Arkiv for desember, 2018

Vi skriv no på siste verset av 2018, og nesten som ein tradisjon så er ruskeveret på plass i Todalen og Møre & Romsdal for øvrig. Den vesle snøen vi fekk natt til i går har forlatt dalen for lengst, og ute er det no pøsregn og vind. NVE melder om både kraftig vind og mykje nedbør i vår landsdel, som naturleg nok vil leggje ein dempar på årets nyttårsfeiring.

Det starta i det små, med eit par stykker som møttes i fjæresteinane på Ansneset for å ta seg eit nyttårsbad for nokre år sidan. I år var det i følge tilsendte bilder utruleg god deltaking og kanskje ok temperatur for hardhausane. I lufta var det i alle fall rundt 5-6 grader, men med noko nedbør så ser det rett litt hustrig ut likevel…

Terje Nordvik minner på om at det i morgon er sjakk på Matkroken klokka 15. Det er planlagt ei uformell turnering der vi garanterer minst to parti på alle mann, tilpassa mannskapet som møter opp, fortel han.  Det betyr at både nybegynnarar og proffe som Karlsen oppfordrast til å ta seg ein tur for litt […]

Godt over 50 personer med stort og smått deltok på romjulsmarsjen som Nordvik Grendalag arrangerte. Det var de fleste av det sittende styret som hadde lagt til rette med servering av kakao, gløgg og pepperkaker. Andreas Bele fungerte som fyrbøter, noe som gjorde at det brant lystelig i peisen ved enden av grillen.

I morgon er det nyttårsgudsteneste kl 16.00 i Todalen kyrkje. Oddveig Helset Halle er organist, og har fått med seg Tove Elin Strand på fløyte og Kirsten Næss på fiolin. Dei framfører mellom anna Julverset.

I dag er det nordvikgardingane som arrangerer romjulsmarsj. Dei har oppmøte ved leikeplassen i Sollia mellom 13 og 14 og håper at mange kjem og blir med. Dei fristar både med kakao, gløgg og pepperkaker.

Sist uke ble Kristiansundsjenta Kristina Andersen Ness, med sterke aner fra Todalen, forfremmet til bryterdommer i kategorien Internasjonal 1. Den nest høyeste dommergraden en brytedommer kan ha på internasjonalt nivå.

Surnadal kino tek høgde for at det er skulefri onsdag 2. januar og sett opp fire filmar den dagen.

Animasjonsfilmen «Troll – Kongens hale», og det som truleg blir det siste møtet med kritikarroste «Spider-Man: Into The Spider-Verse», går på dagtid.

Mens dei fleste av oss gjorde unna forberedelsane til jul i god tid, har revygjengen jobba litt meire intenst inne i julehøgtida for å legge tilrette for ein triveleg og sosial kveld i Todalen Ungdomshus 4. juledag. Nesten 70 betalande hadde sett av kvelden og kunne fornøyeleg nyte ein stor time med underhaldning fra scena.

Det er riktig så triveleg å treffe så mykje folk når ein går Storrundt!», – det var omkvedet under «Romjulsmarsjen» i Todalen 4. juledag. Og det var kjøle mykje folk som var ute og gjekk, nesten 150 personar! Folk var glade for å treffe naboar, kjenningar, utflytta todalingar og andre som var på besøk og tok ein runde bygda rundt! Det vart mange stopp for å helse og slå av ein prat, altså vart det meir sosialt samver enn fart og trim! Men det er riktig så mange andre dagar i løpet av året ein kan springe, jogge eller finspasere Storrundt utan å treffe eit menneske.

Imorgon frå kl 13.00 blir det arrangert romjulsmarsj. Værgudane ser òg ut til å å vera på lag, då det ikkje er meldt nedbør av betydeleg karakter

I dag var første gjennomgang av årets julerevy. Gjengen vi trefte i ungdomshuset tykte dei var rimeleg godt i rute, og rekvisittaer og kostymer var produsert på løpande band. På papiret står 9 nummer frå scena; og dei kunne garantere både utgravinggar, nedgravingar, kaffekrok og presentasjon av sjølvaste urtodalingen. -Vi oppfordrar alle Hallingar om å komme i år, og naturleg vis alle andre som vil sjå kva vi har funne på om dei, ler Nils Ove, Anders og Lars spøkefulle.