Forside Arkiv

No tek kløverturen juleferie. Siste kløverturen i 2020 var lagt til Tjønnmyrane. 15 deltakarar gjekk tur og avslutta sesongen med triveleg samling i gapahuken. Men over nyttår blir det nye turar.

Nordvik Grendalag minner om den digitale basaren. Siste dag for loddkjøp er 3. desember.
Nordvik Grendalag melder at i år blir førjulsbasaren på Nordvik digital. Ein kan alt kjøpe lodd ved å VIPPSE til 98505. Prisen for eit lodd er 50 kroner. Det er viktig å skrive namn på meldinga når ein vippsar. Loddsalet har alt starta, og ein kan kjøpe lodd fram til 3. desember. Trekking ved styret Grendalaget i 7. desember.

Todalen sanitetsforening inviterer til Kløvertur måndag 30. november. Start frå Hals/Matkroken kl. 11:00. Samling ved gapahuken oppe på Tjønnmyran ca. kl 11.15. 

No er det tid for ein ny runde med fotpleie i Todalen sanitetshus. Fotterapeut Pan Promchart Hoset kjem måndag 7.  desember  og tysdag 8. desember. Det er mange ledige timar båe desse to dagane.

Sanitetsforeininga melder at kløverturen oppå Tjønnmyran måndag 23. november er utsett på grunn av ver- og føreforhold. Viss forholda ligg til rette for det, vil det bli sesongavslutning på Tjønnmyrå måndag 30. november.

Surnadal Kunstforening markerer overgangen mellom haust og vinter med utstillinga «Haustlys» i Finstuå på Surnadal kulturhus. Todalingen Sissel Halset Storslett er ei av dei 14 av medlemmane av kunstforeninga som er med på utstillinga som var opna laurdag 21. november. Med Alex Trio og tonar frå varmare strøk der sola faktisk skin hakket oftare enn på «Schjess» vart utstillinga […]

Friluftsråda for Sunnmøre og Nordmøre og Romsdal kjem no med eit nytt Stikk UT!-opplegg, nemleg vinterfotturar. Det kjem i tillegg til Stikk UT! Ski, det er spennande for det er slett ikkje stabilt skiføre heile vinteren i fylket vårt. På Nordmøre er det berre 3 kommunar som er med på Stikk UT! vinterfotturar, nemleg Sunndal, Smøla og Kristiansund. Men det blir Stikk UT! ski i Surnadal.

Måndag 16. november starta med trugande skyer i nordvest, men regnet heldt seg heldigvis utanfor Kammen og Kløverturgjengen fekk ein retteleg fin turdag.

For andre var det kanskje ein vanleg måndag i november, men for Liv Jorunn Bævre Moe, Åse Ville Redalen og Kari Kvendset var det i dag på tide å brette opp bakstermane og knyte på forkleet for det som er eit av høgdepunkta i førbuingane til jul. For 35. gong var dei samla til å […]

Todalen sanitetsforening inviterer til Kløvertur 16. november i frå Talgøgarden til Svabu. Start frå Hals/Matkroken kl. 11:00. Alle er velkomne til å bli med ut på tur!

Det er tid for nytt bokslepp med nytt årsskrift frå Todalen historielag.  Dette var tillyst i helga, men koronasituasjonen sette ein effektiv stoppar for arrangementet. Onsdag kveld var styret og skriftstyret i historielaget samla for å pakke årsskrift med tanke på alternativ distribusjon av hefta.  I staden for utlevering av årskriftet på boksleppet, får no alle medlemane som har betalt sin medlemkontingent årsskriftet i postkassen sin – de blir køyrt rundt i Todalen i helga og resten sendes med Posten. 

Dei to første Kløverturane i november har vore lagt til Nordvik; her er det fine turområde og mange vegar og stiar ein kan gå gode turar etter. I tillegg er det solvendt, så haust og vår er det ekstra kjekt å gå tur på Nordvik.