Arkiv for august, 2013

Måndag starta skulen på igjen, og da er det berre å konstatere at sommarferien er over for den yngre garde. Kl 8.30 i dag tidleg var heile gjengen samla på skuleplassen og klare til å ta fatt på eit nytt skuleår. Trur faktisk alle var glade for å treffast på skulen igjen, men spesielt var det nok for dei 4 som skulle starte i førsteklassen. Men dei finn nok tonen ganske fort, og det såg ut som klassekontakt Britt Mossing fikk god kontakt.

Surnadal trenings- og velværesenter er nå i full gang med høstens aktiviteter på treningssenteret på Skei. De aktive damene melder om både Qigong/Mindfulness, GM (rumpe), funksjonell trening – Høgpuls, sirkeltrening, step-timer, styrketimer og dogdeball (kanonball) i tillegg til alle gruppetimene de har fra før.

Ei klokke er i dag funne i området ved Talgøsetra. Ta kontakt med Matkroken L. Hals, telefon 71 66 38 00 dersom det er klokka di!

BF Førdefjord kom i rute mellom Todalen og Kvanne frå tysdag 13. august. Etter at det vart beslutta å sette inn bilferje på Todalsfjorden medan vegen er stengt, tok det knappe 2 veker frå raset gikk til BF Førdefjord kunne ta premiereturen inn til Todalen for å prøve den nye kaia måndag 12. august. Frå neste morgon starta rutetrafikken med bilferja på Todalsfjorden. I mellomtida hadde landgangsfartyet MS Maursund frakta bilar inn og ut frå Todalen, og bokstaveleg talt fått hjula i gang igjen.

Denne gangen skal vi bevege oss over fjellet frå Todalen og til Ålvundeidet. Der har Marie Sanden fått kyndig hjelp av oldebarnet Oda Søyset Holmestad til å forfatte siste blogginnlegg for oss. Vi takker begge to for bidraget!

Etter raset frakta Svorka Energi inn agregat for å etablere straumforsyning i påvente av reparasjon av kraftlinja. Nokre av agregata har etterpå vore stasjonert i Todalen som beredskap. Det store agregatet, samt dieselforyning har stått ved Talgø Møbelfabrikk i denne perioden. Laurdag vart ustyret henta av Erling Søyseth med kranbil og frakta til beredskapslageret i Surnadal.

På mandag er det «retteleg kvardag» igjen for dei fleste. Da startar skulane på att, og etter ein lang sommarferie er det kanskje litt etterlengta også. Litt spenning følgjer som oftast med, i allefall om ei kanskje skal byrje på ny skule for første gong.

Torsdag 15. august møttest Stavganggruppa ved brannstasjonen på industriområdet i Røtet/Syltørane. Jon Nordvik gjorde ein framifrå jobb som vegvisar og guide på heile turen, og vi vart mektig imponerte over å høyra om alt som går føre seg i her.

Ein liten ulmebrann i maskinrommet på MS Tollesund laga mange forviklingar laurdag. Brannen var udramatisk og var fort sløkt med Co2-anlegget ombord. I kveld kom ny båt på plass, som skal vikarere for MS Tollesund, fram til søndag kveld. Båten som tek over ruta dei to neste dagane er MS Marine Express, som kjem frå Gulen Skyssbåt service i Gulen og har skipper Andreas Bendal og matros Geir Belsaas som mannskap.

Ved kvart ferjeanløp på Kvanne vil det i dag fredag stå ein minibuss klar til å skysse folk som treng å hente bilen sin i Svinvika.

Det blir gratis å reise med ferje til og frå Todalen fram til ein køyrbar veg er på plass, det har Møre og Romsdal fylkeskommune vedteke etter sterkt press frå bebuara i Todalen. Liggekai for ferja MF Førdefjord vil bli flytta frå Halsa til Todalen, noko som også gir moglegheiter for fleire ferjeavgangar til og frå Todalen frå neste veke.

Rasområdet i Todalen er no friskmeldt av fjellsikringsteamet og arbeidet med å fjerne stein og tre fra vegen er godt i gang. Torsdag gav fjellsikrarane frå Betongrenovering klarsignal til at arbeidet med å lage ein kjørbar veg gjennom rasområdet til fylkesveg 671 til Todalen kan byrje skriv Vegvesenet i ei pressemelding.

.