var gledeleg overraska, han synest biletet var riktig så fint og skulle nok finne ein høveleg plass til kunstverket av Sissel Storslett heime i Ørsalgeilen.
I byrjinga av november pågikk det arkeologiske utgravingar i Hallagrenda, og Todalen.no lova å kome attende med info om dei funna som vart gjort der. For ei tid attende kom det ein foreløpig rapport om funna. Under utgravinga vart det funne 4 kokegroper og eit stolpehol, og dei eldste funna er dater heilt attende til folkevandringstida (400-545 e.Kr).
Etter ein lang ferie med julehelg og «mørketid» gjekk første Kløverturen i 2019 av stabelen måndag 4. februar. Det vart riktig så god start på sesongen; fint ver og sola skein på Kvennsetgarden. Ho verma faktisk ganske godt! Men det viktigaste var at 14 trimmarar møtte fram første dagen! «Kjekt å gå tur i lag!» vart det sagt.
Ein lynvisitt på Gammelfabrikken avslørte at det er mykje på gang i den 120 år gamle fabrikkbygninga. Gammelfabrikken har dei siste par ti-åra vore bruka til showrom for produkt frå Talgø-konsernets fabrikkar. Frå 1. juli 2018 er det slutt på møblar og interiør og dermed blir det ledig plass til andre formål i tida som kjem. – I den gamle fabrikkbygninga frå 1899 er heile 2. etasjen revet ut, og vi er komne heilt innpå skalet, fortel Anita Talgø som er prosjektleiar for renoveringa av Gammelfabrikken.
Todalen sanitetsforening minner om at dei held årsmøte i Sanitetshuset tysdag 5. februar kl. 18.30
Ved Svinvika går det to kraftlinjer over Todalsfjorden som tilhører Statnett. I dag vart det funne ei brannskadd blåse på sjøisen under kraftlinja, og folk som var på sjøisen i går påstår at den har falt ned i løpet av natta. Blåsa var brannskadd, men elles er det uklart kvifor den er brannskadd og når det eventuelt har skjedd eit lynnedslag eller liknande.
Surnadal Taekwondo har ei stor tropp som deltek i Midtnorsk mesterskap i Trondheim i helga. Kjell Gunnar Polden er med som leiar og har sendt oss ein liten rapport under vegs i misterskapet, der mellom anna 3 todalingar har hevda seg bra så langt. Dette er ein av dei første gongane det deltak todalingar i Midtnorsk mesterskap og han var fornøyd med innsatsen.
Folkeakademiet arrangerer språkkafé for flyktninger og andre som trenger øvelse i å lære seg norsk . Det foregår mandagskvelder fra kl. 18.30 på kantina i tredje etasje i Coopbygget på Skei – Adressa er Skeivn 3. Alle er velkommen til å ta en kaffekopp og slå av en prat, og bli bedre kjent med våre nye […]
Sola er tilbake etter vinterpausen. No skin ho langt nedover liene og heilt ned på Kvennsetgarden, og ho kryp lenger og lenger oppover bygda dag for dag. Yr lovar godt ver måndag 4. februar så da blir det oppstart for Kløverturane i 2019! Oppmøte ved Halsbua, og så blir turmål bestemt etter ver og føre. Men det blir ein lett tur i nærområdet til butikken. Turstart kl. 11.00.
På september i fjorhaust vart det lagt asfalt på den store 13.000m2 lagringplassen på Talgø MøreTre i Surnadal. Det var Veidekke Industri som hadde prosjektet og sjølv om dei er vant med prosjekt som kanskje er mykje større enn dette, så var det store utfordringar med underlag og grunnarbeid for å få dette solid nok til å tåle belastninga. No kan du få sjå videofilm frå dette prosjektet – Kristian Mossing som er leiar for Veidekkes entreprenør- og privatmarked i Nordmøre og Romsdal, har filma arbeidet med dette prosjektet. Ved hjelp av drone med påmontert kamera har han laga ein flott og interessant videofilm som vi no får vise.
Du har kanskje oppdaga at det drives snekkering på Todalshytta. Det er sårt tiltrengt vedlikehald på råteskadde tømmerveggar som no blir utført. Tømmerveggar som har stått vêr og vind i snart 120 år – Todalshytta vart nemleg bygd så tidleg som i 1901 av Ethelbert Lort Phillips. Det er Peder Myrset frå Averøy og John Arne Dahlen frå Osmarka som den siste tida har jobba med reparasjon av dei gamle veggane
No må du sjå ut! – Det var meldinga frå naboen, og rett utfor stuevindauga var eit rådyr i full gang med å «ribbe» ei barlindbusk. I nærleiken var det faktisk eit par rådyr til, som ikkje våga seg innom utgarden.