Arkiv for oktober, 2013

Natt til søndag er det tid for å stille klokka ein time tilbake. Siste søndag i oktober er det slutt på sommartida, og da ffår vi normaltid igjen fram til siste søndag i mars. offisielt skal dette skje ved at klokka stilles kl 03.00 tilbake til kl 02.00.

Dei var i allfall i godt humør om det ikkje var nokon rekordhjort dei var i ferd med å slakte! Halla og Husby jaktlag felte under laurdagens hjortjakt ein kalv, men hadde fått fleire kronhjortar på postane. Men kronhjort var det ikkje att på kvoten, så den måtte berre få passere i fred og ro. Siste kronhjorten dei hadde på kvoten fall nemleg forrige helg dei var på jakt, da debutanten Svein Stensby sendte eit eksemplar av arten til dei «evige jaktmarker».

Ta deg fri denne kvelden og kom på gubbetrim. Det gjer så godt og det blir artigare til fleire vi er, seier initiativtakarane Ola Kvendset og Knut Bergli. Ta kotakt med dei to dersomn det er noko du lurer på! Denne aktiviteten blir kvar tysdag kveld framover til det nærmar seg jul, melder Todalen idrettslag.

Ein innhaldsrik og særledes triveleg kveld på bortimot 4 timar for dei ivrigaste frammøtte, vart resultatet av samarbeidet mellom Surnadal kommune, Talgø og Todalen Sanitetsforening når dei dro til å arrangere ein hyllningskveld for Thora Talgø og 100 år med almenn stemmerett for kvinner. Skepsisen til dei lokale i arrangørkomiteen med tanke på oppmøte vart på eit tidleg stadium av, ikkje ein realitet da det vart anslege bortimot 200 frammøtte på Gammelfabrikken.

No er vi inne i ei tradisjonell basartid. Først ut i vårt område er Todalen sanitetsforening med basaren sin allerede førstkommande søndag i Sanitetshuset. Her bli det både dagens bord, barnebord og åresalg. Dei spanderer som vanleg kaffe med noko attåt.

Torsdag 24. oktober markeres 100-årsjubileet for kvinnenes stemmerett. Markeringa er eit samarbeidsprosjekt mellom Surnadal kommune, Todalen sanitetsforening og Talgø, og det skjer i Todalen på Talgø Utstillingssenter (Gammelfabrikken). Her blir det ei skikkeleg markering av jubileet, med eit allsidig program som startar kl 18.00, med Open kafé fortsetter kl 19.00 med eit innslag der Eivind Hasle fortel om kampen om stemmeretten som foregikk på slutten av 1800-talet, der vi også får knytt til eit rollespel med eit forsterka formannskap som aktørar.

SKUMLE ting kan skje i klatreveggen på STV torsdag 31. oktober mellom 17 og 19 når Surnadal trenings- og velværesenter inviterer til barneklatring på sjølvaste Halloween.

Styret i Start 4H melder no om førebuingar til årets haustfest. Datoen er sett til søndag 3. november. I den anledning var alle medlemmene i kveld inviterte til Skulestua for å arbeide med prosjekta sine, i lag med klubbrådgjevarane Ragna Kvendset og Jon Olav Roaldset. Og fleire av dei yngste nytta anledninga godt, og fekk jobba bra med arbeidsbøkene sine.

Bortimot 70 mann møtte i kveld opp på Todalen Oppvekstsenter for å delta på Surnadal kommune sitt 1. orienteringsmøte i grendene om kommuneplanen som omhandlar areal- og samfunnsdel. Frå kommunen møtte ordførar Mons Otnes, rådmann Knut Haugen, kommunalsjefane Karin Halle og Inge Skogheim, rådgjevar Råg Ranes og arealplanleggar Håvard Stensønes.

Måndag 21/10 vart det nye postkassestativet på Halla offisielt opna. Sidan det gamle stativet bles ned for eit par år sidan, har eit nytt stått øvst på sentrumsplana for Hallagrenda. Tidlegare stod det ein mjølkeramp på andre sida av vegen. Dette var eit samlingspunkt i grenda, og gav ideen til å bygge eit postkassestativ i same stil. Det er kårkallane Eivind og Trygve som har stått for bygginga. Oppdragsgjevarane Olav og Frode er svært godt fornøgd, og tykkjer resultatet vart over all forventning. Dei vil også nemne at finansieringa av prosjektet har vore svært gunstig.

Kutt i antall årsverk, sammenslåing av skuler og utsettelse av både sentrumsplan og utbygging av Øye skule. Dette var nokre av tiltaka rådmann Knut Haugen la fram for politikarar, tillitsvalgte og administrasjonen i Surnadal under budsjettkonferansen 23. og 24. september på Smøla.

Bibliotekar Karen Johanne Talgø melder om at biblioteket ved Todalen oppvekstsenter held stengt førstkomande torsdag grunna stemmerettsarrangementet på Gammelfabrikken.