Forside Arkiv

Etter veker med finver og gode temperaturar vart det på nytt vinter. Men kløverturgjengen tok ut på tur likevel og fekk ein fin runde innover skogsvegen frå Sanitetshuset.

På grunn av snø/føretilhøva på kyrkjegarden er dugnaden som er tillyst i kveld utsett til torsdag 9. mai kl 17.30, melder soknerådet.  Ta med høveleg reiskap og kom på dugnad, så får vi gje kyrkjegarden eit eit løft før sommaren tek tak.    

I helga har det vore avslutning av randonéesesongen, med arrangement i Tromsø. I samband med reisa nordover var det sjølvsagt knytt stor spenning til om flystreiken skulle øydelegge sesongavslutninga. Det gjekk bra, og arrangement vart det og Erik Kårvatn representerte Todalen i Tromsø Skimo Skittentind.

Strandryddegjengen i Nordvik grendalag trossa vêr, vind og snøbyger og gjorde jobben laurdag føremiddag. Det er heilt utruleg kor mykje plast dei fann berre på strandlina forbi Nordvik, konstaterte strandryddarane.

Sanitetsforeninga inviterer til Kløvertur måndag 6. mai. Denne gongen startar turen frå Sanitetshuset kl. 11.00. Det blir tur innover skogsevgen eller oppover til Løfta.

I dag 4. mai er det nasjonal strandryddedag. Grendalaget oppfordrer de som har lyst til å delta på strandryddedagen til å møte opp og bli med. Oppmøte i Røe-stranda kl 11 for utdeling av roder og sekker. Kaffeservering fra kl 13, melder grendelaget.

Måndag 6. mai kl. 17.30 blir det dugnad på kyrkjegarden. Det blir rydding, raking og oppretting av gravstøtter, fortel soknerådet som står som arrangør av dugnaden. Ta med høveleg reiskap – soknerådet sørgjer for dugnadskaffe. Under dugnaden vil sokneråde orientere om aktuell omdisponering av bårehuset til reiskapshus.

Yr.no lovet ikke akkurat det beste turværet i dag, men Stavganggruppa er ikke så nøye på været og tur til Bøfjorden det vart det. Og været det ble da slett ikke verst i Bøfjorden, skriver Wenche Ø. Kvendset som har sendt oss bilder fra turen.

Dei siste dagane har det vore kantrydding etter FV671 frå Todalskrysset og retning Todalen. Det er Skog-Kompaniet som har jobben med kantrydding langs fylkesvegen og brukar ein stor traktor med hogstaggregat, kran og flishoggar.

Onsdag 1. mai frå kl. 14.30 og utover inviterer Surnadal Arbeiderparti til arrangement i foajeen i Surnadal kulturhus. På programmet står mellom anna tale av stortingsrepresentant Else May Botten Norderhus og appell av ordførarkandidat Annett Ranes.

Når det livnar i lundar og lauvast i li, inviterer kor og operaartistar til årleg Vårsongfest i Bøfjorden. Søndag opnar grendahust dørene til kvitrande vårtonar, allsong og sjøsalt kabaret. Gruppa TriOpera med Sigrid Vetlester Bøe, Maria Moen Nohr og Hedda Hansen Berg har makta å vekkje stor opera- og songinteresse på indre Nordmøre. Musikk som tidlegare vart skrudd av på radioen, har dei siste åra trekt fullsett Bøfjorden Grendahus.

Indre Nordmøre forsvarsforening vil i samarbeid med Nordmøre brigadeveteranforening i år markere denne viktige dagen i Tingvoll kommune. Det vil gå minibuss fra Skei kl. 09.00, som tar ferga fra Kvanne kl. 09.30.