Arkiv for september, 2014

Fjord 1 melder no at sambandet Kvanne – Rykkjem vil ha normal drift få kl 22.15 med avgang frå Kvanne. Solnør har vore ute av drift ei stund i kveld på grunn av tekniske problem.

Fredag vart ein skuledag utanom det vanlege for elevane ved Todalen og Stangvik oppvekstsenter. Heile gjengen, tilsaman over 80 elevar frå dei to skulane og barnehagane var samla på Stangvik skule for å høyre, sjå og lære mykje nytt om naturfag. Den pensjonerte naturfaglektoren Einar Oterholm hadde med seg mykje rart utstyr for å vise fram og lære bort noko av kunnskapen sin til elevane.

Todalen Sanitetsforening melder om at det vil bli moglegheiter for å bestille time for fotterapi med fotterapeut Olaug Aspill igjen. Ho tek turen til Sanitetshuset 2., 3. og 7. oktober. Ho startar kl 9.00 kvar dag, med ein liten pause etter nr 3. før det er rom for ytterlegare 2 påmeldingar.

Skihistorie og fyndig språkbruk står på programmet for Senioruniversitetet for Indre Nordmøre no i haust. Det første møtet skal vere på det nyopna skimuseet i Rindal allereie onsdag 17.september kl 11:00. Mange har kanskje vore der og vorte imponert, men for dei av både rindalingar, surnadalingar og halsalendingar som enno ikkje har vore der enda er dette ei fin anledning til å oppleva museet. Senioruniversitet vil få både omvising og kaffe og hyllkak – og høve til å friske opp mange minne frå gamle dagar.

Stavganggruppa i Surnadal Pensjonistlag møttest torsdag 11. september på Todalshytta, ei av dei fire hyttene som forretningsmannen og sportsfiskaren Ethelbert Lort Phillip fekk bygd først på 1900-talet. Dei andre hyttene er Vangshaugen på Sunndalsfjella, Trædal i Sunndal og Phillipshaugen i Øksendal.

Med 45 manns orkester, solistar, kor og flygel ligg det an til tidenes klangfest i Stangvik kyrkje laurdag. KKKK-festivalen «tjuvstartar» 2014-programmet med Bernsteins «Chichester-salmar», Rutters «Magnificat» og ikkje minst Gershwins «Rhapsody in blue»

Neste veke er det klart for demensveke for Surnadal Demensforening og helselag, fortel ledar Liv Botten. I år som i fjor har ho sikra avtale med Surnadalsrussen til å bli med på innsamlingsaksjonen rundt i heile Surnadal kommune – for å samle inn pengar til demenssaka. Aksjonen kjem til å gå føre seg i tidrommet 15. til 18. september, og da håpar ho at du tek vel i mot dei som kjem med innsamlingsbøssa.

Førstkommande laurdag startar strikkekaffedamene oppatt med strikkekaffe igjen. Her blir det som det brukar å vere enkel servering og mykje sosial prat, og kanskje med muligheiter til å lære noko nytt. Strikkekaffeen fekk i vår ein stor donasjon med garn av Per Reiten. Dette garnet ønsker dei no å lage noko spesielt av, som kan bidra til at andre kan få ein varmare kvardag.

Mange rare ord og vendingar vart bruka under Surnadal kommune sin påfyllskveld for ildsjeler. Ordførar Lilly Gunn Nyheim ønska dei vel 75 påmeldte hjerteleg velkomne, før prosjektleiar Anne Saltrø Polden ønska kveldens motivator HC Medlien frå Lucky Næroset velkommen. Og for dei som ikkje kom: det var jaggu synd… Hans energi og tankevekkande utsagn og teoriar gjore at latteren satt laust og at ein fekk tenkt litt nye tankar. Desverre går det ikkje an å gjengi foredraget i rein tekst, for ein vart nærast berre sittande å nyte dette oppkommet av eit fyrverkeri.

I kveld var det ein målrik fotballkamp på Bordholmen. Det var lokaloppgjør av beste sort, mellom G10 laga Søya/Todalen og Surnadal. Surnadalsgutane gjekk knallhardt ut og scora to raske mål før Søya/Todalen fekk summa seg. Men dette klarte dei fint å snu, og gjekk til pause med ledelse.

Hausten har, under tvil, begynt å vise seg etter ein rekordvarm sommar, og det er på tide å finne månadens bilete for august. Vi har som vanleg fått inn mange fine bilete, og nokre av disse er plukka ut for å vera med i månadens avstemning.

Den 1. oktober blir det eigarskifte i Surnadal og Rindal begravelsesbyrå. Da går Ragna og Ivar Meisingset over i pensjonistanes rekkjer, og Anna Britt og Palmer Vikan tek over. Da er det heile 36 år sia Ragna starta eige gravferdsbyrå heim på garden i Øvre Surnadal. Anna Britt og Palmer er godt budd på å ta over, og vi er sikre på at vi overlater begravingsbyrået i trygge hender, seier Ragna Meisingset.