Forside Arkiv

Tysdag kveld var det rekordarta isforr ved Kårvatn. I elveløpet til Toåa er det heilt fullpakka av is, og Gudmund Kårvatn seier at han aldri har sett så mykje is i elva. Det danna seg ein ispropp i Hjellhølen, rett nedafor Kårvatn, og derfra innover til svingen ved Myrvang er elveløpet heilt fullpakka.

Vokalensemblet Pønsj er hovudattraksjon når juletonar fyller Todalskyrkja søndag kveld. Dertil blir Nina Braaten og arrangørkoret Prosjekt 17 å høre.
Sekstetten Pønsj vart danna i 2015. Songarane er eller har vore medlemmer av det kjente koret Ensemble Dali. Gruppa syng både julemusikk og andre ensemblesongar. – Vi har konsertert fleire stader i Midt-Norge og også i utlandet, seier Eilif Odde, TK-journalisten og songaren som i haust kontakta P17 om denne konserten. – No gled vi oss stort til å besøke Todalen!

Tysdag kveld er turen komen for julegrantenning i Brusetmarka. Det skjer i Trudvangkrysset kl. 18.00 og her blir det servering med julegløgg og mykje anna godt.  Alle er velkomne til ei triveleg adventsstund i lokalmiljøet.  Arrangør er Brusetmarka vel.

Store mengder snøsørpe på vegane gjer at det er ekstremt dårleg føre. Vi oppfordrar folk til å ta det med ro og kjøre forsiktig, for du kan lett skjære ut og hamne utafor vegen. – Det har vore sluddbyger og regna jamnt utover dagen og det er heil uttruleg at det kan bli så dårleg føre.

Det er ikkje så lenge sia eit kvalbilde gikk verda rundt, da det viste seg at kvalen hadde magesekken full av plast og at den sannsynleg vis hadde lidd ein smertefull død på grunn av plasten. Etter kvart så har vi sett fleire slike bilder, og blir vel etter kvart vant til det? Men no tykkjer vi at det begynner å kome nær oss, og det er ikkje berre i havet at plastavfall er eit problem!

Årsskrift nr. 13, år 2019, frå Stangvik historielag har eit godt og interessant innhald. Her er det artiklar som dekkjer eit stort omland, det meste av gamle Stangvik kommune som Ålvundfjorden, Lykkjebygda, Hamnes, Årnes og Stangvik.

Laurdag ettermiddag var det julegrantenning i julegata på Kvennset. I år var det ny vri på arrangementet, og det va sett opp eit handletelt og arrangert julemarked. Det var nok suksess, for det trekte ekstra mykje folk til arrangementet og skikkeleg god julestemning med ekte julenissar.

I går kveld og i føremiddag har det vore stort engasjement på juletorgfronten. Julegrantenninga skal foregå ved Matkroken/Heitt & Svett, og nytt i år er at det blir torgsal i tilknyting til arrangementet. Det blir start på julegrantenninga kl. 16.15 – altså etter at butikken er stengt.

Forfattarane Torbjørn Polden, Lars Steinar Ansnes og Erling Myrbostad har gjennom 12 år samarbeidd om å gi ut bøker med utgangspunkt i lokal historie knytt til Eidet og Lykkjebygda der karane voks opp. I alt har det vorte fem bøker. Torsdag kveld var det bokslepp for «Under Skarfjellet» – bind 3. Da har dei produktive forfattarane gjeve ut 3 bøker i løpet av det siste året! «Men det blir ikkje tre nye bøker neste år,» slo Lars Steinar Ansnes fast.

Torsdag 28. november kl.18.00 inviterer Stangvik Historielag til bokslepp i forsamlingshuset Myrvang. Her vil forfattarane Erling Myrbostad, Torbjørn Polden og Lars Steinar Ansnes presentere den tredje og siste boka i serien «Under Skarfjellet».

Snart er det tid for å opne første luka på adventkalenderen. Neste søndag er første søndag i advent og 1. desember, og da trekkjer vi den første premien fortalte Markus og Isak som var på plass i kaffekroken. Det var sal av adventskalendrar frå SIL alpingruppa som stod på agendaen, og dei gikk unna – 75 kr pr stk. og 3 for kr 150 – dei aller fleste vart nok frista til å kjøpe 3. Og her kan du vinne i 2 gevinstar kvar dag – heilt til jul kunne dei berette.

Vi har fått fleire meldingar om spekkhoggarar som er på Nordvik- og Todalsbesøk. Eva og Odd Arild Sande var ut på spasertur i standlinja da dei fekk sjå «følget» som fôr forbi. Sande trudde det var 5 stykker som jakta i Todalsfjorden i dag, og fekk iallfall nokre bilder med sitt mobilkamera.