Arkiv for juni, 2018

Kenneth Reiss bestemte seg for å dra til Todalen på Todalsdagen i år.  Kenneth er gründer og foredragshaldar i «Aktiv for epilepsi», og bruker tida si til å dra rundt for å spre sin kunnskap om denne sjukdomen.  Kenneth veit kva han snakkar om, for han er født med epilepsi og har dermed hatt sjukdomen […]

Laurdag var det stor aktivitet på mange frontar på Bordholmen. Det var slett ikkje berre eit trettitals fotballag og eit hundretals mosjonsløparar, men også stor aktivitet på loppemarknaden i reiskapshuset og ikkje minst eit storslått mattilbud med mange grillrettar som har vore førebudd i vekesvis.

Det var ikkje uventa at Håvard Gjeldnes kom inn på bestetid og løyperekorden 11,01 under dagens mosjonsløp Ræta Opp. Hakk i hel kom Noa Sæterbø Råen, Sindre Hyldbakk Kvande, Halvor Åsbø og Torstein Snekvik som måtte på 12-talet. Bestetid i dameklassen fikk Kristin Aasen og Jorun Nordvik som kom på 16-talet med henholdsvis 16,10 og 16,14.

Det går faktisk ikkje an å få betre forhold for å kose seg med fotball enn den vêrtypen vi har hatt på Bordholmen i dag. Det var knallblå himmel og sol heile dagen, men samtidig litt vintrekk – slik at det ikkje vart for varmt. I løpet av dagen har det vore 66 fotballkampar og jammen er det imponerande så sjå på alle dei dyktig fotballspelarane som har vore i aksjon i dag.

Det er liten vannføring som er hovedårsak til at det innføres restriksjoner på laksefisket fra 1. juli. I kveld har dei sendt ut pressemelding om at dei vil sette i verk tiltak ved at all holaks skal settes ut igjen.

I kveld var ein dugnadsgjeng i arbeid med klargjering av Bordholmen til Todalsdagen som arrangerast i morgon, laurdag 30. juni. Leiar i Todalen I.L., Nils Ove Bruset, er imponert over den store dugnadsinnsatsen som har vore lagt ned den siste tida. Men no er alt klappet og klart og kl 9.00 i morgon startar arrangementet, og da går det i eitt fram til klokka nærmar seg 17 før siste finalen er unnagjort.

Arrangørane til morgondagens Todalsdag oppmodar todalingane til å benytte sykkel som transportmiddel i morgon tidleg. – Vi har litt mindre parkeringskapasitet rundt Talgø i år, derfor oppfordrar vi todalingane til å finne fram sykkelen når dei skal på Bordholmen i morgon, seier Nils Ove Bruset i idrettslaget.

Vi har publisert mykje om det som skal skje på Todalsdagen 2018 – du har kunna lese om det her på Todalen.no, men også i andre media. No når alle brikkar er komne på plass, kan vi presentere detaljprogrammet for dagen og seie at slik blir det. Alt kl 9.00 er mannskapet på plass og 9.30 går dei første fotballkampane av stabelen. Programmet som er laga er lokalt delt ut i postkassane, men i tillegg finn du ein digital versjon her på Todalen.no, som du også kan bla i og finne oppdatert info.

Surnadal Pensjonistlag arrangerer tur til Frøya 25. – 26. juli. Det blir avgang frå Skei kl 0900 og med retur neste ettermiddag. Stenberg køyrer! Overnatting på Hotell Frøya med lunsj ved ankomst, 3-retters festmiddag, frukost og lunsj dag 2.

Den gode dugnadsånda kjem godt med i disse Todalsdagtider. Førebuingane til Todalsdagen foregår på mange frontar, torsdag kveld var det dugnad i ungdomshuset for å lage grillspyd til Todalsdagen. Tidlegare denne veka var det dugnad på baneanlegget og fredag kveld er det igjen dugnad for å få alt på plass til Todalsdagen startar på morgonkvisten laurdag morgon.

I går måtte den gamle Nilsstuløa gi seg for overmakta, og med god hjelp av Per Gjeldnes maskin vart den gamle løa jamna med jorda. Den gamle og innhaldsrike løa var nok sentral i gardsdrifta i gamledagar, med både treskeverk, kvern og mykje anna utstyr. men no vart den innhenta av tidens tann, og det var eit stort behov for vedlikehald som meldte seg, fortel Gudmund Husby som var eigar av den gamle løa.

I fjor var det Erik Kårvatn som hadde beste tid på Ræta Opp. I år er Erik bortreist på ferie, så det store spørsmålet blir om kven som skal vinne kampen om å kome først i mål? – Knut Bergli og Ingvild Kårvatn er meir opptekne av at flest mulig skal bli med starte i mosjonsløpet Ræta Opp.