Arkiv for mai, 2015

Laurdag opna Svinviks arboret for sesongen. Det var mykje folk innom alt første dagen for å sjå på blomstringa som som er kome i gang. Det er enno litt tidleg, men mange av dei 300 sortane med rododendron er no i ferd med å kome i blomstring, fortel Maja Frønes som er avdelingsleidar og ansvarleg for drifta i Svinviks arboret.

Trimgruppa minner om fellesturen rundt Storhaugrunden, med start kl 14 frå vedhuset på Haugligardane, via Storhaugen – og grilling med pølse, saft og kaffe ved Fosstrøin på returen. Alle er velkomne til å bli med på ein triveleg rundtur. Det er berre å StikkUT!

Søndag 10. mai er det klart for nok ein ny søndagstur. Denne gongen er det bøkeskolen i Stangvik som er turmålet, og Stangvik historielag er vert og arrangør. Oppmøte er ved enden av asfaltert veg ved Vang skisenter kl. 12.00. Turen er mellom 3 og 4 km ein veg, og ein kan vel rekne med å bruke ca 1 time, kanskje litt lengre tid «heimatt», da det her stort sett er slak motbakke.

Da Kårvatn Fjellutstyr søkte etter ”ein dugandes medarbeidar” tidlegare i vår, tente det ein gnist hos Lars Inge Harang. Han sette seg ned for å skrive søknad – og etter litt diskusjon både heime med familien og hos Kårvatn Fjellutstyr så var valet gjort. No er han på plass ”attafor disken” på Kårvatn.

Todalen historielag har så mykje bilder frå Hallsetgrenda/Sjynågrenda at vi kan presenterer tre omgangar derifrå i historielaget sin rundtur rundt bygda.

Fredag fekk ungane i barnehagen uventa besøk av to blide og greie russejenter, Kristine Svinvik og Karina Kosjanenko. Dei var ute etter å samle knutar til russelua si, og i barnehagen vart det to knutar i ein og same slengen! – Først delte dei ut is til ungane, lollipop og vaniljestong, det var kjøle populært! For det får dei lolipopknute i russelua, det må seiast å vere ein sympatisk og snill russeknute. Ungane fekk også russekort. Fin avslutning før helga.

Barneteatret Vårt kommer med «Mannen i pappesken» til Surnadal kulturhus onsdag 13. mai. Dette er enn varm, rørende og humoristisk historie som handler om å overvinne frykten for det som skremmer oss. Dette er en historie som mange vil kjenne seg igjen i. Hvem av oss har vel ikke noe vi er redd for? Men som Mumitrollet så klokt sier: Det er ingen kunst å være modig – hvis man ikke er redd.

Torsdag 7. mai la Stavganggruppa turen til elva Søya i Lykkjebygda. Vi parkerte bilane ved brua nedafor Lia, og vart imponerte over det store flaumsikringsarbeidet som var gjort her. Etter at vi hadde fordøyd inntrykka av dette enorme arbeidet, la vi turen nedover mot den prektige Haugafossen før alle 33 returnerte attende til bilane. Vi avslutta som vanleg turen med ein kaffepause.

Nordvik Grendalag har for lengst lagt planene for eit innhaldsrikt år. Vi har fått tilsendt aktivitetsplana deira, og kjem til å legge ut ulike arrangement når det nærmar seg. Sykkeltrimmen deira har også starta opp att, der dei blir å sjå på vegane innover til Todalen kvar søndag framover. Her blir det som tidlegare år saft, kaffe og bakels annakvar søndag for å skape ei litt meir sosial ramme rundt arrangementa.

110-sentalen i Ålesund melder om at Svinviktunnelen, på strekningen Todalsøra – Haugen kan bli stengt i perioder på inntil 30 minutter frå klokka 21 no i kveld. Rutegående trafikk og utrykningskjøretøy kan passere. Det er nok ingen dramatikk i dette, da det er stor sansynlegheit at det er renovering det dreier seg om.

Den siste vårpussen vart onsdag kveld unnagjort i Svinsviks arboret, med god hjelp frå Surnadal hagelag som tradisjonelt brukar å være med på klargjeringa til opninga. No er alt klart og dei første rododendronane er alt i full blomst og klare til å ta i mot publikum. Blir tek nok litt tid enno før blomstringa kjem på topp, men med litt varme og sol så vil det nok skje ting gange fort. Det var bra oppmøte på dugnaden onsdag kveld, og vi fekk gjort unna mykje av ryddearbeidet, fortel vaktmester Ola Bruset ved arboretet.

Torsdag 7. mai blir vpårens siste innendørs trimøkt for dametrimmen. Det skjer som vanleg i gymsalen, og startar kl 20.00. Dametrimmen kjem muligens til å arrangere nokre fotturar utover mot sommaren – før dei tek ein velfortjent ferie, melder Turid Hals Sæther i dametrimmen.