Arkiv for juni, 2022

I kveld tok Søya/Todalen G10 turen over Stangvikfjorden til Ålvundfjord stadion, for å spele seriekamp mot sin gode nabo Kvass/Ulvungen. 

Måndag morgon i 5-tida var det eit rabalder utan like i området ved Bokksvaet i Husbylia. Da var det nok fleire som vakna og som lurte på kva som foregikk oppe i lia. Trygve Halle som bur på Hala var kjapp til å kome seg borti soveromsvinduet, og såg da støvskya som hadde lagt seg rundt Bokksvaet.

I går tok Fjellgruppa i Surnadal Pensjonistlag turen til Ranessetra. Så når vêrgudane også varta opp med skikkeleg fint turvêr, så vart det ein skikkeleg fin tur for dei mange turdeltakarane frå Fjellgruppa. 

Todalen historielag og Stangvik historielag planlegg busstur til Surnadal, Rindal og Meldal laurdag 18. juni. Det blir mellom anna besøk på skimuseet i Rindal og middag på Bolme pensjonat på returen frå Meldal. Bussen startar frå Matkroken Todalen, og stoppar elles på Nordvik, Hauahyllå, og rasteplassen før Skei.  

Stavganggruppa i Surnadal Pensjonistlag inviterer, torsdag 9. juni klokka 11:00, til stavgangtur i Bøverdalen. Parkering ved garden Svorka i Bøverdalen, der vil folk frå stavganggrupp stå og vise veg. – Ta med stolar, seier Svein Tjelle i Stavganggruppa.

Måndag kveld var det fleire stor starta slåttearbeidet – yr.no melder regn seinare i veka så no gjeld det å nytte finvêret så godt som mulig. Anders Karlsen og Ståle Ansnes hos Todalen Mjølk har 2.100 dekar med gras som skal konserveres, og har starta slåtten. Dei konkluderer med bra avling, og reknar med å slå rundt heile bygda – alt nedafor Falla i løpet av veka.

Surnadal Hagelag markerer «Den store hagedagen» med planteloppemarked i tunet på Åsen bygdemuseum lørdag, 11. juni kl. 13.00. Det blir salg av kaffe og vafler, og mulighet til å besøke hovedutstillingene på museet og Røykomnsstua. Museet er åpent til kl. 15.00.

Det er tydeleg at vandring i lokalhistoria er populært for folk som har levd ei stund. Denne gongen var det vegane i Åsbøhauan og innover til Sjøleet, og vidare ned til Sjøtrøa som var tema da Nordvik Grendalag, Stangvik historielag og Todalen historielag inviterte. I det fine vêret var det rundt 50 deltakarar som møtte ved Åsbøsommarfjøset, for å bli med på vandringa som starta i Åsbøhauan, og gjekk etter gammelvegen opp til Åsbøen

Ein litt småkald vår har ført til at det har teke tid å få fart på rododendronblomstringa i Svinviks Arboret. No er imidlertid blomstringa komen i gang for full, og jammen er hagen med all sin blomsterpryd eit syn som er verdt å få med seg. Arboretet minner også om at dei har ope 2. pinsedag til vanleg tid 11:00 – 16:00 – elles er den ordinære opningstida for arboretet onsdag til søndag, og alle dagar frå kl 11:00 – 16:00

Måndag 6. juni (2. pinsedag) klokka 13:00 inviterer Nordvik grendalag, i samarbeid med Todalen historielag og Stangvik historielag, til kulturvandring langs gamlelvegen i Åsbøhauå. Vandringa startar frå Åsbø gard/Åsbøsommarfjøset og går ein runde nedover Åsbøhauan.

Akkurat no går French Open av stabelen i Paris, der nordmannen Casper Ruud søndag spelar finale mot Rafael Nadal frå Spania. Også på Bordholmen er det «topptennis» denne helga. Ole Magnus og Olaus er glade i å spele tennis, og nyttar høvet til å spele når dei er på besøk i Todalen og vêret tillet dette! 

Måndag 6. juni (2. pinsedag) er det meldt fint vêr og sol! Slettneset steinovnsbakeri inviterer difor til open kafé frå klokka 12:00 – 16:00. Her kan dei freiste med god kaffe og nybaka kaffebrød. Så da er det berre å ta turen til Slettneset for formiddagskaffe på måndag!