Forside Arkiv

Fredag 1.mai startar årets Stikk UT!- sesong. Her i Todalen er det framleis tre Stikk UT!-turmål; nemleg Tjønnmyran, Svinvikrunden og Bjøråskaret. Svinvikrunden er eit populært turmål og eit av dei turmåla som har vore lengst med i Stikk UT!-programmet. Målet med Stikk Ut! er å inspirere til fine turar og friuftsliv, mosjon og frisk luft. I år blir det ikkje bøker i turkassane, all registrering skjer på nett på grunn av smittesituasjonen. Friluftsrådet ønsker å fokusere på nærturar og oppfordrar til å ta turar i nærmiljøet!

Slangesprening av husdyrgjødsel er kanskje ikkje heilt nytt, men det er iallfall ikkje vanleg enno. I dag var det rigging for utkjøring av husdyrgjødsel i Utigarden hos Olaug kvendset og Asgeir Longva, med slangar rundt heile eigedomen.  Dei skal ut med 7-800 m3, og da kan du tenke deg kor mange lass det blir dersom ein kan kjøre 8-10 m3 pr lass.  Med distribusjon gjennom slangar så vil ein oppnå ein kapasitet på rundt 200 m3 pr time. 

Over helga er det klart for forsiktig skulestart og SFO for 1. – 4. årstrinn.  På en pressekonferanse på nettet vart den lokale pressa orientert om opplegget for skulestarten, og kommunalsjef Astrid Mogstad Høivik orienterte om opplegget.  – Dette skal bli så bra som mulig, og vi samarbeidet godt med foreldre og elevar om opplegget og alle skulane i kommunen opnar igjen over helga. 

Det var snurparen Vestbris som gjorde eit tappert forsøk på få tak i ein stim med makrell på Nordvikfjorden i dag.   Den gjorde fleire forsøk, men nota var tom og resultatet negativt.  Vi får berre seie betre lukke neste gong.

Finvêrsmeldingar over fleire dagar har inspirert Hageland og Byggmakker til trailersalg av hagemøbler og utstyr utafor butikken på Syltøran.  Her kan du gjera godkjøp på litt av kvart, dersom du tek turen!

Denne veka ligg det an til rekord på Talgø MøreTres anlegg på Syltøran.  Royalanlegget har gått for fullt i vinter for å kunne ha nok varer utover våren, som er den travlaste tida for royalprodukta frå Talgø MøreTre.  Måndag var det toppdag på ekspedisjonen, og driftsplana stod lasting av 35 semitraller og vogntog i løpet av dagen – det stod nærast vogntog i kø for å få last på lasteplassen på Syltøran i dag. 

No er det tid for rydding på kyrkjegarden – snøen er forhåpentleg borte for i år, og da er det tid for å ta eit tak både i hagen og på kyrkjegarden. Det er mykje som kjem fram når snøen forsvinn, syng Gluntan, og det kan vaktmeistrane i kyrkja bekrefte.

Komande tysdag opnar barnehagane igjen, og litt om litt vil nok samfunnet opne seg igjen dersom utviklinga fortsett på rett kurs.  Fredag ettermiddag møtte representantar frå kriselleiinga i Surnadal komune pressa, for å orientere om at barnehagane i kommunen startar på i gjen tysdag 21. april.  Det er ein dag seinare enn den nasjonale veiledaren gjev rom for – måndagen blir planleggjingsdag. 

Pressemelding frå Friluftsrådet om Stikk UT! Skiseong 2019/2020

Over 1900 personer har registrert seg som deltagere, og til sammen har de gått 17520 turer så langt i vinter. Det er vi kjempefornøyd med, sier Marte Melbø og Stig Aambø som er ansvarlige for turkassetrimmen Stikk UT! Ski.

Frå måndag morgon opnar Kaffekroken igjen, fortel handelsmann Nordvik.  – Men det er sjølvsagt lagt restriksjonar på denne reopninga – vi er slett ikkje ferdige med smittefaren for Koronaviruset, og derfor er det sett strenge reglar som skal hindre smittespreiing i samband med dette.  I samråd med kommunelege Bjørn Buan og kommunaldirektør Knut Haugen har vi laga reglar for denne reopninga – mellom anna er talet på sitteplassar redusert og avstanden mellom kvar sitteplass er auka. 

Sokneråda i Surnadal og Rindal takkar alle som støtta årets fasteaksjon. 

Leiar for innsamlingsaksjonen, Gro Hauge Venås, seier takk med denne helsinga:

14 04 2020 Statusrapport frå kriseleiinga.  Det er ikkje påvist nye smittetilfelle i Surnadal kommune.
Mange barn er no spente og glade for å kunne komme i barnehagen og på skulen sin igjen. Kommunalsjef i oppvekst, Astrid Mogstad Høivik, fortel om omfattande planlegging og logistikk for å få dette til på ein god og trygg måte i heile kommunen. Torsdag 16. april kjem det ut ein nasjonal veiledar som skal bidra til å kvalitetssikre både konkrete smitteverntiltak og opplæring under den gradvise reopninga.