Forside Arkiv

I dag var det utdeling av gåvemidlar frå Surnadal Sparebanks gåvefond. Ein god slump med pengar hamna som støtte til forskjellige prosjekt i bygda da gåvesjekken vart delt under ei enkel tilstelling i bankens lokaler. I år er det til saman 74 lag og organisasjonar som har fått gåve frå banken, liten eller stor alt etter kva det er søkt på. I statuttane står det at gåvene skal gå til allmennyttige formål, og vi prøver å vurdere dette etter beste evne, seier Liv Dalsegg i Surnadal Sparebank.

Leiar i Todalen idrettslag, Nils Ove Bruset, var stolt da han på årsmøtet kunne gi heider til to unge og talentfulle idrettsutøvarar frå Todalen. Dei to har i ein alder av 15 og 16 år alt konkurrert i utlandet i løpet av vinteren. Sindre Bruset deltok i januar i Open Dutch i taekwondo i Nederland, og Erik Kårvatn var med på landslaget i rando-VM i Sveits i mars.

Søndag 31.mars kl. 14.00-16.00 inviterer vi alle interesserte til å ta turen innom museet på Åsen.

Arbeidet med å lage ein kopi av den ca. 1000 år gamle kavlvegen som vart lagt over myra på Eidet er no i gang!

Ein kavlveg er ein veg laga av klovne tømmerstokkar for å forsere våtmark. Det er funne ca. 800 meter av ein slik veg i myra over Eidet, ikkje langt frå museet. Denne blir det no laga kopi av, og det skal etablerast ein kultursti i tilknytning til dette kulturminnet frå vikingetid/tidleg middelalder.

Det vart ei spesiell og spennande vakt for Svein Skomsøy lørdag ettermiddag og kveld. Skomsøy er leiande havneinspektør i Kristiansund og Nordmøre Havn og var vakthavende på hamnekontoret da alarmen gikk på cruiseskipet Viking Sky. Det vart ei heilt spesiell vakt, der eg kunne følgje aksjonen både på radioen og på skjermen, og eg følte at eg satt og fulgte med på dramaet uten å kunne gjøre nokon ting.

Surnadal Pensjonistlag arrangerer trivselskveld på Thon Hotel Surnadal onsdag 10.4. kl 1900. Først får vi ein enkel middag i restauranten, før vi går til Gladlaksen for kaffe og dans til Trond Larsens kvartett

Det er nok mange som lurar på kva den store aktiviteten i Kvennsetøran bustadfelt, der både gravemaskiner og boreriggar er i aksjon. Løysinga på det spørsmålet er at det i dag blir lagt ny rør for å frakte vekk gråvatn som er filtrert vekk frå kloakkanlegget i bustadfeltet. I staden for infiltrering i jorda blir det no lagt rør ned mot sjøkanten og vidare utover til marbakkan.

Onsdag 19. juni kjører Gunvor Fuglevåg siste postruta si til Todalen. Når ho har kjørt runden denne dagen, så parkerer ho postbilen og blir pensjonist. Todalsvegen kjenner ho godt, for ho har heldt det gåande sia 1992, da ho tok over ruta og det vart full fres frå 1993. Sia har det berre vore nokre avbrekk på dei 27 åra, så ho kjenner nok «kvar stabbstein» på vegen inn til Todalen og oppover til Kårvatn.

Har enno til gode å treffe den personen som ikkje likar nystekte bakels, og den trefte vi heller ikkje i dag. Det var nok ei hyggeleg overrasking å bli påspandert bakels til kaffen på Matkroken i dag. Alt frå starten var det god respons da dagens 10-kaffe fekk ekstraforpleining med handelmann Nordvik.

Tidlegare annonserte vi med korttidsleie av Skortinn i påskeferien. Dette gjekk over all forventning kan utleigar Toril Redalen fortelje. Og etter litt overveiing vel ho og mannen Eduard no å leige ut husa for ein litt lengre periode frå 01.05.2019 -01.05.2021 med 3 måneder gjensidig oppsigelsestid. For enda meir info kan du gå inn på annonsen […]

Værmeldinga har liksom ikkje stått i forhold til værvarslet så langt i dag. Men det har vore skikkeleg stormflod, slik som meldt, og dermed oversvømming på mange plassar i flodmålet på Kvennset, Småbåthamna, Bordholmen, Halsetøran og på Ansnessaga. Vindretninga skal også dreie meir mot nord-vest og blir da kanskje meir rett inn fjordane.

For Rute 46 Kvanne – Rykkjem har Fjord1 sendt ut følgande melding: På grunn av dårlig vær er ruten inntil videre innstilt.   Seinare – i 15.30 tida –  er det meldt at trafikken på strekninga er komen i gang igjen, men at forsinkinger kan påreknast.  

Når feiebilen dukkar opp, da er det som eit teikn på at våren er i anmarsj. Torsdag var Mesta ute med feiebilen, og vaska, pussa og støvsuga vegkantar langs FV671 inn til Todalen. Det blir mykje støv og lort i samband med strøing og salting gjennom ein lang vinter.