Foto: Jo Gjeldnes
Hopp under nyhetssakene

Arkiv for januar, 2022

Vi fann 73 artiklar i dette arkivet.


Stenging av Fv 6148 – Ørsal-/Melavegen

Bjørn Gunnar Ansnes Fredag 14. januar 2022

I perioden 24. januar – 28. februar vil Fv 6148 – Ørsal-/Melavegen vere stengt for gjennomkøyring over Haukåbrua. Dette på grunn av at rekkverket på brua skal skiftast ut. Omkøyring er via Fv 6146 – Todalsvegen og Fv 6148 – Melavegen eller Pilskarvegen og over Øyabrua. Omkøyringa vil vere skilta under heile perioden arbeidet med rekkverket pågår.


Balleik inne medan Gyda herja ute

Bjørn Gunnar Ansnes Fredag 14. januar 2022

Torsdag kveld inviterte Barne- og ungdomsgruppa i Todalen Idrettslag til Balleik i gymsalen på Todalen skule. Og i går kveld passa det nok ekstra godt med innandørs aktivitetar, sidan Gyda herja ute. Mange barn og unge møtte opp for å ha det litt artig med balleik og for å trene litt saman. 


Fv 65 delvis opna att

Bjørn Gunnar Ansnes Torsdag 13. januar 2022

Møre og Romsdal fylkeskommunen melder no seint i kveld at eitt felt på Fv 65 fobi Einmo/Ranes og ved Bolme bru, vil bli opna for trafikk. Dette gjer at trafikken nordover til Trondheim og Trøndelag kan kome i gang att. Alle bussavgangar nordover vil likevel vere innstilt fredag har vi fått opplyst. 


Surnadal kommune – oppdatering frå kriseleiinga om uvêret Gyda

Bjørn Gunnar Ansnes Torsdag 13. januar 2022

I ei pressemelding, vi akkurat har motteke, får vi ei oppdatering på situasjonen i Surnadal kommune i samband med uvêret Gyda. NVE reknar med at flaumtoppen vil bli nådd i løpet av natta, men at rasfaren vil vere størst i morgon. Statens vegvesen reknar med at Fv 65, nordover mot Trondheim, vil kunne opnast i løpet av morgondagen, med dei oppfordrar til å følge med på vegvesen.no for oppdatert informasjon. Dei rundt 350 sauene som lenge stod i fare for å drukne, er no berga og flytta til andre fjøs. Alle skulane i kommunen vil i morgon ha heimeundervisning. 


Gyda – vassføringa aukar enno i Toåa

Jon Olav Ørsal Torsdag 13. januar 2022

Medan vassføringa i Surna nærmar seg 50-årsflaum så fortsett også Toåa å vokse, og var kl 16:00 i dag komen på 86 m3/sek som pr definisjon er 5-årsflaum.  Men som sag så er det enno auke i vassføringa, og ein må nok rekne med at toppen blir nådd først i kveld eller natt.


Surnadal kommune – oppdatering om uvêret Gyda

Bjørn Gunnar Ansnes Torsdag 13. januar 2022

Uvêret Gyda har ført til flom i Surnadal og Fv 65 er stengt fleire stadar oppover mot Orkland, både i Surnadal og Rindal. Elva Surna har gått over sine bredder og skapt flom. Mellom anna er det ein stor redningsaksjon for å berge flerie hundre sauer som står i far for å drukne. Elevane ved skulane i Surnadal kommune vart ved 13-tida sendt heim, og det er i ettermiddag bestemt at både Stangvik skule på Evenshaugen og ungdomsskulen i Surnadal skal ha heimeskule i morgon. NVE melder at dei forventar at flaumtoppen blir nådd i kveld eller i morgon tidleg. 


Gyda: Fuktig og vindfull natt

Jon Olav Ørsal Torsdag 13. januar 2022

Gyda har markert seg det siste døgnet – det har vore både vindfullt og store nedbørsmengder har kome ned.  Toåa har hatt ei jamn stigning frå i går i 12-tida, da vassføringa 1,2 m3/sek til i dag tidleg kl 5 (nyeste måling frå NVE i skrivande stund) da vassføringa var kome på 69 m3/sek.  


Rute 46: Gyda stoppar ferja

Jon Olav Ørsal Onsdag 12. januar 2022

Grunna dårleg vær er rute 46 Kvanne – Rykkjem inntil vidare,  frå og med avgangen kl 20:00 melder Fjord1.  I nattens mulm og mørke melder Fjord1 at det blir normal drift frå morgonen igjen.  


«Barn i løypa» under gode forhold

Bjørn Gunnar Ansnes Tysdag 11. januar 2022

I kveld var det «Barn i løypa» i lysløypa på Tjønnmyra. Det var fine forhold for å gå på ski i fint preparerte løyper. Gradestokken viste eit par blå grader, så temperaturmessig var det langt betre i kveld enn førre tysdag, da det var skikkeleg kaldt. Mange hadde møtt opp og tok nokre rundar i dei fine løypene. 



Balleik i gymsalen torsdag

Bjørn Gunnar Ansnes Tysdag 11. januar 2022

Torsdag 13. januar frå klokka 18:00 inviterer Barne- og ungdomsgruppa i Todalen Idrettslag til Balleik i gymsalen ved Todalen skule. Tilbodet er for alle barn og ungdom frå 6 år og oppover. Det blir allsidig aktivitet etter ønske. 


Statusoppdatering for smittesituasjonen og vaksinering i Surnadal kommune

Bjørn Gunnar Ansnes Måndag 10. januar 2022

I ei pressemelding frå kommuneoverlege i Surnadal kommune, Bjørn Buan, no i ettermiddag, får vi informasjon om smittesituasjonen i Surnadal kommune. Vi får også ei statusoppdatering på vaksineringa i kommunen. Smittetrykket er akkurat no lågt, men kan endre seg raskt. Dette fordi det er mange smitta både i Kristiansund og Trondheim.