Arkiv for mars, 2011

Siste døgnet har det vore rimeleg mykje nedbør og stor hastigheit på vindmålarane omkring. Dette har resultert i oversvømmelsar og trefall.

I morgontimane var det blandt anna mykje å sjå på tur opp til Kårvatn. Frå Falla og oppover hadde ein bekk teke nytt far då stikkrenna ikkje makta og ta unna alt vatnet. Det vart difor til at vatnet for ved sida av vegen på øversida i staden.

I dag, 21. mars, er det vårjamdøgn. I Wikipedia står følgjande skrive om det temaet: «Vårjamdøgn eller vårjamdøger er saman med haustjamdøgn dei døgna då natt og dag er like lange overalt på jorda. Etter vårjamdøgn vert dagane lengre og nettene kortare på den nordlege halvkula, der dagen ofte har markert byrjinga på våren.

Regjeringa ved statsminister Jens Stoltenberg har teke initiativ til
manifest mot mobbing. Målsetjinga er : «Et forpliktende samarbeid for et
godt og inkluderende oppvekst- og læringsmiljø».

Surnadal kommune har teke utfordringa frå regjeringa, og sist fredag var det
underskriving av manifestet ved Todalen oppvekstsenter. Frå kommunen stilte
ordførar og kommunalsjef, og Turid Hals Sæther, leiar i samarbeidsutvalet,
representerte foreldra.

I helga har det vore ein liten smak av vår i Todalen. Blå himmel og sol på laurdag og slett ikkje dårleg vær søndag heller, med opptil 10 grader. På ein liten spasertur som gikk «litj-rundt», trefte vi nokre som var ute i same ærend og som håpa at det snart er tid for meir vårvær.

Johan Kvendset er einaste deltakar i Birkebeinerrennet frå Todalen I.L. i år. Løpet går frå Rena til Birkebeineren stadion i Lillehammer, og er på 54 km i klassisk stil. Ein går med sekk på minst 3,5 kg gjennom heile løpet. Deltakarantalet er rundt 16000, og altså Johan Kvendset som einaste todaling. Han kom i mål på tida 4.41.26, som var god margin for å klare merket, og vart nr 10 i klasse M75 (75-79 år).

20 personar møtte i går kveld til årsmøte i Todalen Idrettslag i Todalen Ungdomshus. Leiar Nils Ove Bruset ønska dei frammøtte velkomne, før valgt møteleiar John Moe tok over.

Todalen Idrettslag har om lag 220 betalande medlemmar, og gjekk også i 2010 med overskot på vel 230 000 kroner. Dette mykje på grunn av Todalsdagen som fotballgruppa arrangerer. Fotballgruppa er ut i frå dei ulike gruppene sine årsmeldingar også den mest aktive undergruppa i laget, med både 17. mai frokost, 3.dagsfest, og nevnte Todalsdag.

Onsdag 23. mars kl 19.30 blir det «Kafekonsert» med Tordenskjold  i Nordvik grendahus. Det er gratis inngang og salg av kaffe og mat. Loddsalg er det også. Nokre gjesteinnslag vil det også kome fra scena, kanskje noko gammelt revystoff, skriv Lars Husby i ei melding til Todalen.no.

Det er ikkje berre i Sanitetshuset det foregår fotpleie. Det er nødvendig å pynte på klauvene til kyrne også, og det behovet har forsteka seg etter at det vart pålegg om å bruke gummimatter i båsane, fortel Frode Grønmyr hos Todalen Samdrift. Gummimattene gir mindre slitasje på klauvene, og klauvene må skjerast ned for å sikre god beistilling […]

Torsdag kveld arrangerte FAU bokkveld med servering av bakels og kaffe medan biblioteket var åpent, med høgtlesing frå bøker og sosialt samvær. Eit trettitals vaksne og ungar møtte opp, og det var rekordstort utlån av bøker ved biblioteket. Vi håpar mange fekk ein triveleg tur på biblioteket, og at mange tek ein tur tilbake på eit seinare tidspunkt.

Todalen oppvekstsenter markerer skulebygninga sitt 90. skuleår med ein jubileumsfest laurdag 9.april 2011. Andre skular og barnehagar i kommunen har feira ulike jubileum det siste året, men dei er berre “ungdommar” i forhold til skulen vår. Skulen vil lage ei utstilling med gamle og nye ting, elevarbeid, filmsnuttar og bilete.

Energinettverket Svorka hadde si første storsamling i Kammerset (kinosalen) på kulturhuset onsdag, der temaet var framtidige løyingar for belysning og forbrenningsteknikk. Energinettverket er eit samarbeidsprosjekt mellom åtte bedrifter på «indre», der dei tre Talgøbedriftene MøreTre, T-Komponent og Talgø Møbelfabrikk er med. Formålet med dette samarbeidsprosjektet er å spare straum, og dei har sett seg shøge mål: Dei skal tilsaman spare 5 mill kWh pr år gjennom meir fornuftig bruk av energi.

Årsmøte i Todalen idrettslag blir halde i Todalen ungdomshus fredag 18. mars 2011 kl 1930. I tillegg til vanlege årsmøtesaker står står det bygging av ny lysløype på saklista. Her kan du laste ned fullstendig saksliste for årsmøtet. Styret i Todalen idrettslag